Särsenbi, 23 Qırküyek 2020
COVID-19 QAZAQSTANDA. Jwqtırğandar — 107450. Jazılğandar — 102219. Qaytıs bolğandar — 1699
1883 0 pikir 29 Naurız, 2018 sağat 09:24

Senat deputattarı «Astana» halıqaralıq qarjı ortalığınıñ jwmısımen tanıstı

Parlament Senatınıñ Qarjı jäne byudjet jäne Ekonomikalıq sayasat, innovaciyalıq damu jäne käsipkerlik komitetteri «Astana» halıqaralıq qarjı ortalığında köşpeli otırıs ötkizdi.

Senattıñ Qarjı jäne byudjet komitetiniñ törağası Ol'ga Perepeçina qarjı salasın «qayta jañğırtu» Memleket basşısınıñ biılğı «Törtinşi önerkäsiptik revolyuciya jağdayındağı damudıñ jaña mümkindikteri» Joldauındağı mindetterdiñ biri ekenin eske saldı.  Senator atap ötkendey, ekonomikanı innovaciyalıq damıtuda, azamattardıñ äl-auqatın arttıruda jäne Qazaqstandı älemdegi eñ damığan 30 eldiñ qatarına engizu jolındağı auqımdı isterde «Astana» halıqaralıq qarjı ortalığına erekşe röl jüktelip otır.

 «Astana» halıqaralıq qarjı ortalığınıñ basqaruşısı Qayrat Kelimbetov deputattar aldında söz söylep, «Astana» halıqaralıq qarjı ortalığı: qalıptasu jäne keleşegi» degen taqırıpta tanıstırılım ötkizdi. Şarağa qatısuşılar otandıq qor narığın odan äri damıtu, islam qarjılandıruı, jeke adamdar men memlekettik qor aktivterine halıqaralıq basqarudı engizu, sonday-aq qarjı tehnologiyaları men qarjı önimderin jetildiru sekildi ortalıqtıñ strategiyalıq bağıttarı turalı habardar etildi.

Deputattar A. Beysenbaev, S. Eñsegenov, G. Düysembaev, M. Köbenov, D.Ädilbekov, E. Mwqaev jäne B. Şelpekov «Astana» halıqaralıq qarjı ortalığınıñ basşılığına ortalıqtıñ jwmısı, onıñ qızmetin qwqıqtıq jäne wyımdastırudağı negizgi mäselelerge qatıstı birqatar saualdar qoydı.

Otırıstı qorıtındılay kelip, Senattıñ Qarjı jäne byudjet komitetiniñ törağası Ol'ga Perepeçina bizdiñ elimizge qarjı tehnologiyası men innovaciyaları jäne investiciya tartuda «Astana» halıqaralıq qarjı ortalığı auqımdı mümkindikterdi tiimdi paydalanıp, Qazaqstannıñ qarjı infraqwrılımınıñ ortalığı atanatınına, keleşekte TMD men şetel üşin qarjı torabı bolatınına senim bildirdi.

«Astana» halıqaralıq qarjı ortalığı qızmetin talqılau jäne otırıs barısında aytılğan aqparattar Senattıñ zañ şığaru qızmetinde paydalanılatın boladı.

Abai.kz

0 pikir