Jwma, 10 Säuir 2020
COVID-19 QAZAQSTANDA. Jwqtırğandar — 802. Jazılğandar — 61. Qaytıs bolğandar — 9
«Soqır» Femida 10841 19 pikir 26 Mausım, 2017 sağat 08:38

Kerekude Reseydiñ basqınşılığı nasihattalğalı jatır

XYIII ğasırda Reseydiñ Ombı qalasında jasaqtalğan  patşa äskerleri Ertis özenimen   qazaq jerine enip bekinister salğan. Solardıñ  biri podpolkovnik Buhgol'c bastağan ekspediciya Kereku öñirin  jaulap, Resey imperiyasınıñ  otarlau sayasatın  jürgizuge kirisken.

Bizdiñ jergilikti bilik ötken 2016 jılı «Pavlodar geografiya üyi» qoğamdıq birlestiginiñ basşısı Aleksandr Vervekin degenniñ ıqpalınan şığa almay Kerekude solar wyımdastırğan "Ertis küni" merekesinde Ombıda  qwralğan  "Buhgol'c joldarımen"   ekspediciyasınıñ bizdiñ oblısqa keluine jol berdi! Söytip, patşa äskerleriniñ qazaq jerine jasağan basqınşılıq jorıqtarın ıqtiyarlı ya ıqtiyarsız jariya nasihattaluına qoldau körsetti! Sonıñ nätijesinde, älgi ekspediciyanıñ 5 yahtası men  jergilikti «Ermak» teplohodı özendegi kemeler şeruine  qatıstı! Bwl körinisti oblıs äkiminiñ eki birdey orınbasarı: N. Dıçko men M. Begentaev jäne A. Vervekin, t.b. jwrtşılıqtan oqşaulanğan jaylı orınğa jayğasıp otırıp tamaşaladı!  Şaradan soñ ekspediciya müşeleri  üşin asta-tök dastarhan jayıldı!

Mwnıñ aldında A.Vervekin 1715 jılı Buhgol'c äskerleri twrğızğan YAmışev bekinisiniñ ornındağı Eski YAmışev auılına "Buhgol'c joldarımen" ekspediciyasın aparıp twrğındarmen kezdesu ötkizgen edi!  Oblıs jastar sayasatı mäseleleri jönindegi  basqarmasınıñ basşısı Natal'ya Nefedova solarmen birge barıp, kezdesude söz söyledi. Ekspediciya jetekşisi Igor' Vyatkin de söylep, aldağı uaqıtta osı öñirge qayta oralatının jariya etti!..

Erteñinde oblıs jastar sayasatı mäseleleri jönindegi basqarmasınıñ ğimaratında «Pavlodar geografiya üyi» qoğamdıq birlestiginiñ jäne "Buhgol'c joldarımen" ekspediciyasınıñ  müşeleri Pavlodarda dayındalğan «Ertis jäne onıñ bekinisteri» attı derekti fil'mniñ twsaukeser şarasın ötkizdi! Soñında A. Vervekin kinotuındını qonaqtarğa sıyğa tarttı…

Juırda oblıstıñ bas ideologı Meyram Begentaevpen telefon arqılı söyleskenimde "Ertis küni" merekesine biıl tağı da ombılıq qonaqtardıñ keletinin ayttı. Älgi Igor' Vyatkinder me,  älde basqalar ma?.. Onı naqtılağan joq.

Sonımen,  aldağı uaqıtta «Pavlodar geografiya üyi» qoğamdıq birlestiginiñ basşısı Aleksandr Vervekinniñ   wyımdastıruımen tağı da  "Ertis küni" merekesi ötkizilmek!.. Bas ideolog  bıltırğıday  sonıñ ıqpalında kete me, joq pa?.. Uaqıt körsetedi!

PS: Eger Resey Federaciyasında gubernatordıñ ideologiya boyınşa orınbasarına  qanday da bir qoğamdıq wyım basşısınıñ ıqpal etui nätijesinde  "Toqtamıs han joldarımen" nemese "Napoleon joldarımen" ekspediciyasınıñ  Mäskeuge baru oqiğası orın alsa, öz basım  oblıstıq äkimdiktegi  şeneunikterdiñ  is-äreketine  tüsinistikpen qarar edim...

Arman QANI, Kereku qalası

Abai.kz

 

 

 

 

 

 

19 pikir