Senbi, 4 Säuir 2020
COVID-19 QAZAQSTANDA. Jwqtırğandar — 525. Jazılğandar — 36. Qaytıs bolğandar — 5
Jañalıqtar 10663 29 pikir 23 Mausım, 2017 sağat 13:52

Mamaşev ketti... Abai.kz kötergen mäseleler şeşimin tauıp jatır

Astanadağı Täuelsizdik sarayında ötip jatqan düniejüzi qazaqtarınıñ V qwrıltayında Düniejüzi qazaqtarı qauımdastığı törağasınıñ birinşi orınbasarı Talğat Mamaşev qızmetinen bosatıldı. Onıñ ornına elimizde talay jıldar boyı lauazımdı qızmet atqarğan Zauıtbek Twrısbekov tağayındaldı.

Bwl qwrıltayda süyinşi swraytın aqjoltay habarlar jeterlik. Abai.kz aqparattıq portalı men portaldıñ twraqtı avtorı Auıt Mwqibek üzbey köterip kele jatqan mäseleler oñ şeşimin tabatın boldı.

Birinşiden, "Otandastar" degen qor qwrılıp, şetten kelgen ağayınğa qol wşın sozbaq.

Ekinşiden, şetten köşip keletin ağayınnan talap etiletin sottılıq turalı anıqtama alınıp tastaladı.

Üşinşiden, şettegi qandastardıñ balalarına beriletin 2 payız oqu grantı eki esege köbeymek.

Memleket basşısı bwrınğı birinşi orınbasarı Talğat Mamaşevqa alğısın bildirip, Mamaşevtiñ ornına atqaruşı bilikte lauazımdı qızmetter atqarğan, Qazaqstannıñ RF-dağı tötenşe jäne ökiletti elşisi bolğan Zauıtbek Twrısbekovtıñ kandidaturasın wsındı.

Qwrıltay delegattarı Zauıtbek Twrısbekovtiñ kandidaturasın birauızdan qoldap dauıs berdi.

«Ülken senimge köp rahmet. Bwl qızmet är qazaqqa bölek dünie. Men köp söylemeymin, istiñ adamımın. Erteñgi küni bärin ispen däleldeymin», - dedi törağanıñ jaña birinşi orınbasarı.

Redakciyadan: Esteriñizge sala keteyik, Ata jwrtına at basın bwrıp qwyılıp kele bastağan qazaq köşi josıdan 7-8 jıl bwrın mülde toqtap qala jazdadı. "Oralman" märtebeli ağayınğa QR azamattığı 5 jılğa deyin berilmeytin bolıp Ükimettiñ şeşimi de şığıp qoydı. Aq Ordadağı bwlıqsığan wlıqtar (olardıñ qaysıbiriniñ qazir Reseydiñ jansızı ekeni anıqtalıp, memlekettik qwpiyanı satqanı, jariya etkeni belgili bolıp jatır) köşi-qon mäselesin auızğa aluğa bolmaytındığın qatañ eskertip, qasarısıp baqqanda Abai.kz portalı küres jolınan tanbadı. Alıs-jaqın elderdegi qazaq diasporasınıñ mäselesin kün tärtibinen bir sätte tüsirgen joq. Sol üşin qwzırlı orındardıñ tarapınan qısımğa da wşıradı, tipti, memlekettik tapsırıs boyınşa alıp otıratın qarjısınıñ şekti mölşerinen de qağıldı. Al biliktiñ qabağın baqqandar, ärine, tonın aynaldırıp, totıday qwbılıp şığa keldi, atalğan taqırıpqa mülde baspadı. Biz bwnı nege aytıp otırmız? Bireulerdiñ jaltaqtığın, jaltaqtap jürip janbağatındığın betine basu üşin aytıp otırmız ba? Joq. Aytpağımız: qaşanda wlt mwratın tu etuden, eldiñ sözin söyleuden, halıqtıñ mwñ-mwqtajın jırlaudan tayınbayıq ta, taban audarmayıq. Biz jwdırıqtay jwmılıp, bir sözdi bolsaq, biliktegi aqközder alkeudelenip qayda baradı deysiz?!

...degende mine, süyinşi habar estip, onı jwrtqa jetkizip otırmız. Mereyimiz tasıp, quanıp otırmız. Söyte otırıp, ötken ketkendi de eske alıp, bwrınğı kötergen taqırıbımızdıñ birli jarımın eldiñ esine salıp qoyğandı da qwp kördik. Qarañız:

Twñğış Prezidenttiñ «Köşi-qon qorın» qwratın mezgil jetti!

Auıt Mwqibek. Qwrmetti Serik Nığmetwlı, erkiñizdi elge nege biletesiz?! 

 «QAZAQSTAN-2050» STRATEGIYASI: ÜREY MEN ÜMİT

AUIT MWQIBEK: "KÖŞİ-QONDI RETTEMEGEN KÄRİM MÄSİMOVTİ SOTQA BEREMİN"

ON PAYIZ JER ORALMANĞA QALSIN!

Auıt Mwqibek: ««Nağaşıma hat» nağaşımnıñ qolına tiipti»

Auıt Mwqibek. Qazaq köşi osımen toqtasa, Kärim Mäsimov ekinşi Goloşekin atanadı

BWL JAĞINAN DA ORALMANDARDIÑ BETİ JARIQ!

Tarihta qaludıñ tağı bir ölşemi – Köşi-qon

Qıtaydan keletin qandastardıñ köşi toqtağalı bes jıl boldı

Auıt Mwqibek: «Oralmandardı «wru» – qazaqqa qarsı sayasat

Auıt Mwqibek. «Egemen» elinen keşirim swrasın!

Qabılsayat ÄBİŞEV: Müyiz swrap jürip qwlaqtan ayrıldıq

Abai.kz

29 pikir