"1999 jyly sottalghan jurnalist merziminen búryn shartty bostandyqqa shyqty. Tuystarynyng aituynsha, ol ózin jaqsy sezinedi", - dep habarlady qúqyq qorghaushy Ismail Adilov.

Qúqyq qorghaushynyng aituynsha, Yusuf Ruzimurodov qazir Qashqadariya oblysyndaghy Jeynov auylyndaghy ózining ýiinde.

isuf Rozimurodov Ózbekstannyng "Erk" demokratiyalyq partiyasynyng belsendi mýshesi bolghan jәne osy attas partiya basylymyna maqalalar jazyp túrghan. 1999 jyly aqpanda Tashkentte bolghan jarylystardy sol kezdegi preziydent Islam Karimovting "ómirine jasalghan qastandyq" dep baghalaghan Ózbekstan qúqyq organdary oppozisiya belsendilerin de qudalay bastaghannan keyin Ukrainagha ketip qalghan Rozimurodov sol elden baspana almaqshy bolghan. Biraq Kiyev ony Tashkentting súrauy boyynsha Ózbekstangha ekstradisiyalaghan.

1999 jyly 18 tamyzda sot ony "Ózbekstan preziydentine qastandyq jasau", "Konstitusiyalyq qúrylysqa qastandyq jasau", "Tyiym salynghan qoghamdyq jәne diny úiymdargha mýshe bolu" jәne "Qylmystyq qauym úiymdastyru" aiyptary boyynsha kinәli dep tanyp, 15 jylgha bas bostandyghynan aiyrugha ýkim etken. Keyin týrmede onyng qamau merzimin taghy da úzartqan.

Qúqyq qorghaushylar Yusuf Rozimurodovtyng týrmede azaptalghanyn aityp, Ózbekstan biyliginen ony bosatudy talap etken.

Abai.kz