Särsenbi, 5 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
Aymaq 4055 2 pikir 13 Jeltoqsan, 2017 sağat 10:43

Auıl twrğındarınıñ ötinişi Köşerbaevqa jetpey jatır

Qwrmetti redakciya! Bwl hattı Qızılorda oblısındağı birneşe BAQ redakciyasına jibergen bolatınbız. Biraq, qabıldamadı. Onısı tüsinikti de bolar. Sondıqtan, respublikalıq baspasözge jiberip otırmın.

El basına kün tuğan zamanda Otanın qorğauda batırlıqtıñ ülgisin körsetken atalarımızdıñ erlikteri eşqaşan wmıtılmaydı. Qazaq halqı ärqaşan baba erligin wrpaqtan wrpaqqa ösiet etip qaldırğan halıq. Är qazaqtıñ boyında Otanğa degen süyispenşiliktiñ otı wşqın atıp twratındığı sonan şığar dep jatamız. Al, köp jağdayda, batır babalarımızdıñ  erligin eskermek tügili, erligin köre twra bağalamaytın äreketterge kuä bolıp jürmiz. Osı sözime dälel retinde, Sizderdiñ basılımdarıñız arqılı  qalıñ oqırmannıñ jäne oblıs äkimi Q.Köşerbaevtıñ nazarın tömendegi jağdayatqa audarsam deymin.

Meniñ nemere ağam Aytpay Äubäkirov 1917 jıldıñ ayağında düniege kelgen. 1936 jılı joğarğı oqu ornın bitirip öziniñ düniege kelgen jeri Sırdariya audanı Qarauıl-töbe auılındağı bastauış mektebinde mektep direktorınıñ orınbasarı, jañadan wyımdastırılğan «Qazris» atındağı kolhozına 7 jıldıq mekteptiñ direktorı bolıp eñbek jolın bastağan. Sol mektepte, 1942 jıldıñ basında özi swranıp soğısqa attanğanşa wstazdıq etedi. 1943 jıldıñ ayağında Belorus' mañında bir ayağınan jaralanıp, ekinşi toptağı mügedektigine baylanıstı elge oralğan. Soğısqa deyingi qızmetin jalğastırıp, mektep direktorı bolıp 15 jıl wstazdıq etip, 1960 jıldarı densaulığına baylanıstı zeynetke şığıp, 1988 jılı dünie saldı. Sol asıl ağamız Otan qorğauda da beybit ömirde de eren eñbektiñ ülgisin körsete bilgen Batır azamat bolğanına auıldastarı men tuğan tuıstarı kuä. Oğan dälel soğısta marapattalğan eki orden, 4 medal'i. Ağa leytenant şeni men kombat orınbasarı lauazımı men beybit ömirdegi eki medal'i.

Qwjattarmen birge, «Erdiñ erligi wmıtılmaydı» degen qağidanı eske ala otırıp, bwrınğı «Qazris», qazirgi «Dosan» auılındağı 2013 jılı salınğan jaña mektepke Aytpay Äubäkirovtiñ esimin berudi swrap, kezinde ağamızdan däris alğan auıl twrğındarı oblıs aumağında är deñgeyde qızmet jasap, zeynetke şıqqan oquşıları qosılıp, qalalıq onomastikalıq komissiyağa ötiniş tüsirgen bolatınbız. Sol uaqıtta şıqqan nısandarğa esim berudi uaqıtşa şekteu turalı qaulığa säykes biraz uaqıt üzilisten keyin, Jeñistiñ 70 jıldığı qarsañında soğısqa qatısqandarğa şekteu alınıp tastalısımen mektepke Äubäkirovtiñ esimin beru swrağı qayta köterilip, qalalıq onomastika böliminen qoldau bolğanımen oblıstıq onomastikalıq komissiyadan ötpey qaldı. Osılayşa, bütin bir auıldıñ ötinişi qanağattandırılmadı.

Oblıstıq onomastikadan QR Til turalı Zañınıñ 25 babınıñ 5 tarmağınıñ onomastika kriteriyine säykes kelmegendikten qoldau tappadı degen jalañ, tüsiniksiz jauap aldıq. Jalpı, şekteuden bölek, soğıs ardagerlerine arnap şekteu alınğanına baylanıstı 25/5 tarmağın jeleu etip, Zañnıñ bwrmalanğandığın däleldeu üşin «Nwr Otan» partiyasınıñ aralasuımen oblıstıq onomastika men işki oblıstıq sayasat basqarmasınıñ basşıları R.Rüstemov, A.Jarılqağanov mırzalarmen kezdesu ötkizildi. Sol kezdesudegi 25 baptıñ 5 tarmağındağı kriteriylerdiñ 90 payızı Aytbay Äubäkirovtiñ esimin mektepke beruge eşqanday kedergi keltirmeytinin däleldep şıqtım. Meniñ 25\5 tarmağında körsetilgen nwsqalardıñ mektepke Aytbay Äubäkirovtiñ esimin mektepke beruge tolıq säykes keletinin tolıq däleldegendikten joğarıda atalğan lauazımdı mırzalar biz bwl iske qayta oralıp, tipti, bolmasa Dosan auılınan Aytbay Äubäkirovtiñ atınan köşe berudi qarastırıp, jaqın arada özimiz habarlasamız dep telefon nömirlerin alıp qalğan bolatın. Jazdıñ küni ol kisilerden habar bolmağan soñ, özim habarlasıp edim. Biz «EKSPO-2017» körmesinde jürmiz, 2-3 künde elge oralısımen özimiz habarlasamız degen jauabın alğanımmen eşqanday baylanıs bolğan joq.

