1990-91-jyldar... Jambyl oblystyq televiziyasynda qyzmet istep jýrgen kezim... 1986 jylghy Jeltoqsan oqighasy turaly derekti filim týsirgim keldi. Biraq, oqighanyng orny Almaty qalasynda bolghandyqtan oghan bizding oblystyq televiziyanyng qanday qatysy bar degen basshylyqtyng oryndy súraghy tudy, osy kezde. Qysqasy, óz esebimnen alty aigha demalys alyp, dostarym syilaghan beynekamera men júmystan (bir bótelke berip uaqytsha) súrap alghan jaryq-jabdyghymen Almatygha qaray tarttym.

Qaltada kók tiyn joq, qaryzdanyp-qaughalanyp jýrip, alty aigha juyq uaqyt ishinde qomaqty material jinadym. Oqighagha belsendi qatysushylardyng basym kópshiligimen kezdesken siyaqtymyn. Onay júmys bolghan joq.

Ádette, ashyq әngime, ashy syrdyng sony ashy su ishumen ayaqtalatyn. Soghan qaraghanda, jazyla bastaghan jan jarasynyng auzyn ashyp jiberdim-au deymin, keyipkerlerimnin... Týsirilim barysynda bәrin kórdik... Qonatyn oryn tappay abdyrap qalghan kez de boldy. Talay-talay qaryn ashty... Túrmystyq problemalar әbden qajytqanda bәrine qol siltep, Jambylgha qaytyp ketkim de keldi.

Shygharmashylyq toptyng mindetin jalghyz atqarghandyqtan uaqyttyng kóbi úsaq-týiek mәsele sheshuge ketkeni ras. Aytalyq, bir sheneunikti atalmysh taqyryp boyynsha súhbat beruge әreng degende kóndiresin... Erte túrugha qansha tyrysqanmen kezekti týngi týsirilimnen son, tanghy jetide oyana ketu qiyndau soghady. Qala shetinen ortalyqqa jetu ýshin tanghy jeti jarymda artynyp-tartynyp ayaldamagha kelemin. Avtobustyng ishi toly jolaushy... Bir qolymda kamera salynghan dorba, ekinshi qolymda jaryq jabdyghy salynghan ýlken sómke. Búghan qosa, әlgi jaryq pen kameragha qajetti shtativ qúrghyrlar bar... Júrtpen jaghalasyp avtobus esigine úmtylsan, ne eki sómkenning biri, ne bolmasa temir shtatiyving basqa bireuding denesine tirelip, esikke keptelip qalasyn. Ayghay-shu bastaldy dey ber, ondayda... Sosyn, lәjsyz týsuge tura keledi... Kelesi avtobusqa da simay qalasyn, odan keyingi kólikke de oryn tabyla qoymaydy. Taksiyge minetin aqsha joq... Qysqasy, uaghdalasqan ornyna keshigip jetsen, endi kýtip otyrghan dókeying qyrsyghyp qalady. Al, kóndirip kór, sosyn... Uaghdalasqan uaqytynda kelmeytin qaydaghy bir oblystyq televiziyanyng qyzmetkeri ol ýshin kim, tәiiri?

Ókinishke qaray, jýikeni tozdyryp jýrip jinaghan materialdyng basym bóligi efirge ótpey qaldy... Ótui mýmkin emes te edi... Biraq, týsirilim barysynda oqigha qatysy bar “jaqsy keyipkerlermen” de, “jaqsy emes keyipkerlermen” de armansyz súhbattasa aldym. Basqasyn aitpaghanda, atyshuly general Basarovtyn, “alangha shyqqan ónsheng narkomandy” aiyptaghan ziyaly hatyn úiymdastyrushy Ustinovtin, “ishten shyqqan shúbar…” sekretar Kamaliydenovting “jýrek jardy” әngimelerinen kóp maghlúmat aldym. Biraq, búlardyng bәri derlik (beynekamera aldynda) sóileuden bas tartty. Ásirese, 52 jasynda “pensiyagha shyghyp ýlgergen” Zakash Kamaliydenovpen bolghan әngime erekshe esimde qalypty.

