Düysenbi, 28 Qırküyek 2020
COVID-19 QAZAQSTANDA. Jwqtırğandar — 107775. Jazılğandar — 102736. Qaytıs bolğandar — 1699
2692 1 pikir 30 Naurız, 2018 sağat 10:12

Babanovqa "bilikti basıp almaq boldı" degen ayıp tağıldı

Qırğızstannıñ bwrınğı deputatı Omurbek Babanovqa qatıstı "bilikti basıp aluğa dayındalu faktisi boyınşa is" jeke öndiriske alındı dep habarladı Azattıqtıñ Qırğız redakciyasına Qırğızstan Memlekettik wlttıq qauipsizdik komitetiniñ baspasöz hatşısı Rahat Sulaymanov.

Ol sonımen qatar deputat Omurbek Babanovtıñ serigi, bilikti basıp aluğa dayındıq isi boyınşa küdikti Qanat Isaev pen tağı üş azamatqa qatıstı is boyınşa tergeu ayaqtalğanın da ayttı.

Tergeu dolbarınşa, olar "prezidenttikke kandidat Omurbek Babanovtıñ jaqtastarımen birge saylau nätijesi bwrmalandı degen sıltaumen bilikti basıp aluğa dayındalğan".

MWQK Babanovqa izdeu jariyalanın, ya jariyalanbağanın aytpadı. "Ärine, qazir tergeu jürgizilip jatır. Qazir Omurbek Babanov Qırğızstan aumağında emes" dedi Sulaymanov.

Qırğızstanda 15 qazanda ötken saylaudan soñ bas prokuratura Babanovtıñ üstinen "konstituciyalıq qwrılımdı küşpen özgertuge jariya türde şaqıru" jäne "wlttıq, näsildik nemese dini jaulıq" baptarı boynışa qılmıstıq is qozğağan. Şetelde jürgen Babanov ayıptı teriske şığarıp, özin qudalaudı "bassızdıq" dep atağan. Saylauda 33 payız dauıs jinağan Omurbek Babanov sol kezdegi prezident Almazbek Atambaevtıñ serigi, 54 payız dauıs jiğan Sooronbay Jeenbekovten jeñilgen.

Mwrat Raqımjan

Abai.kz

1 pikir