Beysenbi, 6 Tamız 2020
COVID-19 QAZAQSTANDA. Jwqtırğandar — 94882. Jazılğandar — 67031. Qaytıs bolğandar — 1058
Äleumet 4213 1 pikir 14 Säuir, 2017 sağat 12:29

Jol azabın jürgen biler

Qazaqstanda 2017 jılı 602 şaqırım avtomobil' jolı salınadı, dep habarladı QR Investiciyalar jäne damu ministrliginiñ baspasöz qızmetine silteme jasağan QazTAG.

2016 jılı Qazaqstan Respublikası kölik jüyesiniñ infraqwrılımın damıtudıñ jäne ıqpaldastırudıñ 2020 jılğa deyingi memlekettik bağdarlaması «Nwrlı jol» memlekettik bağdarlamasımen biriktirilgen eken.

«Engizilgen özgerister boyınşa 2017–2019 jıldarı bağdarlama ayasında wzaqtığı 4,4 mıñ şaqırım, qwnı 1,7 trln teñgeniñ 23 jobasın iske asıru közdelgen. Biılğı jılı avtojoldar rekonstrukciyasına 356,2 mlrd teñge, onıñ işinde Wlttıq qordan 143,5 mlrd teñge bölindi», – depti IjD ministri Jeñis Qasımbek.

Onıñ aytuına qarağanda, Astana – Qarağandı, Ortalıq – Şığıs, Beyneu – Aqtau, Ortalıq – Batıs, Qapşağay – Taldıqorğan, Petropavl – RF şekarası jäne Oral – Kamenka siyaqtı wzaqtığı 602 şaqırım bolatın 7 auıspalı jobada jwmıstar jalğasıp, biılğı jıldıñ soñında ayaqtau josparlanğan.

Ministr atap ötkendey, Respublikalıq byudjet jäne halıqaralıq qarjı instituttarınıñ (HQI) qarajattarı esebinen jalpı wzaqtığı 3,2 mıñ şaqırım bolatın 16 jaña jobanıñ rekonstrukciyası bastalmaq. Olar: Aqtöbe – Maqat, Atırau – Astrahan', Kürti – Burılbaytal, Burılbaytal – Balqaş, Merke – Burılbaytal, Taldıqorğan – Öskemen, Wzınağaş – Otar, Jetibay – Jañaözen, Qalbatau – Mayqapşağay, Üşaral – Dostıq, Beyneu – Aqjigit, Qostanay – Denisovka, Şuçinsk – Zerendi, Astananıñ oñtüstik-batıs aynalma jolı, Osinov asuı, Taskesken – Baqtı.

Bwl eki arada «QazAvtoJol» wlttıq kompaniyasınıñ ökilderi Almatıdağı «Altın Orda» bazarı mañındağı joldıñ qaşan qayta jöndeletinin ayttı, dep habarlaydı Tengrinews.kz. Olardıñ aytuınşa, jöndeu jwmıstarı cäuir-mausım aylarında jürgiziledi. QR prem'er-ministriniñ birinşi orınbasarı Asqar Maminniñ tapsırısına säykes, 2016 jıldıñ IV toqsanında respublikalıq byudjet esebinen «Altın Orda» bazarı mañındağı 4 şaqırımğa sozılğan Almatı-Bişkek avtojolın jobalau jwmıstarı bastalğan eken.

Degenmen, maman-sarapşılardıñ pikirine qarağanda, wzındığı nebäri 15–9 şaqırım ğana bolatın, 10 milliard teñgeden astam şığındı qajet etetin bwl joldı keñeytkennen göri, «Altın Orda» bazarın küre joldıñ boyınan qaşıqqa köşirgen arzanğa tüsedi eken. Biraq memleket jeke menşiktiñ esebindegi bazardı ornında qaldırıp, halıq qazınası esebinen avtokölik tığırığı tıyılmaytın küre joldı keñeytuge qwlşınıp otır. Sebebi belgili: bwl bazardıñ qojayını – el prezidentiniñ inisi Bolat Nazarbaev.

Sırım DATOV

1 pikir