Seysenbi, 22 Qırküyek 2020
COVID-19 QAZAQSTANDA. Jwqtırğandar — 107374. Jazılğandar — 102064. Qaytıs bolğandar — 1699
Alañ 8044 52 pikir 10 Mamır, 2017 sağat 10:33

Soğısta Resey jeñildi...

Qazir qoğamdıq sana özgerdi. Uaqıt kimniñ jeñimpaz, kimniñ jeñilgenin däleldedi.

"Soğısta Germaniyanı tıqsırdıq" dep küpinetin Resey qazir German memleketiniñ qolına su qwyıp bere almaytın halde.

Jılda bir-aq kün, 9 mamırda ğana Gitlerdi jeñgenin eske aladı. YAğni 365 künniñ bir ğana küni jeñisten, qalğanı jeñilisten twratının är reseylik moyındaytın kez alıs emes.

Sananıñ jañğıruı, şındıqtı moyındau, aqiqatqa tikke qarau qazir qazaq qoğamında bolıp jatqan ürdis. Äleumettik jeli qoldanuşılardıñ deni "Wlı Otan soğısı" degen tirkesten "jın körgendey" ürkip, reseydiñ alabajaq lentasınan bas tartıp jatuı tegin emes. Sebebi, Resey qazir qazaq üşin - "jeñilgen el". "Jeñilgen eldiñ" jalğan jeñisin "Wlı Otan soğısı" dep äspetteuge arlanatın wrpaq düniege keldi.

Biz Ekinşi düniejüzilik soğısqa mäjbürlikten qatıstıq.

Sol mäjbürlikten qınaday qırılğan qazaqtı Resey qajet etpeydi, qazir.

Soğısqa qatısqan 1 mln. 200 mıñ adamnıñ erligin wmıtıp, tek orıs soğısqanday, tek orıs erlik jasağanday ideologiya jasauğa talpınıp jatır. Soñğı kezde tüsirilgen orıs kinolarında bir aziyalıqtıñ bolmauı tarihtıñ betalısı müldem bölek bağıtqa tüskenin körsetedi.

Demek biz de aqiqattı aşıp aytatın kez keldi degen söz.

Resey jeñildi. Jeñilgendigi sebepti 1941–1945 jıldarı Qazaqstannıñ auıl-selo eñbekkerleri maydanğa 5829 mıñ tonna astıq, 734 mıñ tonna et jäne basqa azıq-tülikter, önerkäsip üşin şikizat bergenin moyındamay otır. Mwnı moyındasa, qazirgi Reseydiñ 1 kündik jeñisi, bir kündik quanışınıñ egesi biz bolıp şığa kelemiz. Al, 364 kündik jeñilisine özderi kinäli ekeni aydan anıq düniege aynaladı.

Soğıs jıldarında Keñes Armiyasınıñ qatarına 1 mln 200 mıñnan asa qazaqstandıqtar şaqırıldı, 20-dan astam atqıştar diviziyası men basqa da äskeri bölimder qwrıldı. Maydanğa 14,1 mıñ jük jäne jeñil avtomobil'deri, 1,5 mıñ şınjır tabandı traktor, 110,4 mıñ jılqı jiberildi. Bwl da Reseyge bir kündik quanış sıylauğa qazaqtıñ qanşa ter tökkenin ayğaqtaytın derek. Özi bir-aq kündik quanışqa özgeni ortaqtastıruğa beyilsiz elge jauap berip keregi de joq. Biz Täuelsiz elmiz. Täuelsiz el, Azat el älemdik sayasi oqiğalardan sırt qala almaydı. Ekinşi düniejüzilik soğıs bizdi de sırt aynalıp ötpedi.

Biz bwl soğısta negizinen komunistik ideologiyadağı Resey tarapında maydanğa kirdik. Al, Mwstafa Şoqay qwrğan Türkistan legionı sapında keybir qazaqtar otarşıl imperiyağa qarsı küresti.

Jüzdegen mıñ qazaqstandıqtar erligi üşin ordendermen jäne medal'darmen marapattalıp, qazaqstandıq 500-den astam jauınger Keñes Odağınıñ Batırı atağın aldı.  T. Bigel'dinov  eki märte Keñes Odağınıñ Batırı atağına ie boldı. Reyhstagta R. Qoşqarbaev jeñis tuın tikti.

Osınday derekterdiñ birin de joqqa şığarmay, jaña közqarasta öz tarihımızdı jazuğa tiispiz. Mwnıñ bäri qazaqtıñ qanday batır el ekenin älemge äygileytin jağdayattar.

"Resey atalar eñbegin elemeydi" dep qarap otırmay, kez-kelgen maydanda qazaqtıñ mereyi üstem bolıp, qarsılasın oñdırmaytının wrpaq sanasına siñire biluimiz kerek.

Joğarıda atı atalğan azamattar Resey üşin emes, qazaqtıñ batırlığın älemge moyındatu üşin şayqasqa kirgen degen ideologiya jüruge tiis.

Äytpese, ekinşi düniejüzilik soğısta nemister jağınıñ barlıq şığını – 457 mıñ adam bolğanın, al Resey bir ğana qalanı qorğau üşin 2 mln. äskerin qırıp alğanın aytıp masqara bolatın zaman bayağıda ötti.

Şäriphan Qaysar

Abai.kz

52 pikir