Beysenbi, 24 Qırküyek 2020
COVID-19 QAZAQSTANDA. Jwqtırğandar — 107529. Jazılğandar — 102323. Qaytıs bolğandar — 1699
Ekonomika 4702 0 pikir 28 Säuir, 2017 sağat 15:06

«QTJ» WK» AQ kompaniyaları tobı biıl 20 aktivin bäsekeles ortağa şığaradı

28 säuirde 2016-2020 jıldarğa arnalğan Jekeşelendirudiñ keşendi josparına säykes Almatıda Investorlar  küni ötkizildi.

Şarağa «Qazaqstan temir jolı» WK» AQ basşısı Qanat Alpısbaev qatısıp, söz söyledi.

Q. Alpısbaevtıñ aytuınşa, biılğı Joldauda biznes ortanı barınşa tübegeyli jaqsartu turalı tapsırma berildi. Osı maqsatta «QTJ» WK» AQ kompaniyalar tobı birqatar aktivterdi bäsekeles ortağa şığaru üşin belsendi qızmet etqaruda. Bwl şaralar Kompaniyanıñ strategiyalıq damuı men jekeşelendirudiñ memlekettik bağdarlaması ayasında jürgizilude.          Memleket basşısı men QR Ükimetiniñ tapsırmasına oray, «QTJ» WK» AQ temirjol kompaniyası köliktik-logistikalıq holdingke aynaldı. Holdingtiñ aldında tranzittik äleuetti jüzege asıra otırıp, Qazaqstannıñ Jaña Jibek jolı boyındağı logistikalıq habı bolıp qalıptasuına qızmet etude.

Q. Alpısbaevtıñ aytuınşa, «qazirgi tañda QTJ kompaniyaları tobında maqsattı qwrılımdıq toptar qwrıluda. Olar beyindik aktivterdi şoğırlandıru men kölik-logistikalıq biznes segmentin bir bağıtqa beyimdep, sonımen qatar beyindi emes qosımşa aktivterdi jekeşelendiru közdeledi».          Jekeşelendiruge temirjol tehnikaları men qwral jabdıqtarın şığaratın zauıttar, jük jäne jolauşılar tasımaldau segmentindegi aktivter, kölik-logistikalıq terminaldar, qosalıq beyindi emes aktivter şığarıladı.

Q. Alpısbaevtıñ aytuınşa, (2014-2015) jekeşelendirudiñ birinşi kezeñinde 21 aktiv şığarılıp, odan 42,4 milliard teñge tüsti. Kompaniyanıñ köptegen enşiles käsiporındarı bastapqı bağasınan joğarı somağa satıldı. Bwl öz kezeginde jeke sektordıñ QTJ aktivine degen swranısınıñ joğarı ekendigin körsetedi.

2016 jılı 11 aktiv jeke sektorğa şığarılıp, 24 mlrd. teñgege bağalandı. "Lokomotiv qwrastıru zauıtı» AQ 50% akciyası Evolution seriyasındağı lokomotivterdiñ tehnologiyasınıñ menşik iesi men negizgi jabdıqtar jinağın jetkizuşi «General Electric» kompaniyasına berildi.

2017 jılı QTJ kompaniyaları tobınıñ 21 aktivi şığarıladı. Olardıñ işinde Aqtau halıqaralıq teñiz sauda portı men «QTJ» WK» AQ senimdi basqaruındağı birqatar öñirlik äuejaylar bäsekeles ortağa şığarıladı.

«Biz memlekettik jekeşelendiru bağdarlamasına qazaqstandıq jäne şeteldik investorlardıñ belsendi qatısuın kütemiz»,-deydi Q. Alpısbaev. Bwl ärine öz kezeginde biznes ortadağı investiciyalıq ahualdıñ jaqsarıp, elimizde orta jäne şağın biznestiñ damuına serpin beretindigine ol arqılı İJÖ ösetindigine senim bildirdi.

Abay-aqparat

0 pikir