Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
46 - söz 4008 0 pikir 29 Qañtar, 2015 sağat 15:27

Iqılas OJAYWLI. Bir ärip bir wlttı özgertedi

«...Samaltau qayran jerim artta qaldı,

Adasqan örisinen biz bir üyir» .

Osı bir än eske oralğan sayın kökiregim uday aşıp, älemtapıraq küyge tüsemin.

Tili özgergen wlttıñ türi de özgeredi eken. (Biz bwl jerde bet pişinimizdi (öñimizdi) özgertken orıstıñ 14 ärpi haqında aytıp otırmız). Äripti dıbıstıñ tañbası nemese notası desek te boladı. Demek, äriptiñ özgerui äuezdiñ (dauıstıñ) özgeruine de öz äserin tigizbey qoymaydı. Kümändanğan ekensiz, köne grammofonğa jazılğan Mwstafa men Mwhtardıñ dauısın tıñdap köriñiz. Sañqıldap şıqqan sañlaqtar üninen küdigiñiz seyilip, biz añdatqan oydıñ töbesinen däl tüseriñiz anıq. Bwdan şığatın pätuä baylamı – bir ärip bir wlttıñ antropologiyasın tolığımen özgeriske wşırata aladı. Mwnı ğılımda qatelespesem entelehiya deydi.

Ras, bügingi qazaq – basqa qazaq. Tik işegi mwzdağan, beton betti, swp-swr suıq qazaq. Basqa öriske tap bolğan töl bolmısıñnıñ öz üyirinen adasıp şwrqırasa almağan ahualına sät sayın jolığasıñ. Sosın däl qazirgi qazaq qoğamında QAZAQ boludan qiın eşteñe joq ekendigin tüsinesiñ.

Hoş delik....

Bwdan bir ğasır bederinde Ğwmar Qaraş balası:

«...Ärbir iste qazaq isi añqığan,

Tirlikti közimizben köremiz be?» - degen saual joldağan edi.

Jasırıp neme kerek, atalğan asau swraqqa küni büginge deyin MEMLEKETTİK MAZMWNDA tolıqqandı jauap berilgen joq. Bwl bilgen adamğa mäñgilik eldiñ mwratın eki-aq auız öleñge sıydırğan qwdiretti saual bolatın.

Al qarımta jauap qatuğa Qazaqiya eli qaşan dayar boladı? Til men dildi aytpağanda işken asımız ben kigen kiimimizden KİMDERDİÑ IİSİ şığadı özi?...

Bwl är qazaq balasınıñ WYATI men WJDANINA tüsken wlı sın boluı kerek.

Qazaq topırağında jaratılğan danışpandarımız büginimizben keler uaqıtımızğa da öz boljamdarın jasaptı. Aytqandarı kelsin, dualı auızdarımızdıñ deni jaqsılıqqa jorıptı. Ras, köp dünieniñ qwyısqanı bosap, köbesi sögilip keledi.

«Qazaq añqitın» kün de ALAŞQA alısta emes sekildi...

http://qamshy.kz/?p=18361

0 pikir