Astanada QR Premier-Ministri Baqytjan Saghyntaev Qazaqstan elordasyna XI Astana ekonomikalyq forumyna qatysu ýshin kelgen Dýniyejýzilik sauda úiymynyng (DSÚ) bas diyrektorynyng orynbasary Alan Vulfpen kezdesu ótkizdi. Búl turaly primeminister.kz sayty jazdy.

Kezdesu barysynda Qazaqstannyng DSÚ-men yntymaqtastyghyn odan әri nyghaytu, sauda-sattyq rәsimderin jenildetu boyynsha DSÚ-nyng kelisimin tiyimdi iske asyru, sonymen qatar kópjaqty sauda jýiesine Ortalyq Aziya aimaghyn belsendi yqpaldastyru mәseleleri talqylandy. Búdan ózge, elektrondyq sauda-sattyqty damytu, investisiyalardy yntalandyru, shaghyn jәne orta kәsiporyndardy halyqaralyq sauda-sattyqqa integrasiyalau mәseleleri qaraldy.

Anyqtama: DSÚ qúryluynyng resmy kýni — 1995 jylghy 1 qantar. Úiymnyng shtab-pәteri Jeneva qalasynda (Shveysariya Konfederasiyasy) ornalasqan. 2017 jylghy 1 qyrkýiekten bastap Dýniyejýzilik sauda úiymynyng bas diyrektory bolyp Roberto Azevedo taghayyndaldy, ol ekinshi 4 jyldyq merzimge qayta saylandy. 2013 jylghy 1 qyrkýiekte R. Azevedo Dýniyejýzilik sauda úiymynyng altynshy Bas diyrektory boldy.

2017 jylghy 1 qazandaghy jaghday boyynsha 164 memleket DSÚ-nyng tolyq qúqyqty qatysushysy bolyp tabylady, olardyng ýlesine әlemdik tauar ainalymynyng 98% tiyesili.

Qazaqstan Respublikasy 2015 jylghy 30 qarashada Dýniyejýzilik sauda úiymynyng tolyqqandy mýshesi boldy. 21 memleket DSÚ-gha baqylaushy mәrtebesine ie jәne olardyng kópshiligi osy Úiymgha qosylu turaly kelissózderdi jýrgizip jatyr. 60-tan astam halyqaralyq úiym DSÚ týrli qúrylymdarynda baqylaushy mәrtebesine iye.

Qazaqstannyng DSÚ-gha mýshelik etuining alghashqy 2,5 jylynda elimizding Úiym júmysyna belsendi qatysuy bayqalady. 2017 jyly Sauda jәne qorshaghan orta jónindegi DSÚ Komiytetining tóraghalyghyn sәtti ayaqtaghannan keyin Qazaqstan 2018 jyly DSÚ-nyng Sauda-sattyq qyzmetteri boyynsha arnayy sessiyasynyng tóraghasy retinde saylandy, búl elimizge degen mýshe elderding senimi men Qazaqstannyng joghary bedelin kórsetedi.

Abai.kz