Tәuelsiz Ózbekstannyng ekinshi preziydenti Shavkat Mirziyaev Súrhandariyagha sapary kezinde Aqtóbedegi qayghyly oqighadan qaza tapqan otandastaryna qúran baghyshtap, marqúmdardyng jaqyndaryna kónil aitty.

Tәuelsizdik alghan jyldardan bastap, jabyq sayasat jýrgizip kelgen Ózbekstan biyligining býgingi qasireti Karimov sayasatynyng saldary ekenin Preziydent Mirziyaev moyyndady. Olay deytinimiz, jabyq jaghdayda ómir sýrgen ózbek azamattary kýn kóris ýshin el-eldi aralap, arzan júmysshy kýshine ainaldy. Kýni keshe ghana Aqtóbe manynda órtengen avtobustaghy 52 ózbek azamaty da Reseyge júmys izdep jol tartqan edi.

Qayghyly oqighagha qatysty pikir bildirgen Ózbekstan preziydenti Shavkat Mirziyaev osy mәselege de toqtaldy. Mirziyaevting pikirinshe, qayghyly oqigha elde júmystyng joqtyghyn kórsetti.

"Qayghyly oqigha kóp nәrsening betin ashyp berdi, sonyng ishinde bizding halyq aldynda boryshymyzdyng kóptigin kórsetti. Biz halyqqa jaghday jasay almaghandyqtan, adamdar júmysty basqa elderden izdeuge mәjbýr", - dep mәlimdedi preziydent.

Eske salayyq, 18 qantarda jolaushy avtobusy Qazaqstannyng Aqtóbe oblysy Yrghyz audany Qalybay auylyna 10 shaqyrym jerde, Samara - Shymkent tas jolynda órtendi. Qazaq biyligining mәlimeti boyynsha, avtobustaghy 57 adamnyng 52-si qaza tapty. Barlyghy - Ózbekstan azamaty. Tiri qalghan beseuding ýsheui - Qazaqstan, qalghan ekeui - Ózbekstan azamaty.

Qazaqstan men Ózbekstan ýkimetteri arnayy komissiya qúrdy. Órtengen avtobusta qaza tapqan azamattardyng barlyghy Ózbekstannyng Namanghan oblysynan ekeni belgili boldy. Olardyng eng ýlkeni - 41, al eng jasy - 19 jasta bolghan.

Ózbekstan SIM mәlimeti boyynsha, 20 qantarda týnde ózbek azamattaryn arnayy úshaqpen Tashkentke jetkizdi.

20 qantarda ózbek enbek migranttary men belsendiler Reseyding Ózbekstandaghy elshiligi aldyna gýl qoydy.

"Bizding otandastar ayazda túrdy. Olar 20 qantardy Qazaqstanda qaza tapqandardy aza tútu kýni dep jariyalady. Degenmen ózbek elshiliginen eshkim shyqpady. Onyng ýstine, ózbek elshiligindegi tu týsirilmegen. 52 adamnyng ómiri elshi ýshin týkke túrghysyz bolghany ma? Olay bolsa, elshi, saghan masqara!" - dep mәlimdedi "Vatandoshlar" úiymynyng preziydenti Usmanhan Baratov.

Qazaqstan ishki ister ministrining orynbasary Erlan Túrghymbaevtyng aituynsha, órtengen denelerding kimdiki ekenin anyqtau ýshin Ózbekstanda genomdy saraptama jasalady.

Abai.kz