Qalay bolaryn kim bilsin, alayda biyldan bastap bizding elimiz astyq ónimin eksportqa shygharmauy mýmkin. Kók tiyn paydasy joq. Shyghyny shash etekten. Basqasyn bylay qoyghanda, astyq ónimin shet elderge tasymaldaudyng ózine ghana 15 milliard tenge ketedi eken. «Odan da búl aqshany fermerlerimizge qoldau kórsetuge júmsaghanymyz dúrys» dedi jaqynda auyl sharuashylyghy ministri Asyljan MAMYTBEKOV myrza.

Oypyrmay, ә! Ministrimiz shet elderden asyl túqymdy mal ataulyny әkelip bolyp, endi shet elderge astyq shygharmaudyng qamyna kiristi me osylaysha? Osynday oy keldi bizding qauashaghymyzgha – Asekenning әngimesin estigen sәtte. Dúrys qoy, óte dúrys. Shyghyny shash etekten bolsa, shygharyp keregi ne? Qos qoldap túryp qoldaymyz múndaydy. Al biraq «atalmysh aqshany fermerlerimizge bere salayyq» degeni nesi sonda bú kisining - bizge mәselening osy jerining mәnisi týsiniksizdeu bolyp túr. Óitkeni... keshe ghana Esep komiytetining basshysy Qozy-Kórpesh JANBYRShIN myrza auyl sharuashylyghy ministrligine bólingen 43,1 milliard tenge budjet aqshasynyng 2012 jәne 2013 jyldary men 2014 jyldyng birinshi jartyjyldyghynda tiyimsiz paydalanylghany jóninde mәlimet taratty.

«Búl qalay sonda?» DESEK, ol sonda bylay EKEN: Esep komiytetining basshysy Qozy-Kórpesh Janbyrshin myrzanyng mәlimetterine senetin bolsaq (resmy mәlimetke senbeuge qúqymyz joq), auyl sharuashylyghy ministrligi 2013 jyly túp-tura toghyz zandy túlghagha nesie beripti. Toghyzynyng әrqaysysyna BIR jәne EKI milliard tengeden. Million degeniniz mýlde joq. Tek qana milliardtap beripti! Bir qyzyghy – milliardtaghan nesiyeni ministrlik JShS dep atalatyn firmalargha 2013 jyly bergen bolsa, sol firmalardyng ózderi de... tiyisti organdargha zandy túlgha retinde 2013 jyly tirkelipti! Taghy bir qyzyghy - auyl sharuashylyghy salasynda ayanbay júmys isteu ýshin zandy túlgha retinde tirkelgen osynau firmalardyng ne «bir gramm» tehnikasy, ne «bir metr» jeri, tipti «kóz qylyp kórsetetindey» bir-eki aiyr-kýregi de joq eken. Al Siz aitasyz, ASYLJAN myrza, «on bes milliardty taghy da bere salayyq» dep. Sonda deymiz-au... sonda siz Memleket basshysynyng ótkende ghana «memleket senderge sauyn siyr emes» degenin tura maghynasynda týsinip qalghansyz ba, a?

Marat MADALIMOV.

Abay.kz