Júma, 15 Qantar 2021
Janalyqtar 6190 4 pikir 18 Mamyr, 2017 saghat 15:29

Asanov pen Mәmy ýnsiz... Elbasynyng raqymshylyghy saudagha týsip jatyr

Osy el Jaqyp Asanovty óte jaqsy kóredi. Qayrat Mәmiydi qara qyldy qaq jarar әdil adam dep biledi. Qoghamdaghy әdiletsizdikke shydamaghan әr adam sol kisilerge hat jazyp, óz qúqyqtarynyng búzylyp jatqanyn aityp shaghynady. Biyldyng ózinde Abai.kz aqparattyq portalyna eki birdey kisi ólimine qatysty material jariyalandy. Ekeui de osy túlghalargha ashyq hat ýlgisinde jazylyp, qogham talqysyna týsti. Eki oqighany da zang adamdary tigisin jatqyzyp, Elbasynyng tәuelsizdikting 25 jyldyghyna arnaghan raqymshylyghyna ilip jibergen.

(Birinshi maqala: ELBASYNYNG RAQYMShYLYGhYN «SAUDALAYTYNDARDY» JAZALAUYNYZDY SÚRAYMYN, ASANOV MYRZA!

Ekinshi maqala: Qyrqynan shyqpaghan qyzdyng janayqayy Qayrat Mәmiyge jete me?).

Adam ólimin raqymshylyqqa ilu, osy mәselege Elbasynyng sayasatyn tikeley kinәli etu tek zang adamdarynyng ghana qolynan keletin is. QR Preziydentining shapaghatyn saudagha salyp, jәbirlenushi taraptyng kóz jasyna sebepshi bolghandardy jazalaugha kelgende el maqtaghan Asanov pen Mәmy qauqar tanyta almay qaldy.

Qazir zang qyzmetkerleri basqany bylay qoyyp, Elbasynyng raqymshylyghyn saudalaytyndy shyghardy. Býkil Qazaqstandy shulatqan osy eki oqighagha QR Bas Prokurory Jaqyp Asanovtyng Jogharghy sottyng tóraghasy Qayrat Mәmiyding lәm demeuining astarynda ne jatyr? Bas Prokuror men Sot tóraghasynyng ýndemey qaluy – qoghamnyng minezin bilgendiginen, býgin shulaghan júrt erteng múny úmytady dep oilauynan bolyp otyrsa kerek.

Búl qúziretti qyzmettegi azamattargha jarasatyn qylyq emes. Elbasynyng aty atalghan, ol kisining sayasatyna kólenke týsiretin әr iste әrkim abay boluy tiyis.

Jaqyp Asanov pen Qayrat Mәmy auzynan ot sharpytyp sóilegende últshyl, qanshyl, qazaqshyl azamat bolyp kórinedi. Biraq, sóite túra Elbasynyng raqymshylyghyn saudalap jatqandargha jaq asha almaghandary olardyng azamattyq túlghasynyng el oilaghanday kemel emes ekenin kórsetti.

Búl atalmysh eki kisining shyn mәninde jigersizdigin bayqatty. Áriyne, elimizde múnday qylmystar kýn sayyn bolyp jatqany ras. Onyng bәrining isin Bas Prokuror men Sot tóraghasynyng qaray almasy da anyq. Biraq, Preziydentting raqymshylyghyna syn aitylghan kezde, Asanov pen Mәmiyding jany múrnynyng úshyna keluge tiyis bolatyn. Elbasynyng әdemi sayasatyna kólenke týsirip, ólgen adamnyng qanynan aqsha jasap jatqandardy jazalaudyng ornyna, basyn qúmgha tyghyp, «men estimedim, men kórmedim» dep otyru isker adamnyng isi emes. Elbasynyng raqymshylyghy qanday jaghdayda bolmasyn, adam ólimine qatysty qoldanylmauy kerek. Qazaqstan Respublikasynyng azamatyn qasaqana (yaky abaysyzda bolsyn) óltirgen qylmystynyng tym qúrysa birer ay týrmede otyrmauy – býkil jýiege degen narazylyqty kýsheytedi.

Bir ghana Janaózen oqighasyn alayyq. Alty ay boyy alangha shyqqan halyqtyng mún-múqtajyn eshkim tyndaugha qúlyqty bolghan joq. Aqyr sony qantógispen ayaqtaldy. Memleketting sayasatyna degen senimdi setinetken osy oqighadan Asanov pen Mәmiyler sabaq alugha tiyis edi.

Býgin kisi ólimine sebepkerlerdi jazadan bosatsaq, erteng býldirshinderding taghdyryn tas-talqan etken pedofilderge raqymshylyq jasarmyz.

Múnday jaghdayattyng bәri halyq kókeyine kek bolyp qata beredi. Ol kek, ashu-yza jarylsa, onyng bәrine Bas Prokuror men Jogharghy sot tóraghasyn kinalar da kez tuuy mýmkin. Osy eki oqighagha narazy tarap erteng qazaqy jolmen qylmyskerlerdi jazalar bolsa, onyng obaly da Jaqyp Asanov pen Qayrat Mәmiyge bolary anyq.

Sondyqtan da, kesh bolmay túryp, búl túlghalardyng bilek sybanghany kerek. Keshe bizge atalmysh maqalalardyng avtory habarlasty. Eki oqighagha da prokuratura tarapynan kómek bolmapty.

«Biz әdil zangha senip edik. Sengen zanymyz senimdi aqtamady» deydi olar.

Senimderding aqtalmauy memlekettik dengeydegi sheneunik myrzalargha abyroy әpermeytinin bilip, osy maqalany jazudy jón sanadyq. Ázirge osymen toqtay túrudy jón sanadyq. Dese de búl mәselege qatysty aitarymyz әli de tausylmaghanyn eskerte ketudi jón sanaymyz.

Shәriphan Qaysar

Abai.kz

4 pikir