Äkimdik şeneunikteriniñ söz bwydağa saluına qarap, bwl istiñ oñ şeşiluine müddeli emestigine közim jetti. Bwlar nelikten Aytbay Äubäkirovtiñ  esimin beruge kedergi keltirip, qwlıqsızdıq tanıtıp jür degen zañdı swraq tuuı mümkin. Onıñ sebebi, adami faktor. Oğan dälel, mektepke esim beru mäselesin auıl twrğındarı köterisimen bizben qatarlasa birneşe şağın top öz tuıstarınıñ esimin berudi swrap, 3-4 esimderdi wsınıp edi. Auıl twrğındarı olardıñ ötinişin qabıldamay qoydı. Sebebi, ol kisilerdiñ auıl twrğındarı bolsa da, bwl auılğa mektepke, mısqılday da qatısı bolğan emes. Osınday keleñsiz jağdaylardı eskerip, osı iske oñ bağa berudiñ ornına osı jwmıstı kürdelendirip jibergen oblıstıq onomastika törağası R. Rüstemov pen işki sayasat basqarmasınıñ basşısı A. Jarılqanovqa oñ bağıt berip, mäseleniñ dwrıs şeşiluine ıqpal eter degen ümitpen Aytbay Äubäkirovtiñ barlıq qwjattarın köşirmesimen qosıp, oblıs äkimi Q.Köşerbaevtıñ atına joldağan bolatınmın. Äkimdikten alğan jauabıma qarap, meniñ ötinişim äkimniñ qolına tigenine kümändandım.  Sebebi, Qızılorda halqına öñirge degen eren eñbeginiñ arqasında oblıs jwrtşılığınıñ süyispenşiligine bölenip jürgen äkim ötiniştegi keleñsizdikterdi oqısa, Aytbay Äubäkirovtey atalarımızdıñ eren erlikterine bey jay qarap, sırğıma jauap beretinine kümändanamın. Aytpaqşı, älgi «kedergi keltiruşi» oblıstıq onomastika komissiyasınıñ  törağası R. Rüstemovtiñ qatesin körsetip, oblıs äkimi Köşerbaevtıñ atına jazğan ötinişime E. Rüstemov degen «şeneuniktiñ» jauap bergenine qarap, ötinişimniñ oblıs äkiminiñ qolına timegenine kümänim äri qaray nığaya tüsti. Sonda, oblıstıq onomastika komissiyasınıñ törağası R.Rüstemov pen oblıs äkiminiñ atınan jauap bergen mırzanıñ familiyalas boluı da kezdeysoqtıq pa? Älde, «ağayındı» şeneunik pe?

Qazaq bolıp tuğan wlt jandı azamat retinde meni tolğandıratın jağday, keybireulerdiñ jalğan ataq üşin baylığın lauazımın paydalanıp, kezinde jemqor, paraqor atanıp, halıq qazınasın talan tarajğa salğan ata-äkelerine köşe, auıl-nısandarğa esimin bergizuge barlıq mümkinşiligin paydalansa, sonıñ zañdılığın qadağalaytın qwzırlı organdardıñ qoldauımen esimderi berilip, tipti qılmıs jasap türmede otırıp kelgender Qızılorda qalasınıñ qwrmetti azamatı degen atağımen «qızıl kitapqa» engenderdiñ birazımen tanıs, qızmettes te  bolğanmın. Otanın qorğap, erlik jasap, beybit ömirde şäkirtterine bilim bwlağın siñirgen Aytbay Äubäkirovtiñ auıl mektebine esimin beru isiniñ nelikten sonşa kürdelenip ketkenine tañım bar. Özderiniñ jaman, pasıq qareketterin ötkizu üşin jaqsılıqtıñ tamırına balta şapqandı qaşan qoyar ekenbiz? Qızılorda oblısı äkimdiginiñ şeneunikterinen jauap kütemin!

Oñdasın Isqaqov

Abai.kz

 

2 pikir