Adresin qalay tapqanym esimde joq, bir kýni keshqúrym ol kisini ýiine izdep bardym. Jambyl men Tólebaev kóshesining qiylysyndaghy tórt qabatty ýide túrady eken. Esigi kodpen ashylady, bóten adamgha jol joq. Sosyn, túrghynnyng biri ishke kiretin shyghar degen ýmitpen kýzding yzgharly suyghynda bir saghattay syrtta dirildep túrdym. Qúday jarylqap, podiezd esigin ashqan bir kisimen jaghalasyp, ishke endim. Túratyn qabatyn shamalap biletinmin. Jobalap, osy pәter bolar-au dep knopki bastym. Qazaq halqyna qarsy "ruhany soghystyn" belsendi ardageri esikti ózi ashty... Amandasa salyp, búrynghy eski tanysynday bastyrmalatyp sóilep jatyrmyn. Ózimning “Jeltoqsan” turaly filim týsirip jýrgenimdi, súhbat berushilerding basym kópshiligi onyng “ishin keptirip” sybap jatqanyn, sondyqtan, bir jaqty aiyptalghansha kórermenge birdene aituy qajettigin dúrys jetkizuge tyrystym. Ol tap múnday “naglosti” kýtpegen boluy kerek, bazardan qaytqan traktorshy sekildi eki sómkesin artynyp-tartynghan beytanys jigitti jeke pәterine qalay kirgizgenin ózi de bayqamady. Ýlken zalda biraz uaqyt otyrdyq... Shәy ishildi me, joq pa, esimde qalmapty. Búrynghy hatshy kóp nәrsening betin ashyp bergendey boldy...

Men ol jerde jurnalisten góri aiyptaushy prokurorgha kóbirek úqsap kettim-au deymin...

Kimning shanyraghynda otyrghanymdy da, aldymdaghy adamnyng ýsh әripke tikeley qatysy baryn da úmytyp kettim. Shamama qaramay súraqtardy tópelep jatyrmyn... Ol bayghús aqtalyp әlek... Shynymdy aitsam, Kamaliydenovting “antiqazaqtyq” qiyanatyn az estigen joq edik. Sol ýshin ony jaqsy syilaushy edim dep aita almaymyn. Biraq, әlgi әngimeden keyin, ony kerisinshe ayap kettim-au deymin. Otyrghan bishara, әiteuir... Aqtala beredi, aqtala beredi... "Birdene" dep, arqamnan qayta-qayta qaghyp qoyady... Ázirge, ol "birdenenin" ne ekenin jaza almaymyn, ókinishke qaray... Obaly ne kerek, jeke ózime talay qúpiyanyng betin ashty...

Osynyng bәrin kameragha nege aitpaysyz desem, - On bes jyl ótken son, barlyq shyndyq ashylady, sonda bәrin aitamyn, - dep bitirdi әngimesin...

Sodan beri, on bes emes, jiyrma ýsh jyl ótipti... Qanday shyndyq ashyldy? Sodan beri, týrli basylymdardan jaltarma jauapty súhbatyn oqyghanym bolmasa, ol kisini kórmeppin de...

R.S. Otbasymnan bezip, alty ay boyy basqa qalada qanghyp jýrip týsirgen materialdar negizinde “Jeltoqsan janghyryqtary” atty jeti bólimdi derekti filim jasadym. Taghy da qaytalap aitam, basym kópshiligi paydalanylmay qaldy. Jasaghanym “shedevr” emes, әriyne... Biraq, sol kezdegi jaghdayda sol kezding kórermeni ýshin әserli bolghan siyaqty.

"Janghyryqtardy" respublikalyq efirden birneshe ret qaytalap kórsetti.
Ózim ssenarist, ózim rejisser, ózim operator, ózim jaryq qoishy, ózim jýrgizushi, ózim montaj redaktory, ózim administrator, ózim.... Qysqasy, bәrin ózim jasadym. Qazir múnday kólemdegi jobada “bir qora adam” júmys isteydi.

Derekti filim týsiru barysynda kóp qaryzdanyp qalghan edim. Oblystyq TV-dan alghan qalamaqy onyng “eki jýzden birin” de japqan joq. Sosyn, әlgi qaryzdy jabu ýshin alty ay boyy toy týsirip jýrdim... Múny nege jazyp otyr deysiz be? Bilmeymin, jәy eske týsip ketti...

Serik Abas-Shah

Facebook-tegi paraqshasynan