Seysenbi, 26 Mamır 2020
COVID-19 QAZAQSTANDA. Jwqtırğandar — 8969. Jazılğandar — 4613. Qaytıs bolğandar — 35
2041 2 pikir 26 Qazan, 2017 sağat 10:29

Täjikstannıñ sırtqı qarızı är adamğa şaqqanda 260 dollar bolğan

Moody’s halıqaralıq reyting agenttiginiñ zertteui boyınşa, 2017-2018 jıldarı Täjikstannıñ sırtqı qarızı eldiñ İJÖ-niñ 55 payızın qwrağan.

Moody’s Rogun GES-in saluda sırttan qarjı aluına baylanıstı Täjikstannıñ sırtqı qarızı öse tüsedi dep boljaydı. Agenttik mälimeti boyınşa, täjik ekonomikası üşin sırtqı qarızdı jabu öte qımbatqa soğadı.

22 qazanda jariyalanğan halıqaralıq agenttik resmi Duşanbe qarızdıñ denin şetel valyutasımen alğanın alğa tartadı. Kurs bağamınıñ alşaqtığınan qarızdı jabu öte kürdeli boladı deydi.

Biraq Täjikstannıñ qarjı ministrligi Moody's boljamımen kelispeydi. Olardıñ keltirgen mälimeti boyınşa, sırtqı qarız İJÖ-niñ 32 payızın qwraydı. Sırtqı qarız jıl basında 2 mlrd 274 mln dollar bolğan deydi ministrlik.

Qarjı ministrliginiñ esebi boyınşa, sırtqı qarız är adamğa şaqqanda 260 AQŞ dollar. Al Moody's boljamı boyınşa bwl körsetkiş 500 dollarğa deyin ösui mümkin.

Abai.kz

2 pikir