Särsenbi, 8 Säuir 2020
COVID-19 QAZAQSTANDA. Jwqtırğandar — 697. Jazılğandar — 51. Qaytıs bolğandar — 6
Dep jatır 3191 6 pikir 5 Mausım, 2017 sağat 00:34

Aqtöbedegi lankestik oqiğağa bir jıl

Osıdan tura bir jıl bwrın, yağni 2016 jıldıñ 5 mausımında terakt bolıp, sonıñ saldarınan ondağan adam qaza taptı.

5 mausım küni Astana uaqıtı boyınşa 16.00-de äleumettik jelilerde Aqtöbeniñ birneşe audanında atıs bolıp jatqanı jaylı habarlar taradı. Kuägerlerdiñ aytuınşa, arnayı operaciya qatarınan üş audanda ötip jatqan - besinşi ıqşamaudan, filarmoniya mañı jäne "Pallada" qaru-jaraq dükeni. Zardap şekkender jaylı bir-birine qayşı mälimetter tarala bastadı.  İşki ister ministrliginen birinşi tüsinik Astana uaqıtı boyınşa 18.00-de tüsti.

Policiyadağılar 5 mausımda sağat Aqtöbe uaqıtı boyınşa 14.28-de dini radikaldar tobınıñ qaru-jaraqtı iemdenu üşin "Pallada" qaru-jaraq dükenine şabuıl jasağanın habarlağan. Qılmıskerler dabıl batırmasın basıp ülgergen satuşını birneşe jerinen pışaqtap öltirdi. Şaqırtu boyınşa oqiğa ornına "Jedelküzet" JŞS jeke küzet wyımınıñ eki qızmetkeri birinşi bolıp keledi, olardıñ biri sol jerde öltirilgen, ekinşisi jaraqat alğan.

"Pallada" dükenine policiya jasağı kelip jetip, qılmıskerler olarğa qarulı qarsılıq körsetken. Atıs barısında üş policeyge oq tiip, jaralanğan, al qılmıskerler patrul'dik kölikti basıp alğan.  Qılmıskerler osı dükennen 17 qaru (3 iir oyıqtı jäne 14 tegis wñğılı añşı mıltığı), 3 gaz tapanşası, oqdäri men pışaqtar alıp ketken.   "Pallada" dükenine jasalğan şabuıldan bir sağat ötkende qarulanğan qılmıskerler eki topqa bölingen. Bir top altı adam bolıp, patrul'dik kölikpen "Pantera" dep atalatın tağı bir qaru-jaraq dükenine şabuıl jasaydı. Mwnda olar dükenge kelgen eki adamdı pışaqtağan, olardıñ biri jaraqat alıp, ekinşisi qaza taptı.

"Pantera" dükenine kelip jetken policiya qızmetkerleri atıs barısında üş qılmıskerdiñ közin joyadı, bireui jaraqat alıp, wstaladı, ekeui jasırınıp ülgeredi. Olar keyinirek qala sırtında tabılıp, öltiriledi.  Al ekinşi top köşeden avtobustı basıp alıp, salondağı jolauşılar men jürgizuşini şığarıp tastaydı. Söytip, qılmıskerler avtobuspen Wlttıq wlannıñ № 6655 äskeri böliminiñ qaqpasın soğıp, bölimniñ territoriyasına kirip, äskeri jasaqpen jäne kelip jetken policiya qızmetkerlerimen atısqan.

Toytarıstan keyin qılmıskerler tobına tosqauıl qoyıldı, al ekinşi top qaşıp ketken. Atıs barısında qılmıskerlerdiñ biri öltirilip, tağı biri jaralandı. Wlttıq wlannıñ äskerileriniñ qatarında üşeui qaza tauıp, altauı jaraqat alğan.

"17 adamnan twratın ekinşi top avtobustı basıp alğannan keyin qaru-jaraq dükeninen alıp şıqqan qarumen äskeri bölimge şabuıl jasadı. Ol jaqta nelikten sonşalıqtı köp äskeridiñ qaza tapqanı men jaraqat alğanı tüsinikti. İşki jasaq bolğan, biraq olardıñ qolında tek süñgi-pışaq bolğan. Olardıñ barlığı qarusız edi. Ärine qılmıskerler kirip barıp, tärtipsiz oq atqan, birinşi zardap şekkender - ötkizu-baqılau beketiniñ mañında twrğandar. Qılmıskerlerdiñ maqsatı işke kirip, qaru-jaraq saqtalğan bölmege enip, qarudı alu boldı. Ol jaqta bizdiñ qarulı äskeriler twrdı, olar birinşi tosqauıl boldı. Sosın bizdiñ policeyler barğanda qılmıskerler qoymalar arqılı qaşa bastadı. Bir topqa tosqauıl qoyıldı, qalğan toptıñ qaqpadan ötip, jasırınğanın keyin bildik. Qalğan qılmıskerlerdiñ bireui öltirilip, ekinşisi jaraqat alıp, wstaldı", - dedi Qalmwhanbet Qasımov keyin ötken brifingte.

