Seysenbi, 31 Naurız 2020
«Soqır» Femida 2763 25 pikir 19 Qırküyek, 2017 sağat 08:35

Ermekbaev elimizde dinşil azamattardıñ ösip bara jatqanına alañdaydı

Qazaqstannıñ din isteri jäne azamattıq qoğam ministri Nwrlan Ermekbaevtıñ pikirinşe, elde "dini mädeniettiñ qalıptasuına" qarağanda "dinşildiktiñ tez ösip, ozğanı" bayqalıp otır. Bwl turalı ol keşe Astanada parlament mäjilisinde ötken ükimet sağatı kezinde mälimdedi dep habarlaydı jergilikti agenttikter.

Ministrdiñ aytuınşa, soñğı birneşe jılda azamattardıñ dinşildiginiñ jıldam ösui "dini dogmalardı sıni qabıldaudan", sonımen birge "dini mädeniettiñ dwrıs qalıptasuınan ozıp ketken". Ministrdiñ sözinşe, mwnday jağday "otbasında jäne memlekette kürdeli qarama-qayşılıqtardıñ şielenisuine äser etedi".

Biliktiñ mälimeti boyınşa, Qazaqstanda qazirgi tañda azamattardıñ şamamen 10 payızı özderin ateist nemese agnostikke jatqızadı, 75 payızı qwdayğa senetinderin aytqanımen, dini ädet-ğwrıptı twraqtı saqtamaydı, al 16 payızı özderin barlıq dini şarttardı orındaytın dindar sanaydı. Statistika boyınşa, Qazaqstanda jiırmağa juıq dini konfessiyanı qamtitın 360-tan asa dini birlestikter jwmıs isteydi.

Abai.kz

25 pikir