Qytaydan kelgen qazaq әiel Gýljan Mәuithan keden beketinde tәrkilengen 40 myng dollaryn qaytaryp alatyn boldy, - dep habarlaydy Abai.kz ShQO prokuraturasynyng baspasóz qyzmetine silteme jasap.

Prokuratura ókilderining aituynsha, 4 sәuirde Gýljan Mәuithan Qytaydan Qazaqstangha repatriant retinde kelip, Mayqapshaghay keden beketinde toqtatylghan. Áyelding alyp kelgen 40 myng dollary tirkelmegen.

Keyin Mәuithan búl qarajattyng qaydan shyqqanyn Qytaydaghy ýiin satqanda alyp, Astanadan ýy alghysy kelgendigimen týsindirgen. Áyel aqshalay qarajatty shekaradan ótkizu erejesin bilmegen. Saldarynan "Ekonomikalyq kontrabanda" baby boyynsha sotaldy tergeu bastalghan.

Zaysan audandyq soty Mәuithandy kinәli dep tanyp, 40 myng dollar qarajatyn memleket paydasyna tәrkileu turaly sheshim shygharghan. Apellyasiyalyq instasiyada sot óndirisining tili turaly norma búzylghandyqtan búl sheshimning kýshi joyylghan.

"ShQO prokuraturasy búl isting mәn-jayyn týbegeyli zerttedi. Baqylau organy Mәuithannyng әreketinde qylmys qúramy joq degen qorytyndyghy keldi. Múnday sheshim Mәuithannyng QHR-dan jasyryn aqsha shygharghysy kelmegendiginen qabyldandy. Áyelding maqsaty - otangha oralu. Mәuithan kóp uaqyt boyy aqsha jinap, bar mýlkin satyp, oralman statusyn alghan, al shekaradan ótken kezde ekonomikalyq qylmys jasady degen kýdikpen ústalyp, aqshasy tәrkilengen. Búl jaghdayda qylmystyq jauapkershilikke tartu әdildik prinsiypine jatpaydy", - dedi oblys prokuraturasynyng baspasóz qyzmetindegiler.

Gýljan Mәuithannyng jaghdayyn Abai.kz aqparattyq portaly birneshe ret jazghan bolatyn (ShEKARA QYZMETKERLERI QANDASTARDYNG QALTASYN QAGhUDY QAShAN TOQTATADY, SAGhYNTAEV MYRZA! Shekarada tonalghan jesir ananyng aqshasy qaytqan joq, Ádilbek Múqtashúly: Ýstimizden qylmystyq is qozghalyp jatyr).

Keyuananyng janayqayyn qalyng júrtshylyqqa jetkizudegi maqsatymyz oryndalghanyna quanyshtymyz.

Abai.kz