Seysenbi, 26 Qantar 2021
Dep jatyr 3061 7 pikir 27 Jeltoqsan, 2017 saghat 09:25

Últtyq bank "22 mlrd dollardyng búghattaluyn" qiyn jaghday dep eseptemeydi

Qazaqstan Últtyq bank tóraghasy Daniyar Aqyshev Últtyq qordyng 22 milliardtan astam qarjysynyng shetelde búghattaluyn "qiyn kezen" dep esepteuge bolmaydy deydi. Aqyshev ýkimet otyrysynan keyin, jaghdaydy týsindirip berdi.

«Aktiv joghaldy dep oilamaymyn. Shyn mәninde zandyq dau bar. Ol sheshimin tabady dep oilaymyn. Bizding jetkilikti bilimdi kenesshilerimiz bar. Últtyq qorda búryn qansha qarjy boldy, solay bolyp qala beredi», - dedi Aqyshev.

Últtyq bank tóraghasy isti sotqa bergenin aitady.

«Biz sheshimning qanshalyqty zandy jasalghanyn anyqtau ýshin sotqa berdik. Biz Londondaghy Joghary sotqa shaghymdandyq, sot búl mәselede bas tartty, biraq bizde atalghan sheshimge apellyasiya beruge mýmkindik bar. Biz kastodian-bank [New York Mellon] zangha qayshy әreket jasady dep oilaymyz, shaghym somasyn aktivpen salystyrugha kelmeydi»,- dep mәlimdedi ol.

Ótken aptada New York Mellon banki Últtyq qordaghy (shiykizatty satudan týsetin qarjy) 22,6 milliard dollardy búghattaghanyn habarlady. Múnday sheshim Qazaqstan ýkimeti men moldovalyq investordyng arasyndaghy dau órshigen kezde qabyldanghan. Moldovalyq kәsipker Anatol (Anatoliy) Staty men oghan tiyesili birneshe kompaniya Qazaqstan ýkimetin ózderin shyghyngha úshyratty degen aryz boyynsha búghan deyingi bir sotta jenip shyqqan. Banktegi derekkózding aituynsha, endi aryzdanushy shyghynyn óteu turaly shaghym týsirip, Qazaqstannyng múnay tabysynan qúralghan Últtyq qorynyng 40 payyzyn búghattaugha qol jetkizgen.

Qazaqstan taraby Staty kompaniyasy alayaqtyq әreket jasady, Astana kelisim-shartty búzugha mәjbýr boldy deydi. Staty shaghymy boyynsha Qazaqstangha qarsy sot isi birneshe jyl qatarynan jalghasyp keledi.

Abai.kz

7 pikir