Bizding elde jeke sportshynyng әlemdik arenada qol jetkizgen jaqsy nәtiyjesin býkil elding jetistigi dep tanu әdetke ainalghan. Biylik halyqty osyghan ýiretip tastaghaly qashan? Biraq, sporttaghy jetistikti memleketting damuymen tikeley baylanystyratyn biylik sol sportshynyng jenilisin elding kemshiligi dep sanamaytyny taghy bar.

Mәselen, 2012 jyly Londonda Qazaqstan sportshylary 7 altyn medali jenip alghanda, búl bizding elding әlemdegi alpauyt memleketter qataryna qosylghanynyng belgisi dep ýgittedik. Alayda, arada biraz jyldar ótkende sol «altyndardyn» tórteuin doping dauyna baylanysty tartyp aldy. Al búl jaghdaygha bәrimiz kóz júma qaradyq.

Maqtaghan, maqtanghan sportshylarymyzdyng doping dauyna úshyrauyna Resey men batys elderining arasynan qara mysyq ótkeni sebep bolghanyn jasyryp-japtyq. Áytpese, tiym salynghan dәrumenderdi Resey men Qazaqstan sportshylary ghana paydalanyp jýrgen joq. Búlay deytinimiz, 2008-2012 jylghy Olimpiada oiyndarynda doping dauyna ilingenderding reytingisin osy eki el bastap túr. Reseyding 19 sportshysy Olimpiada medalin qaytaryp berse, elimiz sportshylary enshilegen 9 Olimpiada jýldesi jana iyesin tapty. Búl az deseniz, reytingide ýshinshi orynda Belarusi eli túr. Olardan qaytaryp alynghan medali sany – 7. Al endi myna sәikestikke qaranyz, Reseyding jer betindegi janashyr jaqyndary bizding el men Belarusi ekenin ekining biri biledi. Demek, Reseyge renjigen batys júrty «jauymnyng dosy – jauym» qaghidasyn myqtap ústanghan sekildi.

Sporttaghy jetistik el damuynyng kórsetkishi bola ala ma? Bizding elde «iyә» degen jauap qabyldanady. Halyqtyng miyna osylay sinirip tastaghanyn basta aittyq. Bizding qazaq ýshin halyqaralyq bir sportshymyzdyng kishigirim jenisining buy, el ishinde әnshisymaqtardyng dauryqpa shuy qyzyq. Býgingi tanda býkil baspasóz betin osy әnshiler jaulap alghan. Qarapayym halyq bala-shaghasynyng bolashaghyn emes, ótirik әnshilerding ósek-ayanyn kóbirek uayymdaydy. Múnymen qoymay bir sportshymyz shetelden altyn medali alyp keldi dep quanghanda, elimizding shynayy altyn men kýmisi jemqorlardyng jemine ainalyp jatqanyn úmytyp ketemiz. Áriyne, osyny qalaytyndar kóp bizding biylikte. Sol ýshin aqparat qúraldaryn әnshilerdi jarnamalaugha iytermelep otyr. Búl eshkimnen jasyra almaytyn shyndyghymyz bolsa da әli kýnge jauyrdy jaba toqyp kelemiz. Biraq, auyrudy jasyrghanmen bir kýni ólim bәrin әshkereleytinin úmytpaghan jón.

Tamyzdyng ekinshi jartysynda Indoneziya elinde XVIII Aziya oiyndary ótti. Elimiz qúramasy 15 altyn, 17 kýmis, 44 qolasy bar 76 jýldege qol jetkizdi. Jalpy komandalyq esepte 9-shy oryngha taban tiredi. Búl tәuelsiz Qazaqstannyng Aziya oiyndaryndaghy eng nashar kórsetkishi. 1994 jyldan beri sary qúrlyqtyng basty dodasynda elimiz sportshylary eshqashan ýzdik bestikten týsip kórmegen. Biyl ondyqqa әreng ilinip otyrmyz.

