Jeksenbi, 31 Mamır 2020
COVID-19 QAZAQSTANDA. Jwqtırğandar — 10382. Jazılğandar — 5220. Qaytıs bolğandar — 38
Jön-aq 3099 8 pikir 27 Säuir, 2018 sağat 08:43

Qazkom bank keşirim swradı

Oğız Doğan attı azamat Qazkom banktiñ Astanadağı Sarıarqa bölimşesine barıp, memlekettik tilde qızmet ala almağanın aytıp, oqiğanı videoğa tüsirip, äleumettik jelide jariyalağan edi. Ol jayında jerine jetkize jazdıq ta... Ol oqiğa keşeden beri biraz qızu talqığa tüsti. Keşe keşke taman Qazkom banki resmi keşirim swradı.

Videoda «Kazkommercbank» AQ basqarma törağası Ul'f Vokurka orıs tilinde bank twtınuşılarınan keşirim swraydı jäne Astanadağı Sarıarqa bölimşesiniñ basşısı men Oğız Doğanğa qazaq tilinde qızmet körsetpegen bank qızmetkeri de bolğan jağday üşin keşirim ötinedi.

Sonday-aq, jelidegi banktiñ resmi paraqşasında qazaqşa mätinde jariyalanğan.

«Kazkommercbank, 25 säuirde Astana qalasında «Sarı-Arqa» bank bölimşesinde bolğan oqiğa üşin barlıq qatısuşılar men kuägerlerden keşirim swraydı.Til turalı zañğa säykes, bank öz qızmetin memlekettik tilde, qazaq tilinde jäne resmi statusı bar orıs tilinde körsetedi. Klientterdiñ swranısı boyınşa jäne Qazaqstan Respublikasında tilderdi damıtu men qoldanudıñ 2011 — 2020 jıldarğa arnalğan memlekettik bağdarlaması boyınşa bank üş tilde qızmet körsetuge dayın. Memlekettik tildi jetik biletin mamandar Kazkommercbanktiñ barlıq bölimşeleri men keñselerinde bar. Klientterge qızmet körsetetin barlıq menedjerler mindetti türde memlekettik tildi meñgergen. Astanadağı «Sarı-Arqa» filialınıñ qızmetkerleri arasında da qazaq tilin joğarı deñgeyde biletin menedjerler bar. Bwl jağdayda da biz klientke qajetti bank qızmetin qazaq tilinde wsına alar edik, ökinişke qaray, tüsinbeuşilik saldarınan bölimşe qızmetkerleri emociyağa jüginip, klientke qızmetti dwrıs körsetpedi. Qızmetkerlerimizdiñ bwl is-äreketterin biz aqtamaymız. Alayda bwl oqiğanıñ beynetaspağa tüsiruge baylanıstı stresstik jağday twğızğanın atap ötkimiz keledi. Bolaşaqta mwnday oqiğa qaytalanbas üşin biz öz qızmetkerlerimizge tiisti oqıtu treningterin ötkizemiz» delingen bank mälimdemesinde.

Abai.kz

8 pikir