Beysenbi, 6 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
Aymaq 3265 0 pikir 22 Qaraşa, 2017 sağat 00:02

Qazaqstan bitumı eksportqa şığarıluda

Juırda Mañğıstau oblısınıñ Aqtau qalasında alğaşqı ret Qazaqstan Respublikasınıñ bitum öndiruşileriniñ konferenciyası ötken edi.  Konferenciyağa jol bitum öndiretin kompaniyalar, jol bitum twtınuşıları, jol qwrılıs kompaniyaları jäne müddeli memlekettik organdarınıñ, atap aytqanda, QR Energetika Ministirligi men QR Investiciyalar jäne Damu Ministrliginiñ ökilderi katıstı.

Konferenciyada Mañğıstau oblısınıñ äkimi Eralı Toğjanov öndiris oşağınıñ mañızdılığına toqtaldı.

-Aqtau bitum zauıtı 2013 jılı Qazaqstan Respublikasınıñ Prezidenti Nwrswltan Äbişwlı Nazarbaevtıñ bastamasımen  Qazaqstan Respublikası 2010-2014 jıldarğa arnalğan üdemeli-industrial'dı-innovaciyalıq damu Memlekettik bağdarlaması ayasında iske qosılğan bolatın.  Bastapqı iske qosılğan kezde 50-60 mıñ tonna önim şığarılsa, biılğı jıl basınan beri zauıt 230 mıñ tonna jol bitumdarın öndiru deñgeyine jetti. Aqtau zauıtınıñ bitumı barlıq körsetkişteri boyınşa memlekettik standarttar (ST QR 1373-2013) talabınan joğarı jäne eñ üzdik halıqaralıq ülgilerge säykes ekenin erekşe atap ötkim keledi,- dedi aymaq basşısı.

Bügingi tañda zauıt önimderi «Nwrlı jol» memlekettik bağdarlaması şeñberinde «Batıs Europa – Batıs Qıtay» halıqaralıq kölik trassaları, «Şımkent - Qızılorda», «Astana - Pavlodar», «Astana - Temirtau», «Atırau - Aqtau» sekildi respublikalıq mañızı bar kölik joldarına töseu üşin keñinen paydalanıladı.

Konferenciya barısında, jol qwrılıs salasınıñ zamanaui talaptarına say bolatın, joğarı sapalı jol bitumınıñ öndirui jäne jaña himiyalıq qospalarğa degen swranıstıñ qalıptastıru mäseleleri talqılandı. Sonımen qatar, oralğan bitumnıñ şığarılu mümkindigin eskere otırıp, jol bitumın jıldıq öndiris nısanına köşu şarttarı qarastırıldı.

Ayta keteyik, 22 qaraşada zauıt alğaş big-begtegi jol bitumınıñ 60 tonna köleminde alğaşqı partiyasın eksportqa şığardı.  Big-beg – bwl sıyımdılığı 1000 kg deyin, önimdi kez-kelgen temperaturada tasımaldau men saqtauğa mümkindik beretin, bir ret paydalanılatın arnayı tasımaldau ıdısı. Däl osı täsilmen, yağni körşimiz Qıtay eline ekporttaldı.

«Qıtaylıq kompaniyamen bizdiñ äriptestigimizdiñ nätijesinde, biz joğarı sapalı önimdi tek Ortalıq Aziya elderine ğana emes, sonımen qatar Qıtayğa eksporttau mümkindigine ie boldıq» - dep atap körsetti «CASPI BITUM BK» JŞS direktorınıñ orınbasarı Saken Utel'baev. Osılayşa, 2017 jıldıñ qañtar ayında jol bitumınıñ 65 tonnası alğaş Özbekstanğa eksportqa jiberildi.

Konferenciyanıñ soñında Kaspiy bitum zauıtı men Ş. Esenov atındağı Kaspiy memlekettik universitetiniñ basşılığı özara ıntımaqtastıq turalı memorandumğa qol qoydı. Onıñ şeñberinde bilim oşağınıñ janında käsiporınğa mamandar dayarlau men qayta dayarlaudı wyımdastıru, zauıt mamandarın oqu procesine jwmıldıru, tehnologiyalıq start-aptardı qalıptastıruğa mümkindik tuğızu jäne mwnay öndiru salasında ğılımi zertteulerge jağday jasau josparlanğan.

Erğali Berikwlı

Aqtau

Abai.kz

0 pikir