QR Bala qúqyqtary jónindegi uәkil
Sәule Múhanbedianqyzy Aytpaeva
hanymgha

Ashyq hat

Qúrmetti Sәule Múhanbedianqyzy!

Men Medet Kerimbayúly Nadirov aidyng kýnning amanynda óz balalarymdy óz qamqorlyghyma ala almay jýrmin. Elimizding basqa ónirinde ózara kelisim arqyly sheshiletin qarapayym mәselening maghan kelgende Zang jýzinde sheshim tappay túrghanyna tanmyn.

Týsinikti bolu ýshin basynan bastayyn.

Men Gauhar Serikqyzy Dýisenbaevamen 2006 jyldyng qyrkýiegining 6-júldyzynda zandy nekege túryp, otbasy qúrdym. Eki balaly bolghannan keyin 2010 jyly Jyloy audandyq sotynyng sheshimimen ajyrasyp kettik.

2017 jyldyng 27 jeltoqsanynda әielim Gauhar Dýisenbaeva ómirden ozdy.

Sodan keyin balalarymnyng bolashaq taghdyryna alandap, QR Zandarynyng negizinde óz qamqorlyghyma almaq bolyp, izdene bastadym.

Qazir kәmlettik jasqa tolmaghan qyzym men úlymdy naghashy әjesi Gýlbahram Raqymqyzy Dýisenbaeva zangha qayshy bolsa da, maghan qaytarmay, tipti mening әkelik qúqyghymdy shektep, oiyna kelgenin isteude. Enem ózi vahtalyq júmys jasaydy. Ol kisi ailap júmysqa ketkende balalarym ózderine mýldem tuystyq qatynasy joq adamdardyng qolynda qalady. Órimdey qyzymnyng taghdyryn jat adamdardyng tas talqan etpesine kim kepildik beredi? Onyng ýstine úlymnyn, óz qanymnyng kim kóringenning esigining aldynda jýrgenin qalamaymyn.

Men aldymen balalarymdy alghym keletinin aityp, Gýlbahram Raqymqyzy Dýisenbaevagha auyzsha úsynys jasadym. Biraq, jauapker naghashy әjesi týbegeyli qarsy bolyp, balalarymmen kezdesuime tiym saldy. Mektepten keyin botaqandarymdy menimen kezdestirmeu ýshin ýiden shygharmay, qamap ústady.

Qazir óz balalarymdy ózime qarsy qoyyp, týrli әreket jasap, tipti telefonmen sóilesuimizge tiym salyp otyr. Men jat qolyndaghy balalarymnyng amandyghyn bile almay, uayymdap jýrmin.

Ózara kelisim arqyly mәsele sheshilmeytinine kózim jetken song QR-nyng "Neke (erli-zayyptylyq) jәne otbasy turaly" Zannyng 75 babyna sәikes әreket etip, Jyloy audandyq sotyna shaghymdanghan edim. Biraq, zang men jaghymda bola túra is sozbaqtalyp ketti. Sot balalarymdy ózime qaytaryp bermeuge eshqanday sebep tappasa da, «aryz mәtinin dúrys jazbadyn» degen jeleumen mening talabymdy qanaghattandyrmady.

Osy jerde balalarymnyng qúqyqtaryn qorghauy tiyis «Atyrau oblysy Jylyoy audany bilim bólimi» óz júmystaryna asa salghyrt qarap otyrghanyn aitqym keledi. Negizi zang boyynsha balalardyng anasy qaytys bolghan song bala qúqyghyn qorghau ortalyghy ýsh kýn ishinde kelip sәbiylerding jaghdayyn bilui kerek bolatyn. Men búrynghy әielim qaytys bolghanda Jylyoy audanyna baryp, bir apta sonda boldym. Sol kezde bala qúqyghyn qorghau ortalyghynan eshkim kelgen joq. Búl ortalyqtyng taghy bir mindeti, anasy qaytys bolghan song bir aidyng ishinde balalardy әkesine tabystauy kerek bolatyn. Eger әkesi balany óz qamqorlyghyna aulan bas tartsa, ózge tuysqandaryna ótkizip beruge mindetti. Alayda, biz aityp otyrghan «Atyrau oblysy Jylyoy audany bilim bólimi» qyzmetkerleri búnyng birin de istegen joq.

2018 jyly 23 qantar kýni «Atyrau oblysy Jylyoy audany bilim bólimi» basshysyna balalarymdy ózime alyp beruin súrap ótinish jazdym. Ol ótinishime esh jauap bolmaghandyqtan 17 mamyrda ekinshi ret ótinish jazdym. Búl ótinishime atalghan mekeme qyzmetkerleri atýsti jauap berdi. Balalardyng anasynyng qaytys bolyp ketkenin bile túra, bizding mәseleni «Neke jәne otbasy turaly Zannyng 61-shi babyna» sәikes ata-analary bólek túryp jatqan balalar qatarynda qarastyrghanyn jetkizdi.

Atalghan mekeme mening ótinishim boyynsha anasynan airylghan balalardy tughan әkesine qaytaryp bergenning ornyna, meni ata-analyq qúqyghymnan shekteu turaly Almaty oblysynyng №2 kameletke tolmaghandardyng isteri jónindegi mamandandyrylghan audanaralyq sotyna shaghym týsirdi. Biraq, sudiya K.Q.Duanbekovanyng jetekshiligimen ótken sot otyrysy meni ata-analyq qúqyghymnan shekteuge esh sebep joq ekenin anyqtap, «Atyrau oblysy Jylyoy audany bilim bóliminin» talap aryzyn qanaghattandyrmady.
Osy uaqytqa deyin ótken sot prosesi mening balalarymdy óz qamqorlyghyma alsam degen talabymnyng oryndy ekenin kórsetip otyrsa da, qos qúlynymdy qaytaryp ala almay jýrgenime 8 ay boldy. Osy aralyqta ýlkenderding talas-tartysynan sharshaghan qos jetkinshekting psihologiyasyna auyr soqqy bolghany sózsiz. Men shynymdy aitqanda balalarymnyng qanday jaghdayda ekenin de bilmeymin. Olar meni óz tughan balalaryma mýlde jaqyndatpaydy, habarlasa da almaymyn. Al meni balapandarym ne iship, ne kiyip jýr, oqugha baryp jýr me, joq pa degen súraqtar mazalaydy. Jattyng qolynda jýrgen jetkinshekterimdi óz qamqorlyghyma alsam degen әkelik tilegimning oryndaluy sonsha qiyndap ketkenine kýiinemin.

Qúrmetti Sәule Múhanbedianqyzy!

Men sizden óz qyzmetterine salghyrttyqpen qarap, Zang jýzindegi mindetterin tolyq oryndamay otyrghan «Atyrau oblysy Jylyoy audany bilim bóliminen» osy mәselege zang boyynsha әreket etuin talap etuinizdi súraymyn. Bala qúqyghyn qorghau ortalyghy Zang boyynsha anasynan airylghan balalarymdy tughan әkesining qamqorlyghyna ótkizip berse deymin.

Sәlemnen Medet Kerimbayúly

Abai.kz