Särsenbi, 8 Säuir 2020
COVID-19 QAZAQSTANDA. Jwqtırğandar — 697. Jazılğandar — 51. Qaytıs bolğandar — 6
Arandatu 9953 42 pikir 23 Mausım, 2017 sağat 11:08

Putin Qazaqstan äskerin soğısqa aydap salmaq

Jaqında Resey men Türkiya prezidentteriniñ ökilderi kezdesti. Söytip, Siriyadağı soğıs jağdayın talqılap, aqırında Asad basqaratın eldegi deeskalaciya aymağına Qazaqstan men Qırğızstannan äsker jiberudi wsınıptı. Wsınıstı Resey tarabı jasağan.

Keşeli-beri pro-kreml'dik BAQ-tıñ tañdayındağı taqırıp: "Resey Ükimeti Siriyağa Qazaqstan men Qırğızstannan äsker jibermek boldı" (Rossiya predlojila otpravit' v Siriyu voennıh Kirgizii i Kazahstana).

Mısalı, "Mk.ru" saytınıñ jazuınşa, Idlibtegi 1 millionnan astam siriyalıqqa baqılau jürgizu üşin Qazaqstan men Qırğızstannan 300-500 sarbaz kerek eken. Bwl mäseleler, aldağı Astanadağı kezdesu kezinde talqılanbaq körinedi.

Resey Dumasınıñ Qorğanıs komitetiniñ basşısı Vladimir Şamanov keşe mälimdeme jasap, Siriyağa äsker jiberu turalı Qazaqstanmen kelissözder jürgizilip jatqanın aytıptı.

«Qazir kelissözder jürip jatır. Siriyada twraqtılıq ornatu üşin äskeri policiya jiberu mäselesi qarastırılıp jatır. Tipti, Qazaqstan men Qırğızstannan da äsker jöneltilui mümkin», - deydi Şamanov. Al, bizdiñ sarapşılar ne deydi? Qarañız:

Soğısqa bireudi jiberetin bolsa, äueli özderiniñ balalarınan bastasın!

Aydos Sarım, sayasatker:

- Men bizdiñ sarbazdardı Siriyağa jiberu degenge üzildi-kesildi qarsımın. Birinşiden, bwl adam şığınına alıp keledi. Bwl äskeri-policiyalıq operaciya. Demek, jergilikti twrğındarmen tikeley baylanısqa negizdelgen. Resey bwl bılıqqa özi kirdi, endi özi şıqsın. Putin bwl mäseleni WQKW-ğa müşe eldermen kelisti degenge senu qiın. Sondıqtan büytip täjirbie jinauğa bolmaydı.

Ekinşiden, bwl Qazaqstannıñ öz işinde terrorizmniñ jaña tolqının tudıradı. Qazaq äskeriniñ böten eldiñ soğısına aralasuın terrorizm ideologtarınıñ igtey tilep otırğanı dausız. Onıñ aqırı nege alıp keletini aytpasa da tüsinikti. Sonımen qatar, bwl älem aldında Qazaqstannıñ bitimgerlik missiyasınıñ talqanın şığaradı. Sebebi, äskeri-policiyalıq missiya Asad rejimin qoldaytındıqtan Halıqaralıq wyım aldında elimizdiñ bedeli tüsedi.

Üşinşiden, bwl bizdiñ sunnittik eldermen ara-qatınasımızdı kürdelendirip jiberedi. Al bwl öz kezeginde bizdiñ Batıspen baylanısımızdıñ suuına alıp keletin faktor. YAğni, izolyaciya, qwrdımğa qwldırap bara jatqan Reseydiñ eteginen wstap ketuge bastaytın qadam degen söz.

Törtinşiden, bwğan logikalıq tüsinikteme joq.  WQKW şartı boyınşa wjımğa müşe elderdiñ birine şabuıl jasalğan jağdayda äskeri kömek qolın sozuğa mindetti bolamız. Al endi däl qazir Reseyge eşkim şabuıl jasap, soğıs aşıp otırğan joq. Kerisinşe, Resey böten memlekettiñ territoriyasına kirip otır. Sondıqtan, biz bwl soğısqa aralasuğa mindetti emespiz.

Jäne aytarım, eger kerek bolsa, bwl taqırıp boynşa aşıq diskussiya jasayıq. Parlamentte de aşıq dauısqa salınsın. Eger Siriyağa soğısqa bireudi jiberu kerk bolsa, şendi şekpendiler äueli öz balalarınan bastasın!

Geosayasi tartısta biz Resey men Iran jağına şığıp kettik

Äzimbay Ğali, sayasatker:

- Reseydegi orıstar twrmısınıñ naşarlağanına, äleumettik teñdiktiñ, ädelettiliktiñ joqtığına narazı. Orıs halqı korrupciyanıñ örşigenine de narazı. Sol narazılıqtı Aleksey Naval'nıy  erttep minip, paydalanıp, Prezident Putindi ısırıp, bilikke Prezident saylauı arqılı keluge ärekettenude.

Resey qatarınan eki soğıs jürgizip otır. Siriya men Şığıs Ukrainada.  Eki maydanda da adam şığını bar. WQKW (ODKB) Qazaqstandı da Reseydiñ Siriyadağı äskeri avantyurasına tartqısı bar. Sözsiz, bizge Siriya soğısına qatıspağanımız jön.

Al Mäulen Äşimbaev BWW mandatımen Siriyadağı beybitşilik missiyasına qatısuğa boladı deydi. Bwl ideya bir oydan dwrıs bolıp köringenimen, bwrıs poziciya. Biz Astananadağı dipolomatiyalıq missiyağa AQŞ pen Saud Arabiyasınıñ qoldauınsız iliktik. Astanadağı beybit kelisim  jasau missiyası sıñarjaqtı bolıp şıqtı. Nätije bergen joq. Bwl geosayasi tartısta biz Resey men Iran jağına şığıp kettik. Solardıñ "tarısın quırıp jürmiz". Türkiyanıñ Prezidenti Erdoğan wstanımı da twraqsız bolıp twr.

Resey men Irannıñ poziciyası AQŞ-qa jäne barlıq sunnit arabtarına qarsı. Resey men Iran Asadtı qoldaydı, al Asad - şiit, Asadqa barlıq sunnittik mwsılman memleketteri, Europalıq Odaq pen AQŞ odaqtastarı da qarsı. Egerde biz BWW mandatımen Siriyağa kirsek, biz Reseydiñ äskeri bazalarına da arqa süyeymiz. Olay bolsa, Reseymen jäne Iranmen odaqtas boluğa mäjbir bolamız.Sondıqtan "aş päleden qaş päle" principi dwrıs. Reseydiñ Siriyadağı jäne Ukrainadağı soğısı neğwrlım sozıla berse, Resey byudjetine salmağı auırlay tüsedi. AQŞ Prezidenti D.Tramp öz qolımen Reseydi ıdıratadı. Resey ıdırap jatsa, bizdiñ jağday ne bolmaq. Biz tınıs alamız. Sol twsta alañsız sayasi jäne qwqıqtıq reformalar uaqıt küttirmey qolğa alınatın boladı.Qıtaydıñ ıqpalı Reseyden asıp tüsedi. Qara da twr.

Nwrzat Toğjan

Abai.kz

42 pikir