Elbasy deputattar aldynda sóilegen sózinde halyq qalaulylaryn Parlamentting jana sessiyasynyng ashyluymen qúttyqtap, altynshy shaqyrylymnyng deputattyq korpusy joghary kәsibiylik kórsetip, Ýkimetpen ózara ýilesimdi yqpaldastyq tanytqanyn atap ótti.

– Parlamentting ýshinshi sessiyasynyng qorytyndysy boyynsha 87 zang qabyldandy, sonyng ishinde men jariyalaghan «Bes әleumettik bastamanyn» tiyisti normativtik qúqyqtyq negizi qalyptasty. Búl alty millionnan astam qazaqstandyqtyng әl-auqatyn arttyryp, ósip-órkendeuimizding basty sharty sanalatyn halqymyzdyng birligin nyghaytugha mýmkindik beredi, – dedi Núrsúltan Nazarbaev.

Memleket basshysy elimizding ekonomikalyq jetistikterine arnayy toqtaldy.

– Qazaqstandaghy ishki jalpy ónim 4 payyzgha artty, inflyasiya 5,9 payyzgha tómendedi, investisiya kólemi 24 payyzgha ósti. Ekonomika men qoghamnyng tiyimdi janghyruyna qajetti jaghdaylar jasaluda. Biz byltyrdan bastap ekonomikanyng әlemdegi ortasha damu qarqynynan oza bastadyq. Óndeu ónerkәsibi, kólik jәne qyzmet kórsetu salalary siyaqty shiykizattyq emes sektorlar ekonomikalyq ósimning qozghaushy kýshine ainaldy, – dedi Qazaqstan Preziydenti.

Elbasy әri qaray dәiekti әleumettik-ekonomikalyq damu ýshin sapaly zang shygharu júmysyn jalghastyru qajet ekenin aitty.

– Ózin-ózi júmyspen qamtyghandardy medisinalyq jәne әleumettik saqtandyru, sonday-aq zeynetaqymen qamtu jýiesine tartu – manyzdy mәselelerding biri. Tiyisti ózgeristerdi osy jyldyng sonyna deyin qabyldau qajet. Búl, әsirese, mindetti әleumettik medisinalyq saqtandyru jýiesine kóshu, medisinalyq kómekting kepildik berilgen kólemining jana modelin engizu, qoghamdyq densaulyqty saqtau mәselelerin jәne medisinalyq mekemelerde korporativtik basqaru jýiesin jetildiru júmystaryna baylanysty bolghandyqtan asa ózekti sanalyp otyr, – dedi Núrsúltan Nazarbaev.

Memleket basshysy qúrylystyng qarqyndy damuyna baylanysty túrghyn ýi-kommunaldyq sharuashylyghy salasynda túrghyndardy qanaghattandyrmaytyn kýrmeuli mәselelerding bar ekenin atap ótip, jalpy ýy sharuashylyghy basqarmasynyng týsinikti әri tiyimdi jýiesin qúru kerektigin, sonymen qatar búl jýiening qyzmet kórsetushi kompaniyalar men túrghyndar arasyndaghy qarym-qatynastyng ashyqtyghy qaghidatyna, sonday-aq qarajat shyghyny men monopolisterding jauapkershiligin baqylaugha negizdelui tiyis ekenin aitty.

Núrsúltan Nazarbaev orta jәne shaghyn biznesti damytu barysyndaghy ong ýrdisterge toqtalyp, turizm salasynyng kәsipkerlikti damytugha tyng serpin berui qajet ekendigin atap ótti.

– Ýkimetke Turizmdi damytudyng 2023 jylgha deyingi memlekettik baghdarlamasyn әzirleu tapsyryldy. Búl qújat jyl sonyna deyin qarastyrylyp, qarjylyq túrghydan qajetti zannamalyq baza arqyly bekitiluge tiyis. Sonymen qatar, Parlamentte memlekettik satyp alu jәne kvaziymemlekettik sektor ýshin satyp alu mәselelerine qatysty zang jobasy bar. Osy qújat atalghan prosesti jenildetuge, onyng tiyimdiligin arttyrugha, sybaylas jemqorlyq qaterin tómendetuge, basym baghyttardy iske asyru ýshin qarjy bóluge jәne biznes ahualyn jaqsartugha mýmkindik beredi, – dedi Qazaqstan Preziydenti.

Memleket basshysy agroónerkәsip kesheni salasyndaghy zannamany, sonyng ishinde saqtandandyru, agrarlyq qolhattardy engizu, nesiyelik seriktestikterdi damytu, sonday-aq veterinariya salasynda baqylau jýiesin ontaylandyru mәselelerin odan әri jetildiru qajettigine toqtaldy.

– Qoghamdyq sanany janghyrtugha arnalghan «Ruhany janghyru» baghdarlamasynyng manyzdy mindetterining biri tarihiy-mәdeny múrany saqtap, keninen tanytudy qamtamasyz etu bolyp sanalady. Tiyisti zang jobasyn qabyldau ýzdik әlemdik tәjiriybege sәikes tarihy әri kiyeli nysandardy tiyimdi damytugha, qorghaugha septigin tiygizedi, – dedi Núrsúltan Nazarbaev.

Shymkentke republikalyq manyzy bar qala mәrtebesi beriluine jәne Týrkistan oblysynyng qúryluyna baylanysty Qazaqstan Preziydenti Parlamentting qarauyna qayta qúrylghan әkimshilik-aumaqtyq birlikterding tolyqqandy júmysyn qamtamasyz etuge baghyttalghan zang jobalary engiziletinin jәne olardyng shúghyl qaralyp, qabyldanuy kerektigin aitty.

Jiyn sonynda Memleket basshysy deputattardy sessiyanyng ashyluymen taghy da qúttyqtap, Qazaqstannyng túraqty әri qarqyndy damu isinde odan әri tabysqa jete beruine tilektestik bildirdi.

Abai.kz