Palmer men Kuyanovtyng aiqasy. Kimge senemiz?
Ótkende jurnalist Djeyms Palmer deytin azamat Astanada ótip jatqan EKSPO-2017 kórmesin synap tastady. "Foreign Policy" jurnalyna kólemdi maqala jazyp, Astanadaghy EKSPO-ny illuziyagha tenedi. Kórme ghimarattaryn "qanyrap túr" dep, keldi degen turisterdi "kelmedi" dedi.
"Qazaqstan halyqaralyq kórme ótkizip, elding abyroyyn kóteru ýshin futuristik qala soqty, biraq bir kishigirim problema bar: Astana qonaq shaqyrudy úmytyp ketken. Grekiyanyng pavilionyn men jalghyz ózim araladym. Kópshilik paviliondarda qyzmet kórsetushilerden basqa eshkim bolmady. Tek Qytay, Germaniya, AQSh sekildi iri elderding paviliondarynda ondaghan adam boldy. Alayda kópshilik elderding paviliondarynyng syrtynan men bos qorshaular arqyly óttim. Kórmedegi ýsh adamnyng ekeui beydjik taqqan", — dep jazdy Djeyms Palmer.
Palmerding maqalasy qyzu talqygha týsti. Týrli pikirler aityldy.
Britandyq jurnalistting búl jazbasyna qatysty "Astana EKSPO-2017" últtyq kompaniyasy Qoghammen baylanys departamentining diyrektory Sergey Kuyanov Palmerding jazghanyn jala dedi.
Kuyanovtyng aituynsha, Palmer deytin tilshi Qazaqstangha kelmegen eken.
«Biz ol jurnalisting bar ekenin anyqtadyq. Britaniyalyq Djeyms Palmer birneshe basylymgha Ortalyq Aziya men Qytay turaly jazady eken. Alayda EKSPO-2017 kórmesinde onday jurnalist tirkelgen joq. Ol - bir. Ekinshiden, Djeyms Palmer degen kisi Qazaqstan shekarasynan ótpegen. Yaghny kedendik tirkeude joq. Demek, Palmer myrza óz materialyn ózge bireuding pikirine sýienip jazghan, ya bolmasa, reportajyn tapsyrys boyynsha shygharghan», - deydi Sergey Kuyanov.
Onan son, britandyq jurnalist ózining Twitter-paraqshasyna Qazaqstan shekarasynan ótkenin rastaytyn vizanyng suretin, EKSPO kórmesine kirgenin rastaytyn biyletting suretin jýktep, EKSPO ókilining ótirigin әshkereledi.
"Ey, Qazaqstannyng ýkimeti! Eger men sizderding shekaralarynyzdy kesip ótpesem myna shtamptar mening pasportymda qalay payda boldy?" – dep jazdy Palmer әleumettik jelidegi paraqshasynda.
"Qosh keldinizder, mening qazaqstandyq oqyrmandarym! Sizder óte tanghajayyp halyqsyzdar, keremet elderiniz bar, biraq, biylikting keybir ókilderi aqymaq", - dedi ol.
Esesine Kuyanov Astana EKSPO-2017 -ge qatysty derekterin jariya etti.
Kórme ashylghaly beri BAQ-ta 2 997 material jariyalanypty. Sonyng ishinde, 718 sheteldik BAQ Elordadaghy EKSPO turaly aqpar taratqan.
Sonday-aq, kórmening ashyluyn "YouTube"-taghy resmy arnadan 181 802 adam, kórmening resmy saytynan – 87 235 adam qaraghan. Ashylu saltanatyn 385 BAQ taratqan. Úlybritaniya, Germaniya, Qytay, Polisha, Chehiya, Avstriya, Ispaniya, Ukraina, Belorussiya men Resey júrty tikeley efirde tamashalady.
Ol ol ma, osy kýni EKSPO tamashalaugha 1 millionnan astam adam kelip ýlgeripti. Osynyng barlyghyn Kuyanov myrzanyng ózi aitty.
Týiin. Palmer EKSPO-gha kelgenin, kelgende kórgenin jazghanyn dәleldedi. Kuyanovtyng da derekteri óz aldyna. Sonymen, kimge senemiz? Kuyanovqa ma, әlde Palmerge me? Álde búl da kezekti "piar" jýris pe?
Núrzat Toghjan
Abai.kz
