Jeksenbi, 12 Şilde 2020
COVID-19 QAZAQSTANDA. Jwqtırğandar — 58253. Jazılğandar — 33814. Qaytıs bolğandar — 264
Qılmıs 3539 37 pikir 25 Qazan, 2017 sağat 09:58

Qandıqol Toqmadidıñ artında Äblyazov twrğan...

Arada 13 jıl ötkende belgili bankir Erjan Tätişevtiñ jwmbaq öliminiñ qwpiyası aşıldı. «KTK» telearnasınan körsetilgen derekti fil'mniñ bastı keyipkeri – Mwrathan Toqmadi qaşqın oligarh Mwhtar Äblyazovtıñ tapsırısı boyınşa Erjan Tätişevti atıp öltirgenin tolıq moyındadı. Sol kezdegi qolımen jasağan barlıq qılmısın moyındağan qılmısker aram jolmen kapital jiğanına qattı ökinetinin jetkizdi.

«Şını koroli» atanğan Toqmadi 2003 jılı M. Äblyazovpen kezdesedi. Ol uaqıtta «TwranÄlembankiniñ» bastı akcioneri jäne basqarma törağası, äygili qarjıger Erjan Tätişevtiñ baq-bedeli öte joğarı bolatın. Sol kezde joğarı lauazımdı qızmetterdi atqarğanımen, «jolı bolmağan», Prezident ayauşılıq jasağan alayaq bankir Mwhtar Äblyazov bwl jaytqa ülken qızğanışpen qaradı. Ol qalay da Erjan Tätişevtiñ közin joyıp, elimizdegi eñ mıqtı banktiñ qojayını boludı közdedi. Bwl aram oyın iske asıruğa Mwrathan Toqmadidı sätimen paydalandı.

13 jıl bwrınğı qandı oqiğa qalay bolğan edi? Izğarlı jeltoqsannıñ appaq qar japalaqtap jauğan künderiniñ birinde Erjan Tätişev M. Toqmadiğa qoñırau şalıp, añğa şığuğa şaqıradı. Ülken «Land Kruzerge» mingen jandar üşeu bolatın: Erjan. Mwrathan jäne bankirdiñ oqqağarı. Sayın dalada qasqırlardı quıp kele jatıp, köliktiñ rölinde otırğan Erjan Tätişev öziniñ mıltığın artqı orındıqta otırğan Mwrathanğa beredi. Al Mwrathan köliktiñ aldındağı qasqırdı emes, röldegi Erjannıñ özin atadı. Oqıs oqiğadan eşteñe tüsinbey qalğan oqqağar Kozlihin Mwrathannan: «Mwnıñ ne? Nege attıñ?» dep swrap ülgeredi. Sonda Mwrathan: «Nege atqanımdı özim de bilmeymin!» dep jauap qayırıp, mıltığın wstağan küyi otırıp qaladı. Alayda... 13 bwrınğı qandı oqiğağa kuä bolğan Kozlihin bar şındıqtı aytqanımen, M. Toqmadi adam öltirgeni üşin türmege qamalğan joq. Derekti fil'mde ol tergeu organdarına, saraptama jasaytın mamandarğa 20 mıñ AQŞ dolları köleminde para berip, qılmıstan qwtılıp ketedi. «Qılmıs tübi - türme» demekşi, arada 13 jıl ötkende ol türmede otırıp, bar qılmısın jayıp saldı.

Abai.kz

37 pikir