Sot zaly. Sayragýl Sauytbay

Býgin Almaty oblysyna qarasty Panfilov audandyq sotynda (Jarkent qalasy)  Qazaqstanda túryp jatqan eri men balalaryn kóru ýshin ótip, basy daugha qalghan qazaq әieli, Qytay Halyq Respublikasynyng azamatshasy Sayragýl Sauytbaydyng soty ótti, - dep habarlaydy Abay-aqparat. Cot Sayragýl Sauytbaydy 6 ay merzimge shartty týrde bas bostandyghynan aiyrdy. Ol jaza merzimin otbasy túryp jatqan Bәidibek auylynda óteydi. Eng bastysy – Sayragýl Qazaqstanda qalatyn boldy. Sot barysynda sóz alghan Sayragýl tolqyp túryp bylay dedi.

Sayragýl Sauytbay, sottalushy:

- Aldymen, ózderinizge sheksiz rahmetimdi bildirgim keledi. Óitkeni, is qozghalghaly beri barlyq qúqyqtarymdy qamtamassyz etip, barlyq qúqyqtarymdy shektemey zandy týrde qúrmet etkenderinizge sheksiz alghys bildiremin. Meni qoldaghan barlyqtarynyzgha rahmet.

Biz Sayragýlding qorghaushysy Abzal Qúspannan da pikir súradyq.

Sot zaly. Sayragýl Sauytbaydyng qorghaushysy Abzal Qúspan

Abzal Qúspan, qorghaushy:

- «Pana izdeushi túlgha» degen «Bosqyn» statusyn alu ýshin jasalatyn birinshi qadam. Yaghni, osyghan baylanysty bizding bergen ótinishimizge sәikes, 25 shilde kýni Sayragýlge №35 kuәlik berildi. Búl kuәlikting manyzy óte zor. Ol kuәlikting iyesi Qazaqstan Respublikasynan shygharylmaydy, jәne ózge memleketke berilmeydi. Búl mәseleni tikeley BÚÚ janyndaghy Bosqyndar isi jónindegi komissariat qadaghalaydy. Sonymen qatar, halyqaralyq normalargha sәikes shygharylghan QR Bosqyndar turaly Zany bar. Sondyqtan da, búl qylmystyq iste atalghan kuәlikting manyzy óte zor.

Sayragýlge qatysty mәselening ong sheshiluine BÚÚ Bosqyndar isi jónindegi komisariattyng yqpaly boldy. Halyqaralyq adam qúqyghyn qorghaytyn «Human Rayd» úiymynyn, Germaniya ýkimeti  tóraghasynyn, týrli halyqaralyq ýiymdardyn, Qazaqstan halqynyng bәrining yqpaly boldy. Songhy kezderi men qorghaushy emes, tek qadaghalaushy siyaqty bolyp qaldym. Sondyqtan, barlyq qoldaushylargha alghys aitamyn.

Sayragýlding "Pana izdeushi túlgha" kuәligi

Esterinizge sala keteyik, Sayragýlding taghdyryna әlemdik BAQ erekshe nazar audardy. Atap aitsaq: «washingtonpost.com», «Associated Press», «Frans press», «Bundastag baspasózi», «Euroodaq baspasózi», «hongkongfp.com» (Gonkong), «theguardian.com», «capitalfm.co.ke» (Keniya) sonday-aq, Malayziya, Tayland, Germaniya, Fransiya, AQSh, Qytay, Týrkiya aqparat qúraldary maqala jazdy. Jurnalister Sayragýlding basyna Qazaqstan biyliginen arasha súrady.

Qytay qazaqtarynyng jaghdayy turaly aghylshyn tildi BAQ-ta 46 maqala, Qytay tilindegi BAQ-ta 65 maqala jariyalanghan.

Esterinizge sala keteyik, shekarany zansyz búzyp ótti dep tútqyndalghan Sayragýl Sauytbaydyng isine qatysty alghashqy sot otyrysy 9-shilde, ekinshi sot prosessi 13-shilde kýni Panfilov audandyq sot ghimaratynda ótken edi.

Oghan Sayragýlding taghdyryna bey-jay qaray almaghan qazaq azamattary jan-jaqtan, jer-jerden jiyldy. Maqsat bireu – Sayragýlge qoldau bildiru.

Sot alghashynda Kremli biyligining resmy tili sanalatyn – orys tilinde bastaldy. Oghan sebep – Sayragýldi alghash tútqyndaghan jәne Memleket tarapynan belgilenip bergen qorghaushy orys tildi bolyp shyqqan. Al Sayragýl orys tilin bilmeytindikten, ortada audarmashy taghayyndalghan edi.

Al 9-shildedegi allghashqy sot otyrysynda Sayragýl sóz alyp, ózining qazaq tilin erkin mengergendigin aitty. Sóitip, sot prosessin әri qaray qazaq tilinde jalghastyrudy súrap óz qúqyghyn qazaq tilinde tolyqtay qorghay alatynyn jetkizdi.

Sayragýlding talap-tilegin onyng qorghaushysy Abzal Qúspan myrza da qoldady. Ol az deseniz, prokuror da Sayragýlding talabyna qarsylyq kórsetuge negiz joq ekenin aityp, qanaghattandyrudy súrady.

Ekinshi sot prosessinde sóz Sayragýlding ózine jәne kuәlik etushi kýieui Uәly Silәmgha berildi. Qorghaushy tarap pen aiyptaushy tarap mәselening mәn-jayyn egjey-tegjeyli anyqtau ýshin súraqtar qoydy.

Sot sonynda Sayragýl ózine taghylghan aiyptardy tolyq moyyndady. Onyng sot tórayymynan súraghan jalghyz ótinishi – jazasyn Qazaqstan aumaghynda óteu boldy.

