Býgin ghana Qytay týrmesinde qamauda otyrghan belgili ghalym Qaliybek Qanjarbayúly jayly jazghan edik. Endi mine, taghy bir qyzymyzdyn, yaghny Qazaqstannyng zandy azamatynyng aidauda jýrgendigi jayly aqpar kelip týsti.

Búl – Anargýl Múhtarhan. 1985 jyly 5-qarashada Qytayda tughan. Qazaqstan Respublikasynyng azamaty. Shyghys Qazaqstan oblysyna qarasty Ýrjar audanynyng ortalyghyndaghy Voronkova kóshesindegi 84-ýide túrghan. Qazir Qytaydaghy oqu-ýiretu lageriinde qamauda jatyr.

Bizge Shyghys Qazaqstan oblysy, Ýrjan audanynan Ómirhan Dәuletbek atty oqyrmanymyz habarlasyp, Anargýlding ústalyp ketkeni jayly aqparmen bólisken edi.

Ómirhan Dәulethan, kórshisi:

- Anargýlding ózi Qazaqstan Respublikasynyng azamattyghyn alghan. Býginde tolyqqandy QR azamaty. Búryn Almaty oblysynda, Úzynaghashta túrghan eken. Sol jaqta jýrip azamattyghyn alypty. Odan kýieuimen ajyrasyp ketip, bizding Ýrjargha kóship kelgen. Keyin osynda Múrat Emilbek degen azamatpen kónil qosyp, otau qúrdy. Múrat degen azamat mening kórshim. Voronovka kóshesindegi 84-ýide túrdy. Anargýl Jansýgirov kóshesi 30-ýide tirkelgen eken. Sol ýy óz atynda. Keyin Qytaygha tuystaryna baryp kelmek bolyp, shekaradan ótip ketken. Sol jerde Qytaydyng polisiyasy tútqyndaghan. Ol jaqta әke-sheshesi, bir sinilisi túratyn. Olar qazir Anargýlge arasha týse almay otyr.  

Ótkende Qytaydyng oqu-ýiretu lagerinde bolghan jigittermen kezdeskenbiz. Olar lagerden shyghyp, elge kelgen. Sol jigitterding biri Anardy kóripti. Týski seruen kezinde jolyghyp qalypty. Sodan Anar sәlem joldap, Qazaqstan biyligi ózine arasha týsuin súrapty. Ol Qazaqstan azamaty ghoy. «Osy jaqtan arasha týssinshi, izdeu salsynshy. Mening izdeushim bolghanda, men de lagerden bosap shyghar edim» depti.

Biz Anargýlding qalay jәne qashan tútqyndalghandyghy jóninde az-kem derek jiystyrdyq. Endi solardy ret-retimen bayandaymyz.

Anargýl Múhtarhan. QR Azamaty. Tirkelgen jeri ShQO Ýrjar audany, Jansýgirov kóshesi, 30 ýi.

Kýieui – Múrat Emilbek. QHR Azamaty. Yqtiyarhaty bolghan. Tirkeude túrghan jeri ShQO, Ýrjar audany, Voronovka kóshesi, 84 ýi.

Ekeuining neke qighandyghy jayly zandy qújat joq. Nekelerin meshitte qighan. Kuәgerler de, neke qii toyynan estelik suretter de jetkilikti.

2017 jyldyng qantar aiynda (shamamen 11-12 qantarda) Múrat Emilbek pen Anargýl Múhtarhan otau qúrady. Meshitte neke qidyrghan.

2017 jyldyng kókeginde Anargýl Múhtarhan Qytaydaghy tuystaryna (әke-sheshesi men bir sinilisine) baryp kelmek bolyp, shekaradan ótken. Shekaradan ótken beti Qytay polisiyasy Anargýldi tútqyndap әketken. Kuәgerlerding aituynsha, Qazir ol Qytayda oqu-ýiretu lagerinde jatyr.

2017 jyldyng shildesinde Anargýlding kýieui Múrat Emilbek qaytys bolghan. Múrat qaytys bolghannan 2 ay ótkende QR Azamattyghyn berilgendigi turaly qújattar dayyn bolypty.

Eng soraqasy sol, Qytayda oqu-ýiretu lagerinde jatqan Qazaqstan azamaty Anargýl Múhtarhan ózining jesir qalghanyn әli estimegen. Ol bizden, bizding biylikten arasha súraydy. Óz elining tolyqqandy azamatshasy retinde, bóten elding tәrbiyeleu lagerinde jatqan Anargýlding jaghdayy bizdi de alandatyp otyr.

Týiin. Qazaq jetimi men jesirin jylatpaghan el. Ótken joly QR Syrtqy ister ministri Qayrat Ábdrahmanov myrzamen Almatyda jolyqqan edik. Alqa-qotan jiynda Qayrat Qúdaybergenúly, Qytayda týrli sebeppen sayasy qysym kórip, qudalaugha týsip jatqan qandastardyng jayyn sóz etken. Qazaqstannyng Syrtqy ister ministrligi әrbir azamatymyzdyng artynan súrau salyp jatqanyn aitqan edi, sol kezde.

Endeshe, túp-tura 1 jyldan beri Qytaydyng tәrbiyeleu lagerinde jatqan QR Azamaty Anargýl Múhtarhandy elge qaytaru, Syrtqy ister ministrligining qúzyryndaghy júmys emes pe?!

Bir sózinde Qayrat Ábdirahmanov myrza bylay degen edi: «Qytay elining azamaty bolsa, basqa elding ishki sayasatyna aralasugha mýmkinshiligimiz joq. Biraq diplomatiyalyq arnalar arqyly biz olarmen tyghyz baylanystamyz».

IYә, Qytaydyng azamaty bolsa bir basqa. Biraq, Anargýl Qazaqstan azamaty. El aman, júrt tynyshta adamymyzdy ajdahanyng aranyna tastap qoyyp, qol qusyryp otyrghanymyz eldigimizge syn! Kerek bolsa, Siz basqaryp otyrghan ministrlikke syn, Qayrat Qúdaybergenúly! Anargýlge arasha týsinizder!

Núrgeldi Ábdighaniyúly

Abai.kz