UEFA Chempiondar ligasy ýshinshi irikteu kezenining qarymta matchynda «Astana» Horvatiyada jergilikti «Dinamo» komandasyna 1:0 esebimen jol berdi. Osylaysha, qos oiynnyng qorytyndysynda zagrebtik komandadan 3:0 esebimen jenilgen elordalyqtar kelesi kezeng joldamasynan qaghyldy.

Qos komandanyng kezdesui bastalmay túryp sarapshylar men jankýierler «Astananyn» pley-off kezenine ótuge mýmkindigi bar ekenin aitqan. Alayda, teke-tiresting nәtiyjesi qazaqstandyqtardy quanta qoymady. Óz alanynda anau-mynau komandagha ese jibere qoymaytyn elordalyq újym alghashqy oiynda «Astana Arena» tórinde 0:2 esebimen útylghanda-aq jankýier jýzinen ýmit oty sóne bastaghan.

Sonda da ukrainalyq maman Roman Grigorchuk bastaghan jigitter Horvatiya jerine qoldan kelgenning bәrin jasaymyz dep attandy. Jankýierlerding kónil týkpirinde de kýtpegen jerden kambek oryn ala ma degen kýngirt ýmit bolghan. Biraq, «Maksimiyr»  stadionynda ótken match zagrebtik komandanyng bizge qaraghanda bir bas joghary túrghanyn kórsetip berdi.

Áriyne, «Dinamo» Zagreb qazaqstandyq komanda ýshin qalpaqpen úryp alatyn qarsylas emes edi. Europanyng eng ejelgi komandalarynyng biri. Germaniyanyng ataqty transfermarkt saytynyng mәlimetine sýiensek, komanda sapyndaghy oiynshylardyng transfer naryghyndaghy jalpy qúny 42,5 mln eurony qúraydy. Eng qymbat oiynshysy — qorghaushy Kevin Teofili-Katren (4 mln). Al «Astananyn» jalpy qúny 24,15 mln túratynyn eskersek, eki ortadaghy paryq anau aitqanday alshaq emes. Demek, horvatiyalyq komanda biz ýshin alynbas qamal da emes edi.

Biraq, qalay aitsaq ta, bolary boldy. El ýmitin arqalaghan elordalyq komanda biyl da Chempiondar ligasynyng toptyq kezenine shyghu mýmkindiginen airyldy. Biyl qart qúrlyqtyng eng bәsi biyik turniyrinde komandamyz boy kórseter degen kópshilik ýmiti jelge úshty. Endi «Astana» komandasyna Europa ligasynyng pley-off kezeninde sәttilik tileu ghana qaldy. Bәrimiz biletindey, «Astana» Europa ligasynyng toptyq kezenine ótu ýshin «Hapoeli» Beer-Sheva (Izraili) — APOEL (Kipr) (birinshi oiyn 2-2) júbynyng jenimpazymen kezdesedi.

Taghy bir aita keterligi, Horvatiya jerinde ótken oiynda «Astana» sapynda birde-bir qazaq oiynshy negizgi qúramda alangha shyqqan joq. Qazaq futbolshy deymiz au, matchty birinshi minuttan bastaghan 11 oiynshynyng arasyndaghy taza qazaqstandyq jalghyz Shomko ghana. Al Qazaqstannyng pasporty bar ózge ýsh oiynshy – Erich, Malyi, Postnikovtar ózge elde tughan «jana qazaqtar».

«Dinamo Zagreb» - «Astana» 1:0 (0:0)

Alghashqy oiyn: 2:0

Gol: Gavrinovich 74 (1:0)

Eskertu: Postnikov 44, Malyy 55

«Dinamo» Zagreb: Zagoras, Ademi, Olimo, Hayrovich, Budimir (Gavranovich 56), Goyak (Shuniich 70), Leovas, Teofili-Katren, Stoyanovich, Dilaver, Orshich (Perich 83)

«Astana»: Erich, Rukavina, Klyaynhaysler (Shetkin 78), Pedro Enriyke, Tomasov, Maevskiy, Almeyda (Mujikov 78), Malyi, Yanga (Kabananga 78), Postnikov, Shomko

Bas tóreshi: Gediminas Majeyka (Litva)

14 tamyz. Zagreb. «Maksimiyr». 

 Abai.kz