Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
Ruhani jañğıru 6327 75 pikir 1 Qazan, 2017 sağat 14:17

Londonda 75 jası atalıp ötetin qazaq qalamgeri lordtar palatasında söz söyleydi

 

Quanıştı habar: ağamızdıñ üş kitabı bwrındarı Londonda ağılşın tilinde jarıq körgen bolsa, endi onıñ 75 jasqa keluine oray Londonda "Dulat Isabekov festivali" ötpek eken. Festival' ayasında qazan ayınıñ 1-küni «Jau jürek» attı spektakl'di Äuezov atındağı akademiyalıq teatr qoyadı. Qazan ayınıñ 2-küni qazaq jazuşısı lordtar palatasında söz söylemek. Osı arada atap öterligi, Isabekov qazaq jazuşıları işinde birinşi märte sol minbede söz söyleytin jazuşı bolmaq. Al türki düniesinde bolsa, üşinşi jazuşı. Öytkeni Dulat Isabekovtan bwrın  Şınğıs Aytmatov, Orhan Pamwq sol minbege şığıp söz alğan eken. Bwl bizdiñ oyımızşa, qazaq ädebietiniñ älemge tanıluı barısında ülken märtebe, ülken quanış. Jazuşınıñ endigi armanı – kitaptarınıñ Türkiyada, Istambwlda, türik tiline audarılıp, jarıq körui. Qwday qalasa ol da boladı degen ümittemiz.

Esteriñizge sala keteyik, jazuşınıñ bwğan deyin üş kitabı ağılşın tilinde Londonda jarıq körge. Olar: «Gauhartas» attı äñgimeler men povester jinağı. Jinaqtı Robin Tomson degen jazuşı ağılşın tiline audarğan. Ol kitapqa «Gauhartas», «Süyekşi», «Ökpek jolauşı», «Eskertkiş operaciyası», «Qabılan» attı äñgimeler engen. Ekinşi kitap «Biz soğıstı körgen joqpız» (We never knew the war), üşinşi audarılğan kitap «P'esalar jinağı». Sonımen qatar «Ökpek jolauşı» (Transit Passenger) attı p'esası Londonda 2014 jılı sahnağa şıqqan eken. Al qazan ayınıñ 4 küni bolsa jazuşınıñ «Aqqu jibek» degen p'esası qoyıladı.

Jazuşı Dulat Isabekov mwnıñ barlığınıñ täuelsizdiktiñ arqası ekenin aytuda. «Eger Keñes Odağı kezinde osılay Londonda kitabım şıqqanda türli bäle jalalarmen qudalanıp ketetinin edim», - deydi ol. Londondağı osı is-şaralar Dulat Isabekovtiñ 75 jasına döp kelude.

Sonımen jazuşınıñ 75 jıldığın atau Qazaqstannan bwrın Wlı Britaniya elinde bastalıp ketken eken. Dulat ağa, 75 jasıñız qwttı bolsın! Ärqaşan sizdi ädebiet pen mädeniettiñ biiginen köretin bolayıq!

Äbdiuaqap Qara

Tarih ğılımınıñ doktorı, Mimar Sinan

körkem öner universitetiniñ professorı

Abai.kz

75 pikir