Düysenbi, 6 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Qwyılsın köşiñ 2920 3 pikir 10 Säuir, 2018 sağat 10:11

Arğı bettegi ağayınnıñ hali tım müşkil

Ötken jılı «Almatı aqşamı» gazetine:«Tarihi Otanına oralğan qandasta­rımızğa oralman märtebesi barlıq aymaqta beriledi. Oralman märtebesin Memlekettik qızmet körsetu standartına säykes tolıq qwjattar toptamasın ötkizgennen keyin 5 jwmıs kün işinde ala aladı. Bir jılğa beriletin oralman märtebesin alğan azamat twraqtı twruğa rwqsat alğannan keyin Qazaqstan azamattığına qwjat tapsırıp, jeñildetilgen tärtippen 3 aydıñ işinde Qazaqstan Respublikasınıñ azamattığın aladı. Eger oralman märtebesin alğan azamat bir jıl işinde azamattıq almasa, «Ha­lıqtıñ köşi-qonı turalı» Zañına säykes, oralman märtebesiniñ merzimi toqtatıladı da, ol etnikalıq qazaq sanatına qosılıp, jeñildetilgen tärtippen azamattıq ala almaydı»,-degen maqala jariyalanğan bolatın. Sonı körip quanıp, alaqaylap börkimizdi aspanğa atıp, ağayınnan süyinşi swrağan bolatınbız.

Alayda, köterilgen köñilimiz oyda-joqta su sepkendey basılıp, esimizden tandıq. Nege deysiz be, azamattıq üş ay işinde berilse, alıstan kelgen ağayın üşin ülken märtebe emes pe. Biraq sözge bar da, iske joq, köş-qonğa jauaptı qwzırlı organ qızmetkerleri jauapsızdıq tanıtıp, türli sıltaular tauıp ağayındardı tabanınan tozdırıp jatqanı jasırın emes. Atajwrtına alqınıp jetken aq bwlaqtarğa böget bolıp, köteremge köldeneñ boludı qaşan doğaradı, ol jağı beymälim.

Arğı bettegi ağayınnıñ hali tım müşkil. Qorğansızdıñ küyin keşip, ajdahanıñ auızına jwtılıp bara jatqan qara orman qazaqtıñ qasireti tım auır.

Azamattıq alu üşin barlıq qwjattı erejege say  tapsırıp, endi sol azamattıq kuäligin kütuden zäureni sarğayıp, segiz ay boyı sergeldeñ küy keşip jürgen bauırlardıñ sanı az emes. Mwñ torlağan janarlarına qarap janıñ auıradı. Osındayda «Azattığımız ben qazaqtığımız qayda?»,-degen saualdıñ sauısqanı şıqılıqtaytının qaytesiñ. Üş ay emes, altı, jeti, segiz ay kütip jürgende, qolındağı qwjattarınıñ jaramdılıq merziminiñ ötuine baylanıstı istep jatqan jwmısınan biraq künde quılsa, jaldap twrğan päterinen şığarılıp, şalğay auıldardan qalağa barıp-qaytuğa jol biletin aluğa qarajatı men qwjatı joq sandalıp sarsañ bolıp jürui oñay ma. Suğa  ketken aqsöñke salındıday bağdarsız küy keşip, janarları jastan qwrğamay qwjatsız «kosmosta» jürgen qandastarımızğa osındayda qamqorlıq tanıtatın kim bar mına jalğan da?!

Hakim Abaydıñ "Segiz ayaq" öleñindegi:

... Biriñdi, qazaq, biriñ dos

Körmeseñ, istiñ bäri bos.

Malıñdı jauğa,

Basıñdı dauğa

Qor qılma, qorğa, tatulas.

Ötirik, wrlıq,

Ükimet zorlıq

Qwrısın, köziñ

Wyatıñ, arıñ oyansın,

Bwl sözimdi oylansın»,-dep, keletin osı bir ğizatılı häm kirşiksiz joldar eriksiz oyğa oraladı. Azamattıq ala almay, eki qolına bir eñbek taba almay qinalıp jürgen qandastarımızdıñ janayqayın qwziretti şekpendiler tıñdasa eken. San ğasır arman bolğan atajwrtına talıp jetip taban tiregen bauırlarımızdıñ köz jası beybit zamanda tögilmese eken.

Säruär Sağınışbaev

Abai.kz

3 pikir