Düysenbi, 25 Mamır 2020
COVID-19 QAZAQSTANDA. Jwqtırğandar — 8531. Jazılğandar — 4352. Qaytıs bolğandar — 35
Jañalıqtar 3601 18 pikir 1 Mausım, 2017 sağat 09:32

«Nwr Otan» Singapur biigine qol sozdı

Qazaqstan men Singapur arasındağı ıntımaqtastıq partiyalıq deñgeyge köterildi. Oğan «Nwr Otan» partiyası Törağasınıñ Birinşi orınbasarı Mwhtar Qwl-Mwhammedtiñ Singapurge barıp, eldegi bastı sayasi küş Halıqtıq is-äreket partiyasınıñ Bas hatşısı, prem'er-ministr Li Syan' Lun mırzamen kezdesui dälel.

Kezdesude taraptar partiyaaralıq äriptestik jayında söz qozğap, eki el arasındağı ıntımaqtastıqtıñ basım bağıttarın talqıladı. «Nwr Otan» partiyası Singapurdıñ Halıqtıq is-äreket partiyası siyaqtı birlik pen berekeniñ jäne memlekettiñ ösip-örkendeuiniñ kepili. Biıl Qazaqstanda Memleket basşısınıñ bastamasımen Üşinşi jañğıru üderisi bastaldı. Sondıqtan Singapur ekonomikasındağı tañğajayıp tabıstarğa sayasi tirek bolğan partiya täjiribesiniñ bizge bereri mol», – dedi Mwhtar Qwl-Mwhammed.

Öz kezeginde Li Syan' Lun eki taraptıñ jan-jaqtı ıntımaqtastıq ornatuğa degen talpınısı men partiyaaralıq baylanıstı nığaytuğa bağıttalğan bastamaların qoldaytının ayttı.

Sonımen qatar «Nwr Otan» partiyası Törağasınıñ Birinşi orınbasarı sapar barısında Halıqtıq is-äreket partiyasınıñ törağası Kho Bun Vanmen, Parlament spikeri Halima YAkubpen jäne Li Kuan YU atındağı Memlekettik sayasat mektebiniñ rektorı Kişore Mahbubanimen kezdesip, ekijaqtı kelissözder jürgizdi. Odan bölek, Mwhtar Qwl-Mwhammed elimizde cifrlıq tehnologiyanı jetildiru üşin Singapurdağı robot jasau isi boyınşa aldıñğı qatardağı ğılımi-zertteu ortalığında boldı.

Bizdegi orısqwldar qit etse Reseyge qaray jügiredi, al öner de, ğılım da, tehnologiya da Japoniya, Koreya, Singapur siyaqtı Aziyanıñ ören jüyrikterinde. Payğambarımızdan qalğan: «Eger öner, ğılım Qıtayda bolsa, sonda barıp üyren», – degen hadis bar. Endeşe biz aqılı, ğılımı, öneri asqan elderden üyrenuimiz kerek.

Abai.kz

18 pikir