«Men ózime taghylghan aiyptardy moyyndaymyn. Jazadan qashpaymyn. Mening sizderden jalynyp súraytynym – meni Qytaygha bermenizdershi.  Mening múnda otbasym bar. Balalarym da osynda. Men birinshi kezekte – anamyn»,- dedi Sayragýl.

Taghy da esterinizge sala keteyik, ýstimizdegi jyly mamyrdyng 22-si  kýni Almaty oblysy Enbekshiqazaq audanyna qarasty Bәidibek by auylynan әskery kuәligi bar eki adam Sayragýldi tútqyndap ketken. Sodan Sayragýldi «Qorghasqa» aparypty.

24-mamyr kýni redaksiyamyzgha Sayragýlding qayyn inisi Núrbolat Asan kelip, bolghan jaydy bayandap bergen edi. «Shekaralyq polisiya ókilderi «Qytay súratyp jatyr» dep jengemdi alyp ketti» atty maqala alghash «Abai.kz» aqparattyq portalynda jariyalandy. Bir sózben aitqanda, «Abai.kz» portaly Sayragýlding basyndaghy tótenshe jaghdaygha baylanysty birinshi bolyp dabyl qaqty, sosyn ol jayt әleumettik jelilerde qyzu talqylandy.  Sóitip Sayragýl Qazaqstanda qaldyryldy.

25-mamyr kýni belgili zanger Abzal Qúspan Sayragýlding isine qatysty pikir bildirip, ony óz qorghauyna alatynyn mәlimdedi. «Sayragýl Sauytbaydy Qytaygha qaytaru – eldigimizge syn!» atty Abzal myrzanyng maqalasy «Abai.kz» aqparattyq portalynda jariyalandy.

25-mamyr. Almaty qalasynda ornalasqan Halyqaralyq Adam qúqyqtaryn qorghau úiymynyng Qazaqstandaghy burosynyng kensesinde baspasóz jiyny ótti. Oghan Sayragýlding kuyeui Uәly Silәm men balalary kelip qatysty. Uәly Silәm bolghan jaydy BAQ ókilderine egjey-tegjeyli bayandap berdi.

Atalghan jiynnan keyin saytymyzda: «Sayragýlding qyzy: Anam qylmysker bolsa, Qazaqstannyng týrmesinde otyrsynshy» atty maqala jaryq kórdi.

29-mamyr. 2018 jyl. Redaksiyamyzgha shekaralyq polisiya qyzmetkerleri tútqyndaghan Sayragýl Sauytbaydyng advokaty Abzal Qúspan myrza habarlasty. Atalghan is boyynsha keybir jónsiz әreketter jayly ashyq aita kelip ol, mәlimdeme jasady. «Búl elde "әi" deytin әje, "qoy" deytin qoja - Bas prokuratura. Ol qayda qarap otyr?» atty maqala da saytymyzda jariya bolyp, qyzu talqygha týsti.

30-mamyr. Advokat Abzal Qúspan Oraldan Almatygha keldi. Sayragýl men onyng tergeushisi Vlad Antonovpen jolyghyp, iske kirisu ýshin advokat Abzal Qúspan bastap, belgili jurnalist Sәule Ábildahanqyzy, «Atajúrt jastary» eriktiler birlestigining jetekshisi Serikjan Bilәshúly, «Abai.kz» aqparattyq portalynyng shef-redaktory, yaghny osy joldardyng avtory Núrgeldi Ábdighaniyúly bar, Panfilov audanyna, «Qorghas» shekara beketine jol tarttyq.

Búl kezde Sayragýl Sauytbay Panfilov audanynyng ortalyghy Jarkent qalasyndaghy uaqytsha tergeu izolyatorynda qamauda jatqan. Osydan song Sayragýldi Taldyqorghan qalasyndaghy uaqytsha tergeu izolyatoryna auystyrghan. Búl turaly materialmen tanysamyn degen oqyrmangha, mine silteme: https://abai.kz/post/71269

19-mausym. 2018 jyl. Sayragýlding jayyn taghy qauzamaq bolyp bir top belsendi, Sayragýlding joldasy Uәly Silәm, úly Úlaghat, qyzy Ýkilay, qaynysy Núrbolat, qogham belsendileri Sәule Ábdildahanqyzy, Cerikjan Bilәsh, Qydyrәli Orazúly jәne jurnalist Núrgeldi Ábdighaniyúly Taldyqorghangha bardyq. Osy joly advokat Abzal Qúspan tergeuge qatysyp shyqty. UTIY-daghy Sayragýlding hal-jaghdayy jayly aqparatty sol kezde jazdyq. Ol turaly myna siltemeden oqyp, tanysa alasyzdar. https://abai.kz/post/72215

Osy rette aita keteyik, kýni býginge deyin Sayragýl Sauytbay isine qatysty «Abai.kz»aqparattyq portalynda  onnan asa maqala jaryq kórdi. Osy maqalalar arqyly biz «bir adamnyng taghdyry – últtyng taghdyry» ekenin búqaragha dәleldedik dep oilaymyz.

Abai.kz aqparattyq portaly Sayragýl tútqyndalghan kýnning erteninen bastap onyng basyndaghy ahualdy túraqty týrde jazyp keldi. Siltemelerge qaranyz:

1. https://abai.kz/post/70935
2. https://abai.kz/post/71269
3. https://abai.kz/post/71134
4. https://abai.kz/post/71022
5. https://abai.kz/post/70961
6. https://abai.kz/post/72527
7. https://abai.kz/post/72215
8. https://abai.kz/post/72413
9. https://abai.kz/post/72407
10. https://abai.kz/post/72543

Núrgeldi Ábdighaniyúly

Jarkent qalasy,

Panfilov audany,

Almaty oblysy.

Abai.kz