Keshe, 26 sәuir kýni Almatydaghy Oqushylar sarayynda Qazaqstan Suretshiler odaghynyng kezekti qúryltayy ótti. Oghan Respublikanyng týkpir-týkpirinen myngha juyq delegat qatysyp, Odaqtyng búghan deyin atqarghan júmysymen tanysty әri jana tóragha saylaugha dauys berdi.

Qúryltaygha QR Mәdeniyet jәne sport ministrligi Mәdeniyet jәne óner isteri departamenti diyrektorynyng orynbasary Ábil Jolamanov bastaghan arnayy ókilmen qatar, elimizge tanymal surtshiler týgelge juyq qatysty. Suretshiler odaghy әkimshiligining bayandamasy tyndalyp, jaryssóz ótti. Odaq júmysyn ong baghalap, alda atqarar sharualardyng kóp ekenin sóz etkendermen qatar, ózderining qarsy pikirlerin bildirip, odaq júmysy jariyaly týrde jýrui kerek degender de kezikti.

Búdan búryn ótken Qúryltayda sheshiluge uәde etilgen kóptegen problemalar әli sheshilgen joq deushiler de boldy. Ásirese, Almatydaghy suretshilerge tiyesili sheberhanalardyng qújaty jasalynbaghanyn aitqandar kóp boldy. Suretshiler odaghy әkimshiligi búl asa kýrdeli sharua ekendigin, osyghan deyin zang ayasynda qyruar sharua atqarylghanyn, aldaghy az uaqttyng ishinde sheshim tabatynyn jetkizdi.

Kýn tәrtibindegi negizgi mәsele odaqtyng jana tóraghasy saylau boldy. Áset Jaqypbek, Alpysbay Qazghúlov, Ómirbek Júbaniyazov sekildi elge tanymal suretshiler kandidat retinde úsynyldy. Delegattardyng jabyq dauys beru nәtiyjesinde basym kópshilikting qoldauymen QR Enbek sinirgen óner qayratkeri Ó. Júbaniyazov QR Suretshiler odaghy Basqarmasynyng Tóraghasy bolyp saylandy.

Ómirbek Júbaniyazov – belgili qylqalam sheberi. Onyng kartinalary ózindik boyauymen janashyl baghytymen júrtshylyqtyng nazaryn audarghan. TMD kóleminde, alys-jaqyn shetelderde enbekteri joghary baghalanyp jýr. Búghan deyin ghylymy júmyspen ainalysqan. Úzaq jyldar boyy Óner akademiyasynda ústazdyq etken. Tәlim alghan shәkirtteri ónertanu salasynda belsendi qyzmet etip jýr.

Abai.kz