Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
2301 0 pikir 30 Mausım, 2018 sağat 13:29

Jyul'et Binoş Qasım Amanjolovtıñ «Sarıarqa» attı äygili öleñin oqıdı

«Oskar» sıylığınıñ laureatı jäne Kann festivaliniñ «Altın pal'ma» iegeri Jyul'et Binoş Astanağa keldi.

«Teatr men kino salasınıñ tanımal francuz aktrisası bizdiñ astanamızdı 20 jıldıq mereytoyımen qwttıqtap, festival' ayasında «Des mots pour le dire» - «Jürekten şıqqan sırlı söz» attı monospektaklimen sahnağa şıqtı. Jyul'et Binoş qazaq aqını Qasım Amanjolovtıñ «Sarıarqa» attı äygili öleñin oqıp körermenderdi öz önerimen tañqaldırdı. Bwl francuz aktrisası men qazaq aqınınıñ şığarmaşılığın wnatatındar üşin ülken tosınsıy boldı», - dep jazdı Mädeniet jäne sport ministri Arıstanbek Mwhamediwlı Feysbuk paraqşasında.

;feature=youtu.be

Sonday-aq, ministr atap ötkendey, aktrisa francuz änşisi Barbara ömirbayanınan fragmentterdi orındap, äygili aktrisanı birinşi älemdik fortepiano men kameralıq muzıka sıylığınıñ laureatı Vinsent Leterm fortepianomen süyemeldedi.

«Jyul'et Binoştıñ pikirinşe, ol bizdiñ elimiz turalı jağımdı äserde, ol bizdiñ elimizge jäne Astananıñ batıl, serpindi säuletine tañ qaldı. Aktrisa meyirimdi jäne qonaqjay Qazaqstan halqına öte riza boldı, ol wzaq saparmen tağı da bizdiñ elge keluge niet bildirdi. Bwdan basqa, Jyul'et Binoş bizdiñ otandasımız Samal Eslyamovanıñ ülken jetistikterimen, Kann festivalinde jeñiske jetuimen jäne täuelsiz Qazaqstannıñ astanasın mereytoyımen şın jürekten qwttıqtadı», - dedi A. Mwhamediwlı.

Ministrdiñ aytuınşa, Düniejüzilik «Astana» teatr festivaline Astananıñ 20 jıldıq mereytoyımen qwttıqtau üşin Italiya, Wlıbritaniya, Litva, Pol'şa, Germaniyadan tanımal älemdik teatrlar keldi, ärtürli elderdiñ 17 teatrı 18 ataqtı qoyılımdı wsındı.

«Festival'diñ saltanattı jabıluı Beybitşilik jäne Kelisim sarayında ötti. Biz qoştaspaymız, bir jıldan soñ osı alañda qayta kezdesemiz. Endigisi jaña üşinşi Düniejüzilik «Astana» teatr festivalinde kezdeskenşe», - dep ayaqtadı ministr.

Abai.kz

0 pikir