Jwma, 10 Şilde 2020
COVID-19 QAZAQSTANDA. Jwqtırğandar — 54747. Jazılğandar — 31277. Qaytıs bolğandar — 264
Qwyılsın köşiñ 3327 8 pikir 28 Mamır, 2018 sağat 18:09

CİM Qıtayda wstalğan qazaqtardı bosatudı swradı

Ötken aptada Beyjiñde konsuldıq mäseleler jönindegi kezekti Qazaqstan-Qıtay konsul'taciyaları ötti, dep habarladı QR sırtqı ister ministrligi.

Qazaqstan delegaciyasın sırtqı ister ministrligi konsuldıq qızmet departamentiniñ direktorı Ardaq Mädiev, al Qıtay delegaciyasın sırtqı ister ministrligi konsuldıq departamentiniñ direktorı Go Şaoçun' basqardı.

Taraptar konsuldıq saladağı ekijaqtı ıntımaqtastıqtıñ, eki eldiñ azamattarınıñ qwqıqtarı men müddelerin qorğaudıñ, sonday-aq Qazaqstan men Qıtay twrğındarınıñ özara saparlarınıñ özekti mäseleleri boyınşa tolıqqandı kelissözder jürgizdi.

Qazaqstandıq tarap Qıtaydan Qazaqstanğa qonıs audarğan jäne Qazaqstan Respublikasınıñ azamattığın alğan etnikalıq qazaqtardıñ jağdayına qatıstı mäseleni qozğadı.

Qıtayda qos azamattıq üşin wstalğan etnikalıq qazaqtardıñ isterin ob'ektivti jäne ädil qarau men olardı bosatu turalı tabandı tilek aytıldı. Qıtaydıñ Şıñjañ-Wyğır avtonomiyalıq aymağındağı etnikalıq qazaqtardıñ mäselelerin şeşudiñ ortaq amalın oylastıruğa uağdalastı.

Sonımen qatar, kezdesu barısında elder arasındağı vizalıq rejimdi jeñildetu mäseleleri talqılandı. Taraptar eki eldiñ halıqaralıq äuejaylarında Qazaqstan jäne Qıtay azamattarınıñ kelu/ketu jäne tranzitpen ötu tärtibi turalı aqparat almastı.

Vizalıq sayasat salasında tuındaytın mäselelerdiñ tehnikalıq sipatın eskere otırıp, taraptar eki el azamattarınıñ özara saparları üşin qolaylı jağday jasauğa dayın ekenin bildirdi, sonday-aq twraqtı konsul'taciyalardı odan äri jalğastıruğa kelisti.

Abai.kz

8 pikir