Qazaqstan Respublikasy Premier-Ministrining orynbasary Asqar Júmaghaliyev qazaqstandyq IT-kompaniyalarmen kezdesti.

Is-sharagha últtyq kompaniyalar men memlekettik organdardyng ókilderi, sonday-aq 30-dan astam otandyq AT-kompaniyalar qatysty.

Kezdesu barysynda ««Zerde» últtyq infokommunikasiya holdingi» AQ Basqarma tóraghasy Ruslan Ensebaev  memlekettik organdar jýrgizgen Yellow Pages jobasy, Open API tehnologiyalary jәne venchurlyq qarjylandyru boyynsha sifrlandyru kýnderi turaly әngimelep berdi.

Jyl basynan beri sifrlandyrugha 176 kompaniya qatysty. Ruslan Ensebaevtyng aituynsha, segiz IT-kompaniya memlekettik baghdarlamanyng jeti jobasyna arnalghan dayyn sheshimder úsyndy, 37 jobany kompaniyalar tolyq qarastyruda. Sifrlandyru kýninde AT-sektorynyng ókilderi kvaziymemlekettik úiymdardyng AT-funksiyalardy qaytalauy turaly mәseleni kóterdi. "Zerde" Holdingi jýrgizgen taldau nәtiyjesinde AT-funksiyalardy jýzege asyratyn 33 kәsiporyn men úiym anyqtaldy. Qazirgi kezde osy úiymdardyng jarghylarynan úqsas funksiyalardy alyp tastau boyynsha júmys jýrgizilude.

Asqar Júmaghaliyev memlekettik organdar әzirlemelerdi budjettik qarajat esebinen jýrgizui qajet emestigin atap ótti. Eger naryqta dayyn sheshimder bolghan jaghdayda, onda jobalar memlekettik-jeke menshik seriktestik qaghidasy boyynsha iske asyryluy mýmkin.

Kompaniyalardyng ókilderi barlyq sifrlandyru jobalaryna qatysugha niyet bildirdi. Búdan basqa, otandyq әzirleushiler halyqaralyq naryqta bәsekelestikke dayyn. Osyghan baylanysty, olar kórshiles elderge issaparlar siklyn úiymdastyrudy úsyndy.

Asqar Júmaghaliyev býgin qazaqstandyq kompaniyalardy qoldau boyynsha sapaly sharalar qabyldanatyny turaly aitty. Alayda kәsipkerler óz qyzmetteri men sheshimderin ózderi belsendi ilgeriletip, bәsekelestikke ýirenuleri kerek. Osy maqsatta Astana hab bazasynda qazaqstandyq kәsipkerler ýshin marketing jәne biznesti ilgerletu boyynsha arnayy kurstar úiymdastyrylady.

Búdan basqa, Viyse-premier AT-kompaniyalardy ýkimettik jinalystargha qatysugha shaqyrdy.

- AT-qauymdastyq basshylaryna, mening basshylyghymmen ótkizilgen barlyq vedomstvoaralyq komissiyalargha qatysudy úsynamyn. Sonday-aq, beyne konferensiyalar baylanysy arqyly júmys jinalystaryma qatysugha mýmkindik beremiz. Ol ýshin Astana jәne Almaty qalalarynda 2 oryn dayyndalghan. Mening jinalystarymnyng kestesin data.egov.kz portalynan taba alasyzdar. Ýilestiru júmystarymen Aqparat jәne kommunikasiyalar ministrligi ainalysatyn bolady, - dedi Asqar Júmaghaliyev.

Abai.kz