Al onda sportshylardyng jetistigin el damuynyng kórsetkishi sanaytyn kókeler myna nәtiyjege qarap elimiz damymay qaldy deui mýmkin be? Áriyne, joq. Sportshynyng jenisi biylikting arqasy, jenilisine memleketting qatysy joq. Taghy bir aita keterligi, biz endi orta Aziyanyng ozyq eli emes ekenbiz. Býginge deyin kindik Aziyanyng kóshbasshysymyz dep jýrgende Ózbekstan oza shapty osy joly. Aziya oiyndarynda ózbek sportshylary ýzdik bes qúramanyng qatarynan kórinip otyr. Biz búl sózderdi sporttaghy jetistik el damuynyng ainasy deytin biylik iyelerining ústanymyna say aityp otyrmyz. Áytpese, elding ósip-órkendeui sportshylardyng qalay óner kórsetkenine baylanysty bolmasa kerek.

Osy kezekti Aziadanyng baghdarlamasyna ózbekterding «kurash» degen sporttyq bәsekesi engen eken. Ózbekter osy «kurashtan» alty altyn medali jenip aldy. «Kurash» dep otyrghany kәdimgi kýres. Qazaq kýresinen aiyrmasy da, asyp túrghan artyqshylyghy da joq. Biraq, qúrlyq birinshiligining baghdarlamasyna enip otyr. Al milliondap aqsha qúiyp otyrghan qazaq kýresi әli auyl-ýiding arasynan asa almay jýr. Áriyne, qazaq kýresinen el chempionaty, Euraziya chempionaty qatarly turnirler ótip túrady. Alayda, Aziada, Olimpiada syndy halyqaralyq dýbirli dodalargha qosylghannyng jóni bólek.

Bir kezderi «Qazaqstan barysy» atanghan baluan 150 myng dollar alatyn. Jýlde qory qazir de az emes – 25 mln tenge. Biraq, biz últtyq sportqa bólingen qarjygha qarsylyq tanytudan aulaqpyz. Reseyden әnshi shaqyryp konsert bergenge ketken aqshanyng qasynda búl týkke túrmaydy. Bizding aitpaghymyz, sportty damytudyng joly dauryghyp dollar shashu emes kórinedi. Óitkeni jyl sayyn әlemge sauyn aityp, turnir ótkizetin qazaqtyng kýresi emes ýn-týnsiz jýrgen ózbektik «kurashy» ozyp ketkenin kózimiz kórdi.

Ontýstiktegi kórshimizding Djakarta jerindegi jetistigi kezdeysoq emes. Memleket tarapynan sportqa ong kózqaras qalyptasuynan bolsa kerek. Biyl qantar aiynda Ózbekstan jastar qúramasy 23 jasqa deyingi futbolshylar arasyndaghy Aziya Chempionatynda top jardy. Aziya chempiony atanghan jas futbolshylardy marapattau rәsimine qatysqan Ózbekstan basshysy Shavkat Mirziyeev: «Biz sporttaghy jemqorlyqty joydyq. Mine, sonyng nәtiyjesi, jastarymyz qúrlyq chempiony atanyp jatyr», - dedi.

Ózbek Preziydentining osy sózi oryndy sekildi seziledi bizge. Aqsha men sayasattyng әseri jýrgen jerde sporttyng kórer kýni dauryqpa úrandar men basta biz sóz etken doping dauy sekildi mәseleler ghana bolmaq. Basqa sportty aitpaghanda elimizde dәl osy futboldyng ainalasynda órip jýrgen jel sózden jan shoshidy. «Komandagha qabyldau ýshin para alady», «Aqshan, tanysyng bolmasa esh komandagha kire almaysyn», nemese, «Aqsha tólep jasyn jasyrady, ózgertedi» degen sekildi qauesetter qarapayym qazaq qauymyn futboldyng manyn basa almaytynday etip qorqytyp tastaghan.

Demek, sportty damytu ýshin sayasat pen aqshanyng tiygizer әserin azaytu kerek. Odan da manyzdysy sportshynyng jeke jetistigin elding jenisi retinde kórsetip, halyqtyng kónilin ótirik aulaudy qon kerek. Sport óz arnasymen, memleket óz arnasymen damyghany jón.

Quanysh Qappas

Abai.kz