Jeksenbi, 24 Qantar 2021
Aqmyltyq 3230 1 pikir 18 Mamyr, 2017 saghat 12:57

Shegirtkeler sherui EKSPO-gha qonaqtardan búryn kelip túrmay ma?..

Shegirtke shabuylynan qorghanudy úsynghan deputat oblys basshylyghynan úrys estip, jalamen sottalyp otyr…

Astana halqy 1999 jylghy býkil respublikany sharpyghan «shegirtke shapqynshylyghy» kezinde tәuligine 500 shaqyrym jerge deyin alatyn búl jәndiktin  Elordamyzdy da basyp alghanyn úmyta qoyghan joq bolar. Sol kýnderi onyng Jәnibek Kәripjanovty «Auyl sharuashylyq ministri» degen biyik lauazymymen qoshtasugha mәjbýr etkeni de esimizde…

Sol shegirtke biyl taghy Ontýstik Qazaqstan oblysyna su tasqynynan da jaman apat bolyp túr. Saryaghash, Shardara, Arys audanynan habarlasqan el azamattary ne deydi: «Shegirtke egindi bauday týsirip barady. Ótken jyly bizding deputatymyz Amankeldi Sopbekov (oblystyq mәslihatqa eki ret Saryaghashtan, bir ret Shardara audanynan saylanghan deputat – avtor) «Shegirtkege jem bolmayyq!» dep shyryldaghan bolatyn. Biraq, sol kezdegi oblys basshylyghy dereu qoldau kórsetu ornyna jinalystaghy kópshilik aldynda: «Sen bekerge elge ýrey tughyzba, eshqanday da shegirtkeden tónip túrghan qater joq!»  dep úrsyp, basyp tastaghan edi. 2008 jyly da Amankeldi Sopbekov shegirtkeni aitamyn, jurnalisterdi shaqyramyn dep, basshylardan tayaq jegen bolatyn…

Byltyr qansha dihan egininen airyldy! Qansha jeke sharua bankten alghan qaryzyn ótey almay qaldy. Al, biylghy jaghday odan da jaman. Óitkeni, byltyr jaz jauyndy bolyp, shóp óte qalyng shyqty-daghy, shegirtke túqymyn kóp jerge tastady. Endi biyl dalany qoyyp, auylgha kirip jatyr. Biraq, «shegirtke shabuylgha shyghady!» dep shyryldap jýrgen deputattardy kórmeymiz. Al, biz saylaghan halyq qalaulysy jalamen sottalyp, ýiinde júmyssyz otyr eken…

Biz onyng qanday aiyp, kýnәsi baryn bilmeymiz, biraq, Qarttar ýii men Balalar ýiin eki jyl etpen qamtamasyz etken, Saryaghash audandyq Ardagerler kenesine Audiy-6 avtokóligin satyp әpergen, jetim-jesirding qolyn qaytarmay, kómek kórsetip jýrgen, Saryaghash audanyndaghy «Yntymaq» auylynda búzaqy tәjik óltirgen qazaq jigitting otbasyna qol úshyn sozghan, onyng jeti kýndik, qyryqkýndik, jyldyq asyn kótergen, deputat retinde «Yntymaqta» yntymaq, birlik bolsyn dep bir ay bitimgershilikte jýrgen, byltyr Aqtóbede әskery boryshyn ótep jýrip qayghyly qazagha úshyraghan shardaralyq soldat jigitting de otbasyna (2016 jyly Shardara audanynan saylanghan deputat retinde) jәrdem bergen, elge óte kóp qayyrymdylyq kórsetip jýrgen jan ekenin jaqsy bilemiz. Bir meshit salghan, 34 meshitti jóndeuden ótkizip bergen jany izgi jannyn isining aq-qarasy anyqtalsa eken, әdiletsizdikke jol berilmese eken. Bizding osy ótinishimiz QR Jogharghy Sotynyng Tóraghasy Qayrat Mәmy myrza men QR Bas Prokurory  Jaqyp Asanov myrzalardyn qúlaghyna shalynsa eken deymiz» deydi Marat Bekshoraev, Ábutәlip Saymahanov, Túrdaly Eskerov sekildi auyldaghy el aghalary.

Shynynda da, Amangeldi Sopbekov 2015 jyly últtyq «Altyn jýrek» syilyghynyng «Jyldyng qayyrymdy adamy» nominanty.  Sodan beri ony jaqsy biletinder «Altyn jýrek Amangeldi» dep ataydy. Onyng qayyrymdylyq is-sharalarynyng shet-jaghasyn ghana atap óter bolsaq, olar:

-2006 jyly Kelestegi su tasqyny kezde bir auylgha 2 KamAZ ún tarqatyp, nanmen qamatamasyz etken;

– mektep salghan;

-OQO Maqtaaral audanynda 3 kópir salghan;

-Darbaza aulyna auyz su kirgizuge 2,5 mln.tenge bólgen;

-2010 jyly ShQO, Tarbaghatay audanynyng tasqynnan zardap shekken 500 ýiine ún men azyq-týlik jetkizip bergen;

-Arys qalasynyng № 1 Tәjibaev atyndaghy balalar ýiine 2010 jyly 50 qoy, 2014 jyly Ramazan aiynda oblysymyzdyng 16 meshitine 5 qoydan 80 qoy bergen, t.t.

Shardaralyq azamattar Syrdariyanyng sol jaghyndaghy egistik jerlerde shegirtkege qarsy naqty kýres jýrgizilgenin, biraq, aldaghy bir-eki aptada Saryaghash audanyna qaraytyn Bozay auyl okrugi aumaghynan, sonday-aq Arys audany jaghynan shegirtke shabuylyna úshyraymyz ba dep alandap otyrghanyn jasyrghan joq. Al, Bozay, Jambyl, Álimtau auyl okrugindegiler shegirtkening shyndap jetilip úshuy әli alda, mamyrdyng 25-inen keyin bastalatynyn aitady. «Qystan aman shyqqan shegirtkeler sany jyldaghydan 3-4 ese kóp. Onyng qalyng sepken túqymy qayta-qayta bas kóteretindikten, byltyr az qarjymen betin qaytarugha bolatyn jaugha biyl sonsha ese artyq shyghyn júmsalyp jatyr. Kýn әli qatty ysyghan joq, qatty ysyghan kezde onyng bәri dýr etip kóteriledi» deydi mamandar.

Ontýstikte egis alqabyn tauysqan shegirtkeler endi jusandy otap jatyr: https://www.ktk.kz/kz/news/video/2016/06/13/70093 

Al, Arys audanyndaghy dihandardyng ahualy qanday ekenin tilmen aityp jetkizu qiyn. Ony tek myna beynetýsirilimderdi kórgen adamdar ghana shyn sezine aluy mýmkin…

Býgingidey beyqamdyq Astana halqyn taghy da shegirtkege talatuy әbden mýmkin. 25 kýnnen keyin sәn-saltanatpen ashylatyn EKSPO-2017-ge sheteldik mәrtebeli qonaqtarmen birge shegirtke de qaptap kirip jatsa tanghalmanyz. Sebebi, «jaudy kórmey túryp qoryq» dep aldyn-ala dabyl qaghatyn elding janashyr azamattary ýiqamaqta otyr.

Shegirtkege shekara joq..

Shuaq Aybaltaúly

Abai.kz

1 pikir