Särsenbi, 3 Mausım 2020
COVID-19 QAZAQSTANDA. Jwqtırğandar — 11796. Jazılğandar — 5941. Qaytıs bolğandar — 44
Bilik 4794 1 pikir 30 Qırküyek, 2017 sağat 10:35

Memhatşı respublikalıq jerlester forumına qatıstı

 

2017 jılğı 28 qırküyekte Qazaqstan Respublikasınıñ Memlekettik hatşısı Gülşara Äbdiqalıqova Aqtöbe oblısına jwmıs saparımen barıp, «Ruhani jañğıru» bağdarlaması ayasındağı «Tuğan jer» respublikalıq jerlester forumına qatıstı.

Forumğa sonday-aq Parlament deputattarı, memlekettik organdardıñ basşıları, qoğam qayratkerleri, belgili ğalımdar, şığarmaşılıq ziyalı qauım ökilderi, äygili sportşılar, älemniñ 20 memleketinde twratın aqtöbelik jerlester qatıstı.

G.Äbdiqalıqova forumğa qatısuşılarğa QR Prezidenti N.Ä.Nazarbaevtıñ qwttıqtau sözin oqıp berdi. Onda «Ruhani jañğıru» ayasında jüzege asırılıp jatqan ayrıqşa mañızdı jobalardıñ biri – «Tuğan jer» jobası ekeni atap ötilgen. Tuğan jerge iñkärlik Tuğan elge süyispenşilikke wlasadı. Tuğan jerge qamqorlıq Tuğan elge janaşırlıqpen astasadı. Jalpıwlttıq patriotizmniñ özegi ispetti «Tuğan jer» bağdarlaması osınday izgi nietter men şaralardı jüyelep, ortaq igilikke aynaldırudı közdeydi.

Memhatşı öz sözinde sayasat pen ekonomikadağı auqımdı özgeristerdiñ özegi qoğamdıq sananı isimizden oza otırıp jetildiru – «Ruhani jañğıru» jalpıwlttıq jobası ekenine toqtalıp ötti. Osı maqsatqa jetu üşin elimizde 6 biregey joba jüzege asırıluda. Sonıñ biri – jalpıwlttıq patriotizmniñ mañızdı negizine aynalğan «Tuğan jer» bağdarlaması.

Gülşara Äbdiqalıqova sonday-aq memleket-jekemenşik seriktestigi negizinde salınğan «Jekpe-jek sport sarayınıñ» aşılu räsimine qatıstı. Räsimnen keyin dzyudodan Qazaqstan Respublikası Prezidentiniñ kubogı üşin halıqaralıq turnir bastaldı.

– Biıl elimizde Üşinşi jañğıru bastaldı. Onıñ bir bağıtı ruhani jañğıru bolıp sanaladı. Bizdiñ «Ruhani jañğıru» bağdarlamamız ben audarğanda «jwmsaq jol» degen mağınanı bildiretin dzyudonıñ ortaq qwramdastığı bar. Ol – sananıñ kemeldenui, – dedi Gülşara Äbdiqalıqova turnirge qatısuşılarğa arnalğan qwttıqtau sözinde.

Sapar barısında Gülşara Äbdiqalıqova «Ruhani jañğıru» bağdarlamasın jüzege asıru ayasında salınğan äleumettik-mädeni nısandarda da boldı.

Forum qazaqstandıq estradanıñ tanımal ärtisteriniñ qatısuımen ötken ülken merekelik koncertpen ayaqtaldı.

Abai.kz

1 pikir