Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Bilik 2620 0 pikir 28 Qazan, 2017 sağat 18:03

Almatı oblısınıñ 2017-2019 jıldarğa arnalğan byudjetine özgerister engizildi

Almatı oblısı mäslihattıñ kezekten tıs HHİV sessiyası ötti. Oğan oblıs äkimi Amandıq Batalov, oblıstıq mäslihattıñ hatşısı Cwltan Düysembinov, basqarma basşıları, audan, qala äkimderi men deputattar qatısıp, sessiya jwmısın oblıstıq mäslihattıñ deputatı Rahat Ibraimova jürgizdi, - dep habarlaydı Abay-aqparat. 

Kün tärtibinde qaralğan alğaşqı mäsele Almatı oblısınıñ 2017-2019 jıldarğa arnalğan byudjetine özgerister engizu jayı boldı. Bwl turasında oblıstıq ekonomika jäne byudjettik josparlau basqarmasınıñ basşısı Jomart Ämirhanov  bayandama jasap,  oblıs byudjetin kirister boyınşa 3,1 mlrd. teñgege arttıru wsınılıp otırğandığın jetkizdi. «Jalpı sipattağı memlekettik qızmetker» 1 funkcionaldıq tobı boyınşa 496 mln. teñge somasında şığın közdelude. Onıñ işinde basqaru organdarın wstauğa jäne materialdıq-tehnikalıq bazasın nığaytuğa 327 mln. teñge, ğimarattı kommunaldıq menşikke satıp aluğa 196 mln. teñge bağıttaluda. Sonday-aq, tötenşe jağdaylardıñ aldın alu jäne joyu şaraların jürgizuge, bilim, densaulıq saqtau salasınıñ ağımdağı şığındarına qosımşa qarajat bölu qarastırılğan. Bwl qarjı balabaqşalar aşuğa, 100 studentke jergilikti byudjetten bilim grantın tağayındauğa, 40 birlik sanitarlıq avtokölik satıp aluğa, İle audandıq ortalıq auruhanasınıñ kürdeli jöndeu jwmıstarın jalğastıruğa, A jwqpalı gepatitke qarsı vakcina satıp aluğa, tağı basqa da qajettilikterge jwmsalmaq.

Äleumettik sala şığındarına da 61,1 mln. teñge bölu josparlanuda. Twrğın üy-kommunaldıq şaruaşılığına 1,2 mlrd. teñge qarastırılıp otır. Bwl qarajat eldi mekenderdi abattandıruğa, jarıqtandıruğa, kögaldandıruğa, sumen qamtu jüyesin jöndeuge, twrğın üylerdi jılumen qamtuğa bağıttalmaq.  Mädeniet salasına da qosımşa 110,7 mln. teñge qarastırılğan. Ol Qarasay audanınıñ Şamalğan auılında mwrajaydıñ aşıluına oray 22 ştattıq birlik engizuge, «Ruhani jañğıru» jobasın jüzege asıru ayasında mädeni-köpşilik şaralardı ötkizuge, mädeniet mekemeleriniñ materialdıq-tehnikalıq bazasın nığaytuğa jwmsalmaq. Auılşaruaşılığı, kölik jäne kommunikaciya, dene şınıqtıru jäne sport, işki sayasat salalarına da qosımşa qarjı bölu qarastırılğan.
Byudjetke engizilip otırğan özgeristerdi deputattar birauızdan qoldap, dauıs berdi.

Sessiyada  Almatı oblısınıñ 2016-2020 jıldarğa arnalğan damu bağdarlamasın jaña redakciyada bekitu, Taldıqorğan qalasınıñ qwramdas bölikterine atau beru jäne qayta atau, qalalar men eldi mekenderdiñ aumaqtarın abattandıru qağidaların bekitu, tekseru komissiyası törağasınıñ jwmısına bağalau jürgizu boyınşa ökilettikterdi oblıstıq mäslihat hatşısı S. Düysembinovke jükteu turalı mäseleler qaraldı.

QR Memlekettik qızmet isteri jäne sıbaylas jemqorlıqqa qarsı is-qimıl agenttiginiñ Almatı oblısı boyınşa departamentiniñ basşısı Serikbay Nwrğisaev arnayı monitoring tobımen atqarılıp jatqan jwmıs jäne «Cifrlı Qazaqstan – 2020» bağdarlamasınıñ jüzege asırıluı turalı esep berdi.

Sessiya jwmısın qorıtındılağan oblıs äkimi Amandıq Batalov byudjetke engizilip otırğan özgeristerdi quattağan deputattarğa alğısın jetkizip, endigi maqsat osı qarjını dwrıs igerip, dittegen maqsattarğa jwmsap, qolğa alğan isti öz deñgeyinde jüzege asıru ekendigin atap ötti. Onı oblıstıq basqarma basşıları men audan, qala äkimderine ayrıqşa tapsırdı.

Abai.kz

0 pikir