Särsenbi, 8 Säuir 2020
COVID-19 QAZAQSTANDA. Jwqtırğandar — 704. Jazılğandar — 51. Qaytıs bolğandar — 6
Qwyılsın köşiñ 7450 6 pikir 5 Qazan, 2017 sağat 14:11

Iqtiyarhat dauı. 250 otbasınıñ tağdırına ziyalılar alañdap jatır

Qıtaydan Tarihi Otanına oralıp, Jambıl oblısı, Taraz qalalıq Köşi-qon policiyasınan ıqtiyarhat alğan 250-dey etnikalıq qazaqtıñ mäselesin qozğap,  keşe "250 otbasınıñ tağdırın oyrandağalı otırğan joqpız ba, Sağıntaev mırza?!" degen maqala jariyalağan edik. Osı materialdı bir täuliktiñ işinde portalımızdan 12 mıñnan asa adam oqıp, äleumettik jelilerde mıñdağan adam öz oyın bildirdi. Qandastarımızdıñ tağdırı üşin alañdap pikir bildirgenderdiñ arasında belgili ziyalı qauım ökilderi de bar. Biz solardıñ arasınan elge oy salar bir-eki pikirdi oqırman nazarına qayıra saludı jön sanap otırmız.

Marat Toqaşbaev, publicist: 250 qandasımız Qıtayğa qaytarılmasın!

Jambıl oblısında 2015 jılı Qıtaydan atamekenine qonıs audarğan 250 etnikalıq qazaqtıñ ıqtiyarhattarı WQQ tarapınan tekseru kezinde jalğan bolıp şığıptı. Jambıl oblıstıq işki ister departamentiniñ köşi-qon policiyası özderiniñ oğan qatısı joqtığın aytıp azar da bezer. Zañ boyınşa älgi 250 qazaq elden dereu deportaciyalanuğa tiis. 2015 jılı bwrınğı Qıtay azamattarı Qazaqstanğa twraqtı twruğa ötiniş bergen kezde №992 bwyrıqqa säykes qajetti qwjattardıñ bäri jinaqtalğan. Alayda eki jıldan keyin qauipsizdik organdarı tarapınan tekseru kezinde tirkeu men twraqtı twruğa negiz bolatın qwjattar qoldan jasalğandığı anıqtalğan.

Endi jañağı 250 qandasımızdı qwjattarınıñ jalğandığına baylanıstı elden quıp şığatın bolsaq, Qıtay elinde olar birden twtqındalıp, sottaları anıq. Onsız da ol jaqta qazaqtarğa közqaras naşarlap twr. Jambıl oblısına kelip panalağan qazaq bauırlarımız büginde osı jaqqa üyrenisip, jwmıs jasap, bala-şağa asırap, salıq tölep otır. Qıtaydan kelgen qazaqtardıñ qinalatını – orıs tilin bilmeytindigi. Osı jağdaydı epti paydalanğan keybir qular olardıñ qaltasın qağıp, jalğan qwjattar jasap bergen tärizdi. Bwğan qanşa bas tartsa da köşi-qon qızmetiniñ ökilderi qatıspauı mümkin emes.
Esteriñizde bolsa 2014 jılı naurız ayınıñ ortasında Almatıdan Gonkongke wşatın KS-929 reysiniñ eki gonkongtıq jolauşısınıñ qol jüginen Qazaqstannıñ 291 pasportınıñ taza blankisi şıqqanı ülken dau tuğızıp edi. Alayda sol dau boyınşa ayıptılardı anıqtau men jazalau jöninde keyin eşbir derek keziktirmedik. Jılıday jabılıp qalğan tärizidi. Sonday sıbaylas jemqorlıq öz qazağımızğa kelgende mınaday keleñsizdik şığarıp twr. Oğan da älgi gonkongtikterge pasport blankisin bergen tärizdi işki ister organdarınıñ wjdansız qızmetkerleriniñ qatısı bar-au dep şamalaymın.

Aytarım, qıtaydan kelgen qazaq qandastarımız jalğan ıqtiyarhattardı özderi jasamağan. Olarğa jasap bergen qalayda basqa bireuler. Sondıqtan tikeley ayıptı emestigin eskere otırıp, qarjılay jaza ötese de olardı Qazaqstanda qaldıru kerek! Tipti qiındıq tusa biraz uaqıt bosqın märtebesinde wstay twruğa da boladı. Qalayda elim dep, otanım dep kelgen qandastarımızdı keudesinen iterip, tağdır tälkegine laqtırmayıq! Qazaqtardıñ Qazaqstannan basqa Otanı joq!

Erlan Sairov, sayasattanuşı: 250 jas otbasın Tarazdağı alaayaqtar aldap soqqan

- Äli esimde, Siriyada azamattıq soğıs bastalğan kezde, biraz şeneuikter: "Biz örkenietti elderden qalmauımız kerek. Siriyadan "şwğıl türde" bosqındardı qabıldauımız qajet", - dep baybalam salıp edi. "Qanşa bolsa da qarjı bölip, köşiremiz" dedi ğoy "bätşağarlarıñ".

Sol kezde tañ qalğanmın, mınalardıñ "bir jeri" dwrıs jwmıs istey me dep. Şette 5 mln qandastarımız "qan qaqsap otır", bireui qıtay, bireui özbek, bireui orıs boluğa jaqın. Äy bizdiñ Ökimette bir kişkentay ğana bolsın bauırmaldılıq bar ma?.

Endi bügin, elim-jerim dep añsap kelgen jastardıñ basın qatırıp, "Qıtay asırıp jiberemiz" deydi. 250 jas otbasın Tarazdağı alaayaqtar aldap soqqan eken. Jalğan ıqtiyar hat bergen. Sol 250 otbasına kömektesudiñ ornına "jazağa tartamız" deydi. Mıqtı, sol älsizderge, japa şekkenderge "jığılğan üstine jwdırıq jasağanda" kösegeleriñ köterilip kete me? 250 jas otbasına özderi qwjattarın rettep bermey me?! Älde tağı şürşit, ündis, arabtarğa jwmıs ornın dayındap, jarılqayın dep otır ma, bwlar?

Tüyin ornına

Jambıl oblısı, Taraz qalalıq Köşi-qon policiyasınan ıqtiyarhat alğan azamattardıñ bäri qwjattı Köşi-qon policiyası mekemesinen alğandarın, qoldarına resmi talon wstatıp, tölqwjattarınıñ artına mekemeniñ mörin basıp bergenin aytadı. Al, sonşama dälel bola twra resmi Jambıl oblıstıq köşi-qon policiyası olarğa eşqanday da jalğan qwjat bermegenderin mälimdeui tüsiniksiz jağday. Mına qwjattar Jambıl oblıstıq köşi-qon policiyası jalğan aqparat taratıp otırğanın däleldeydi.

Qoş! Alda tağı da aytarımız bar ekenin esteriñizge salamız.

Dayındağan Qanat Birlikwlı

Abai.kz

 

6 pikir