Särsenbi, 8 Säuir 2020
COVID-19 QAZAQSTANDA. Jwqtırğandar — 709. Jazılğandar — 53. Qaytıs bolğandar — 7
Äleumet 3466 2 pikir 15 Qaraşa, 2017 sağat 08:24

Zeynetaqı qorındağı aqşanıñ nege ösimi az?

BJZQ-ğa (zeynetaqı qorı) salınğan azamattardıñ jiıntıq aqşasınıñ ösimi twtınu tauarları bağasınıñ ösiminen tömen bolıp otır. Naqtı aytqanda, üstimizdegi jıldıñ üş toqsanında BJZQ-ğa 7 trln. 539 mlrd. teñge jinaqtalsa, solardıñ üş toqsandağı ösimi 462 mlrd. teñge, yağni 6,1%  bolğan. Al osı uaqıttağı inflyaciyanıñ ösimi 7,1% boldı. Demek, BJZQ salımınıñ ösimin inflyaciya tügel jep qoyumen qatar jinaqtalğan qarajatqa da auız salğan... Janar-jağar may bağasınıñ artuımen, teñgeniñ älsizdene tüsuinen inflyaciya küşeyip, jinaqtalğan qarajat ösiminiñ tömendey tüsuin boljau qiın emes. Qabıldanğan zañdarımız jinaqtalğan qarajattıñ inflyaciyadan saqtaluına kepildik beredi. Biraq tölenetin ötemaqı tüsim men inflyaciyanıñ ayırmasınan aspaydı. Sondıqtan BJZQ salımına eşqanday ösim bolmaydı degen söz.

Onıñ ösimi tipti bankterdegi qatardağı depozitterden de kem. Olar BJZQ ösimine qarağanda eki ese artıq ösim bere aladı.  Osınıñ özi BJZQ qarajatı kiristeri tömen jerlerge qwyılıp jatqanın körsetip twr. Bügingi tañda onıñ qarajatı memlekettik, kvazimemlekettik qwrılımdar jäne ekinşi deñgeydegi bankterdiñ obligaciyaların, sonımen qatar şet memleketterdiñ qwndı qağazdarın satıp aluğa jwmsalıp otır. Tağı bir böligi otandıq jäne şeteldik bankterge depozit retinde salınuda.

Mäjilistegi «Halıqtıq kommunister» frakciyası atınan deputat Ayqın Qoñırov palatanıñ jalpı otırısında osı mäselelerdi aytıp, azamattarımızdıñ zeynetaqığa jinaqtap otırğan qarajatınıñ ösimi bolmağanına jäne osı qarajattıñ kirisi tömen biznesterdi eşkimge bildirmey işinara qarjılandırıp otıruğa jwmsalatınına alañdauşılıq bildirip, Wlttıq bank törağası D.Aqışev pen Qarjı ministri B.Swltanovtıñ tömendegi swraqtarğa jauap beruin talap etip otır:

1. 2014-2017 jıldar aralığında BJZQ investiciyalıq kirisi ärbir jıl boyınşa qanşa bolğandığı turalı derek berudi;

2. Zeynetaqılıq jinaq qarajatınıñ kirisi bügingi küni qalay esepteletinin körsetudi;

3. Osı 2014-2017 jıldar aralığında jinaqtalğan zeynetaqı somasına inflyaciyağa baylanıstı byudjetten tölenetin ötemaqı kölemi qanşa bolğandığın aytudı;

4. Taza investiciyalıq kiris deñgeyi boyınşa orta kezeñge arnalğan maqsattı bağdar turalı habarlaudı;

Bwl mäseleler halıq qalaulılarınıñ BJZQ qarajatınıñ aman saqtaluına azdı-köp baqılau jasaudıñ amaldarı ekeni sözsiz.

S.Eleu, sarapşı

 

2 pikir