Keshe UEFA Últtar ligasy ayasynda Qazaqstan qúramasy óz alanynda Gruziya futbolshylaryn qabyldap, 0:2 esebimen jenilip qaldy.

Qúrama tizginin Stanimir Stoilov ústaghaly komandalyq oiyn týzelgendey kóringen. Ýsh joldastyq kezdesude sәtti óner kórsetken futbolshylardan otandyq jankýierler ýlken ýmit kýtken edi. Alayda, maqtauly mamannyng ózi alghashqy synaqtan sýrinip otyr.

Joldastyq kezdesu men resmy oinnyng bәsi bir emes ekenin biz keshe kórdik. Kóktemde joldastyq matchta Vengriyany jenip (3:2), Bolgariyadan jenilgen (1:2) Qazaqstan qúramasy jazda Ázirbayjan futbolshylaryn qarsylas qúrly kórmegen edi(3:0). Alayda, bizding qúrama bolgariyalyq mamannyng jetekshiligimen ótken alghashqy resmy oiynda Vladimir Vayss bastaghan gruzin futbolshylaryna qarsy qauqar tanyta almady. Úpay týgili gol soghudyng da sәti týsken joq.

Negizgi qos qúramanyng quaty qaraylas bolatyn. Mamandar keshegi oiynda qay qúramanyng jeniske degen jigeri basym bolsa sol ýsh úpay oljalauy mýmkin dep mejelegen. Búghan Qazaqstan qúramasynyng óz alanynda óner kórsetip jatqany qosylyp, tarazynyng bizding jigitter jaghy sәl basyp túrghaday kóringen. Biraq, match nәtiyjesi mýlde basqasha boldy. 90 minut boyy qazaqstandyq futbolshylardan jeniske degen talpynysty bayqay almadyq. Osynyng aldyndaghy ýsh joldastyq kezdesude kórsetken tamasha oiynnyng teng jartysyn da ortagha sala almady.

Myqty motivator sanalatyn bolgariyalyq maman Stanimir Stoilov ta bizding jigitterding jigerin jany almady. Birinshi taymdaghy teng oiynnan keyin, ýziliste Stoilov bapker shәkirtterin alangha qayrap shygharar degenbiz. Biraq, kerisinshe qonaqtar ekinshi taymda ýzdik óner kórsetti. Kezinde "Qayrat" komandasyn baptap, qazaq futbolynyng qyr-syryna qanyqqan slovakiyalyq maman Qazaqstan qúramasyn onay útyp ketti.

Últtar ligasy. D ligasy

Qazaqstan - Gruziya - 0:2

Gol soqqandar:  0:1 - 69' Chakvetadze, 0:2 - 74' Malyy (óz qaqpasyna)

Qazaqstan: Erich, Malyi, Postnikov, Quat (Túrysbek), Mujikov, Islamhan (Zeynutdinov), Jukov, Shetkiyn, Murtazaev (Seydahmet) , Shomko, Beysebekov;

Gruziya: Loriya, Kakabadze, Kashiya, Kverkveliya, Kvekveskiri, Kankava, Kazaishvili, Kvilitaya, Merebashvili, Chakvetadze, Navalovskiy

Quanysh Qappas

Abai.kz