Beysenbi, 2 Säuir 2020
COVID-19 QAZAQSTANDA. Jwqtırğandar — 402. Jazılğandar — 27. Qaytıs bolğandar — 3
Bw ne mazaq? 2611 14 pikir 9 Säuir, 2017 sağat 21:45

Telearnalarımız 25 jıl boyı qazaqtı joyuğa qızmet etti

Aynalayın Altı alaş! Alla keşirsin, bügingi qazaq öziniñ joyılıp bara jatqanın bayqamay, işken-jegenge mäz bolıp, qısı-jazı, kündiz-tüni toy toylaudı ğana biletin sanasız wltqa aynalıp baradı.

Qazaqtıñ wlttıq namıstı, wlttıq sananı oylamay, 25 jıldan beri eñ bolmasa orıs tilinen, öz tiline täuelsizdik äpere almağanın bayqamaytın küyge tüsuine de telearnalardan qazaqtı sanasızdandıru sayasatı bastı sebep bolıp otır. Eldi basqarudıñ "narodu hleba i zrelişa", yağni halıqqa qarnın toyğızıp, oyın-sauıq körsete berseñ boladı degen swmdıq sayasi täsili bar. Sol täsil telearnalar arqılı 25 jıldan beri jürgizilip keledi.

Televiziya - XXI ğasırdıñ eñ quattı qaruı. Biz täuelsizdik aldıq dep özimizdi özimiz jwbatıp, 25 jıl şuıldap jürgende ğasırlar boyı äueli patşalıq Reseydiñ, sosın Keñestik Reseydiñ şovinistik, imperialistik, kolonialistik-otarşıldıq qwrsauında sönip qalğan wlttıq ruhımızdı köterip, wlttıq sanamızdı oyatatın birde-bir telearna tügil telejoba bolğan joq. Kerisinşe telearnalardı basıp alğan änşi emes änşiler,sazger emes sazgerler, KVN-şılar qazaq tilin orısşanıñ audarmasına aynaldırdı. Moral'dik jağınan azğındağan äyeldi qızdarımızğa ülgi etip körsetti. Qısqası wlt retinde joyılmayıq desek,telearnalarımızdı sayqımazaqtardan, änşisımaqtardan, KVN-şılardan tazartıp, qazaqtıñ wlttıq ruhın, otarlanğan sanasınan oyatatın jobalar jasaytın wltjandı, bilimdi jurnalist azamattardıñ qolına tapsırayıq. Äytpese, mına türimizben wlt retinde joyılıp ketemiz.

Oyanayıq, oyanayıq!

Jwmaş Kökböri

Abai.kz

14 pikir