Särsenbi, 3 Mausım 2020
COVID-19 QAZAQSTANDA. Jwqtırğandar — 11796. Jazılğandar — 5941. Qaytıs bolğandar — 44
Dep jatır 5445 8 pikir 1 Naurız, 2018 sağat 09:26

Dos Köşim. Prezidenttiñ sözi zañmen bekui kerek

Jwrt «Prezident «Ükimet pen Parlament qazaqşa söylesin» dedi» dep mäz bolıp jatır, al men dal bolıp otırmın.

Birinşiden, bwl mäsele sözben emes, zañmen şeşilui kerek. Eger Prezidenttiñ sözi Jarlıq retinde şıqsa ğana, «şükir» deuimizge boladı. Söz aytıladı da, qaladı...

Ekinşiden, Qazaq eliniñ Ükimeti men Parlamenti Prezident aytpasa, memleket tilde söylemeydi eken degen twjırım jasauğa äbden boladı eken. Bwl – osı eki organnıñ, onı basqarıp otırğan adamdardıñ patriottıqtan, memleketşildikten jwrday ekendiginiñ däleli.

Üşinşiden, eger Prezidenttiñ aytqanın osı eki memlekettik organ jüzege asırsa (oğan ülken kümänim bar, sebebi «ilespe audarma jasau mümkinşiligi äli jasalğan joq» degen sıltau dayın twr), bwl - qazaq qauımınıñ ölgeni. Demokratiyalıq elde Halıq Prezidentke aytqanın jasatadı, al bwl jerde, kerisinşe, Prezident Halıq ökilderine nwsqau berip otır. Demek kelesi bir Prezident «qıtayşa söyleñder» dese, erteñine Ükimet pen Parlament qıtayşa söyleuge köşedi degen söz! Bile bilsek, bwl - asa qauipti de qorqınıştı qadam!

Öz basım, eşbir elde, eşbir jerde memlekettik tili bar eldiñ Ükimeti men Parlamentine memlekettik tilde söyleu kerek degen ündeudi estimeppin.

Abai.kz

8 pikir