Elbasy Almaty oblysynyng әkimshilik-aumaqtyq qúrylysyndaghy ózgerister turaly Jarlyqqa qol qoydy, - dep habarlaydy Aqordanyng baspasóz qyzmeti.

"Almaty oblysynyng әkimshilik-aumaqtyq qúrylysyndaghy ózgerister turaly "Qazaqstan Respublikasyndaghy әkimshilik-aumaqtyq qúrylys turaly" 1993 jylghy 8 jeltoqsandaghy Qazaqstan Respublikasy Zanynyng 9-babyna sәikes, Almaty oblysynyng Rayymbek audanyn bólu jolymen әkimshilik ortalyghy Kegen auylynda ornalasqan Kegen audany, әkimshilik ortalyghy Narynqol auylynda ornalasqan Rayymbek audany әkimshilik-aumaqtyq birlikteri qúrylsyn" delingen atalmysh jarlyqta.

Elbasynyng búl Jarlyghy tek narynqoldyqtardyng ghana emes, býkil Qazaqstannyng shekaraly audandarynyng quanyshy. Óitkeni, 1997 jyldyng kókteminde birneshe oblystar jabylyp, kóptegen audandar tarqatylghan bolatyn. Sol tústa Shyghys Qazaqstan, Ontýstik Qazaqstan men Almaty oblysynyng Qytay Halyq Respublikasymen eki aradagha memlekettik shekarasy boyyna ornalasqan audandardyng birazy yqshamdaugha iligip, kórshiles jatqan audandargha qosylyp ketken edi. Osylaysha, shyghysta: Tarbaghatay, Katonqaraghay, Marqakól, Maqanshy, Taskesken audandary, Almaty oblysynda: Qapal, Ýigentas, Bórilitóbe, Narynqol syndy audandar qiyn jaghdayda qaldy. El ýdire kóship, shekara boyyn jalanash qaldyrdyq. Ontýstik Qazaqstandaghy Ózbekstanmen shekaralas audandar da bir-birimen qosylyp, halyq әri-sәri jaghdayda qalghan-dy. Endi sol olqylyqtyng orny tolatyn týri bar.

Elbasynyng Narynqol men Kegendi bólui jeke audan boludy armandaytyn shekara boyyndaghy talay eldimekenning óshuge ainalghan ýmit shoghyn qayta tútatty. Demek, aldaghy uaqytta elimizde tirshiligi toqyrap, qarausyz qalghan Narynqol sekildi eldimekenderding boyyna qan jýgireri anyq.

Almaty oblysy әkimi Amandyq Batalovtyng bastamasymen bastalghan bir iygi is quanyshpen tәmamdaldy. Endi osy joldy shyghystyng әkimi Danial Ahmetov pen ontýstikting tizginústary Janseyit Týimebaev jalghastyrsa degen tilek bar.

 Abai.kz