Senbi, 4 Säuir 2020
COVID-19 QAZAQSTANDA. Jwqtırğandar — 525. Jazılğandar — 36. Qaytıs bolğandar — 5
Anıq 6020 7 pikir 7 Mausım, 2017 sağat 10:28

Jambıldıq jigit ministr Qasımovtı üylenu toyına şaqırdı

Qazaqstan Respublikasınıñ

işki ister ministri,

Policiya general-leytenantı

Q.N. Qasımovqa

Qwrmetti Qalmwhanbet Nwrmwhanbetwlı!

 

Men 2015 jılı Taldıqorğan qalasında QHR-nıñ azamatı Imanäli Jazira attı qızben tanısıp, bir-birimizdi wnatıp, aldağı künderde otbasın qwruğa uağdalasıp edik.

Ökinişke oray, bolaşaq jarım Imanäli Jazira 2016 jılı 7 mausımda  QR «Äkimşilik qwqıq bwzuşılıq turalı» Kodeksiniñ 517 babınıñ 2 böligimen kinäli dep tanılıp, Qazaqstan Respublikasınıñ şeginen äkimşilik jolmen şığarılıp jiberildi.

Eñ qiını, «Halıqtıñ köşi-qonı turalı» (2011 jılğı 22 şildedegi № 477-IV) Zañınıñ 49-babınıñ «5) Qazaqstan Respublikasınıñ şeteldikterdiñ qwqıqtıq jağdayı turalı zañnamasın birneşe ret bwzğan;» degen norması eskerilmesten, birinşi märte äkimşilik qwqıq bwzğanı üşin Qazaqstan Respublikasınıñ şeginen äkimşilik jolmen şığarılıp jiberilgeni bolıp twr.

Mine, sodan beri bir jıl ötti. Endi tört jılı bar. Söz bergen soñ, jigit adam uädesinde twru kerek! Jaqında QHR-ğa barıp, Imanäli Jaziramen zañdı nekege twrıp keldim. Şınımdı aytsam, tört jıl tosu men üşin oñayğa soğıp twrğan joq. Beybit künde eski zamannıñ qatal zañına wşırağan ğaşıqtardıñ küyin keşu qiın eken, Qalmwhanbet ağatay!

Onıñ üstine, üydegi wldıñ kenjesi edim.  Äkem Nwrsapa Twrsın miına qan qwyılıp, auırıp jatır. Meniñ toyımdı jasap, qızığımdı körip ketsem dep künde armandaydı. Halqımızda «Eki jastı qosqan alğıs aladı, eki jastı ayırğan qarğıs aladı!» degen atalı söz barın jaqsı bilesiz.

Bügin «Nwr Otan» partiyası respublikalıq qoğamdıq qabıldau bölmesinde Sizdiñ orınbasarıñız R.T. Jaqıpovtıñ qabıldauda bolıp, osı hattı tapsırdım.

QR İşki ister ministri lauazımıñızben, Policiya general-mayorı märtebeñizben meniñ şaruamdı öz qolıñızğa alıp, alısta qalğan keliniñizdiñ Atajwrtına oraluına, sıñarına qosıluına kömektesuiñizdi ötine swraymın!

Sonımen qatar Sizdi ömirde bir ret qana bolatın otbasın qwru toyımızdıñ qwrmetti qonağı boluğa şaqıram!

Qwrmetpen,

Twrsın Böribay

Abai.kz

 

7 pikir