Düysenbi, 10 Tamız 2020
COVID-19 QAZAQSTANDA. Jwqtırğandar — 99442. Jazılğandar — 72523. Qaytıs bolğandar — 1058
Söyle, suret 3954 1 pikir 31 Qañtar, 2018 sağat 09:11

Qazaqtıñ foto-tarihı

(Jalğası. Bası mına siltemede)

Denderden bergi bauraydan

Inder – Kaspiy oypatı alabındağı twzdı twyıq köl. Negizgi tolığu közi aynalasındağı sazdardıñ şığatın twzdı bwlaqtar. Köl soltüstiginen Inder tauımen qorşalğan, oñtüstik jağalauı jazıq. Erte kezden qazaqtar  köldiñ laylı saz balşığın türli aurulardı emdeuge paydalandı.

Inder twzdı kölinde

Inder twzdı köli

Inder twzdı köliniñ jalpı körinisi

Inder twzdı köliniñ jağalauı

Järmeñkesi Oyıldıñ

Sauda qatınastarı erte zamannan bastap halıqtar men memleketter arasın baylanıstıratın sayasi-ekonomikalıq qwbılıs.  HİH ğasırdağı Batıs Qazaqstan öñirindgi eñ iri sauda ortalığınıñ biri – Oyıldağı Kökjar järmeñkesi. Oyıl järmeñkesi Oraldıñ oñtüstiktegi äskeri territoriyası jäne şığıstağı Bökey Ordasımen Novobogat poselkası jäne Sarayşıq fortına soğıp Gur'evke baratın jol arqılı qatınas jasağan. Ataqtı Oyıldıñ köktemgi jäne küzgi järmeñkelerine Gur'ev köpesteri de qatınastı. HİH ğasırda Gur'ev  jäne Oyıl järmeñkeleriniñ arasın jalğağan keruen sauda jolı qalıptastı. Bwl sauda jolımen ağılğan saudagerler Oyıldan şığıp Taysoyğan qwmımen, Oytañ, Sağız, Maqat, Dossor arqılı Gur'ev järmeñkesine öz tauarların jetkizgen. Oyıl järmeñkesinde Mwrat Möñkewlı, Qaşağan, Nwrım,  Mwhit Meralıwlı siyaqtı aqındar aytıstarımen, jır-tolğaularımen järmeñkege kelgen eldiñ köñilin köterip, halıqtıñ ruhani ömiriniñ ajarın kirgizdi.

Oyıl järmeñkesi

Oyıl järmeñkesinde

Oyıl järmeñkesindegi qazaqtar

Oyıl järmeñkesinde

Oyıl järmeñkesindegi qwdıq basında

 

Osı ölkede...

Ölkemizde HH ğasırdıñ basında 5 kazak-orıs stanicası, 17 qazaq bolısı jäne teñizge jaqın üş kent boldı. Kaspiy teñizine jaqın bolıstar men kentterde balıq şaruaşılığı jaqsı damıdı. Bwl kezde orıstar qonıstanğan teñiz jağalauında Jılıoy, Rakuşa, Prorva kentteri payda boldı. Onıñ eñ ülkeni Jılıoy kenti aymaqtağı sauda, öndiris salasına ıqpalın tigizdi. Tarihi mälimetter boyınşa 1914 jılı Jılıoy kentinde 1943 adamı bar 300 otbası twrğan. Olardıñ negizgi käsibi balıq şaruaşılığı boldı.

 

Jılıoy mañındağı balıqşılar kemesi

Teñizdegi balıqşılar kemesi (Jılıoy mañı)

Jılıoydağı şirkeu

Jılıoy mañındağı Kaspiy teñizi

Jılıoydağı balıq käsipşiligi

 

Aqqali Ahmet, H.Dosmwhamedov atındağı Atırau memlekettik universitetiniñ professorı, tarih ğılımdarınıñ doktorı

Abai.kz

1 pikir