"Pallada" dükeniniñ mañında izdestiru şaraların jürgizu barısında policiya qızmetkerleri osı qılmıstarğa qatısı bar degen küdikpen bes adamdı wstap, olardı policiya bölimine jetkizdi.  Tüngi jedel-izdestiru şaralarınıñ barısında tağı bes qılmıskerdiñ közi joyılıp, ekeui wstaldı. Olar tärtip saqşılarına qarsılıq körsetken.

Qarulı şabuıldarğa qatısı bar qılmıskerlerdiñ barlığınıñ atı-jöni anıqtaldı. Aqtöbe oblısında kontrterrorlıq operaciya rejimi engizildi. Eldiñ işki ister organdarınıñ barlıq işki qwramı küşeytilgen qızmetke köşirildi.  Aqtöbede arnayı operaciya jürgizu barısında qoğamdıq kölik jwmısı toqtatıldı, sonımen qatar köñil köteru mekemeleri jabılıp, Internet öşirildi. Aqtöbe twrğındarına köşege şıqpau turalı SMS habarlama kelip jattı.  Qazaqstandıqtar messendjerler arqılı türli fotolar men videolar tarata bastadı.

Ayta keteyik, İİM ökilderi eki videoğa qatıstı tüsinik bergen edi. Videolarda birneşe adam kölik işinde otırıp, policeylerdi atadı. Alayda bwl qazaqstandıq serialdıñ jarnaması bolıp şığıp, mwnıñ Aqtöbedegi oqiğalarğa qatısı joq ekeni resmi türde rastaladı.  5 mausımda keşki uaqıtta bilik ökilderiniñ işinen Aqtöbedegi jağdayğa qatıstı birinşi bolıp Senat spikeri Qasım-Jomart Toqaev pikir bildirdi.

"Qasietti Oraza qarsañında bolğan Aqtöbedegi terakt - qılmıskerlerdiñ şekten tıs zwlımdığı men körsetken qorlığı. Olardı jazalau boyınşa qatañ şaralar qabıldanıp jatır", - dep jazdı Toqaev Twitter jelisinde.

Sol kezdegi Qazaqstan strategiyalıq zertteuler instituınıñ direktorı Erlan Qarin Aqtöbede sodırlardıñ küş qwrılımdarı men biliktiñ jwmısın toqtatıp tastauı mümkin bolğanın ayttı. Alayda sarapşı küş qwrılımdarınıñ bwl jağdaydıñ aldın ala bilgenin jazdı.

6 mausımda tañğı uaqıtta QR aqparat jäne kommunikaciya ministri Däuren Abaev 5 mausım küni Aqtöbede bolğan jağdayğa qatıstı pikir bildirdi.  QMDB-nıñ törağası, Bas müfti Erjan qajı Malğajıwlı Aqtöbedegi oqiğalarğa baylanıstı ündeu jasadı.

QR işki ister ministri Qalmwhanbet Qasımov Aqtöbede bolğan oqiğanı terrorlıq akt dep atadı. Söytip, ol naqtı mälimetterdi keltirdi: atıs jöninde: 12 qılmıskerdiñ közi joyıldı, altauı jaralandı, 6-7 adam izdeude jür.

Osı jiında sol kezdegi QR prem'er-ministri Kärim Mäsimov Memleket basşısınıñ Aqtöbedegi jağdaydı jeke baqılauında wstap otırğanın ayttı.  Aqtöbe oblısınıñ äkimi Berdibek Saparbaev qalada jağdaydıñ twraqtı ekenin aytıp sendirdi.  Policiyanıñ mälimetinşe, atıs kezinde düken satuşısı, küzet wyımınıñ qızmetkeri, qaru-jaraq dükenine keluşi, üş äskeri qaza tapqan.

(Material bıltır kaz.tengrinews.kz saytında jariyalanğan aqparat negizinde dayındaldı)

Abay-aqparat

6 pikir