Jwma, 29 Mamır 2020
COVID-19 QAZAQSTANDA. Jwqtırğandar — 9932. Jazılğandar — 4900. Qaytıs bolğandar — 37
1987 6 pikir 1 Naurız, 2018 sağat 08:43

Qazaqstan biligi jüzdegen otbasığa alkogol' qoldanuğa tıyım saldı

Qazaqstan İİM ökili Aleksey Milyuktiñ habarlauınşa, bilik sot arqılı birneşe jüz qolaysız otbasığa alkogol'dik işimdikter paydalanuğa tıyım saldı.

Tıyımdı bwzğan adam 15 täulikke qamaluı da mümkin.

Qazaqstanda adamdarğa mwnday şekteu qoyu 2017 jıldıñ ayağında qoldanıla bastadı. Sol kezde Äkimşilik qwqıqbwzuşılıq turalı kodekske özgerister engizilgen edi. Zañ boyınşa, işimdik işken adam qwqıq bwzğan bolsa, sot bwl adamğa spirttik işimdik paydalanuğa tıyım sala aladı. Sottıñ mwnday tıyımınıñ merzimi bir jılğa deyin sozıluı mümkin.

Milyuk mälimetine qarağanda, Qazaqstan İİM organdarında 10 mıñğa tarta "qolaysız otbası" tirkelgen. Olardıñ barlığı jaña zañnıñ qwrbanı boluı mümkin. 2017 jılı mwnday tıyım 350 märte salınsa, 2018 jıl basınan beri 855 ret qoldanılğan.

Densaulıq saqtau ministrliginiñ mälimeti boyınşa, 2017 jılı eldiñ ärbir twrğını ortaşa eseppen 11-12 litr alkogol' paydalanğan.

Abai.kz

6 pikir